Skírnir - 01.01.1983, Side 73

SKÍRNIR ÍSLENSKT SALTARABLAÐ í SVÍÞJÓÐ 67
fingur og tær dregin með svipuðu móti. Andlit guðs föður í
saltaramyndinni líkist andliti Krists á 33v í Stjórn 227 (mynd
3). Hárið er svipað, slétt í hvirfli með örlitlum lokk á miðju
enni og mjúkum lokkum sem liðast niður með vöngunum.
Sömu nýrnalaga eyrun eru í báðum andlitum. Nef og munnur
eru einnig svipuð en aftur á móti eru augu og skegg dregin með
nokkuð ólíkum hætti. Augun í saltaramyndinni eru mun ein-
faldari, einungis svartur depill með örfínum, laustengdum
augnabrúnum. Augun í Stjórnarmyndunum eru hins vegar
hlutfallslega stór miðað við andlitið, augasteinar stórir og línur
umhverfis þá skýrt dregnar. Þó er nokkur munur á sögustafa-
og spássíumyndum Stjórnar 227 í þessum efnum því að andlitin
í spássíumyndunum eru yfirleitt fíngerðari og svipar meira til
andlita guðs föður og Krists í saltaramyndinni. Við þetta má svo
bæta að geislabaugar guðs föður og Krists eru nákvæmlega eins
í báðum myndunum.
Búningarnir á saltaramynd og Stjórnarmyndum eru svipaðir,
skósíður, víður kyrtill og skikkja sem ýmist situr laus á herðum
eða tekin er saman með nælu framan á bringunni. Þó er hvergi
unnt að benda á nákvæmlega hliðstæðar klæðafellingar. Þetta
kann að stafa af því að fyrirkomulag klæðanna í þrenningar-
myndinni verður með öðru móti vegna krossins sem guð faðir
heldur fyrir framan sig. Klæðunum í þrenningarmyndinni svip-
ar helst til klæðanna á lv í Stjórn 227. Að vísu leggst skikkjan
með öðru móti yfir hnén en samt er heildarformið á hnénu
vinstra megin svipað. Mjúkar boglínur og litlar v-laga fellingar
eru einnig áþekkar í kyrtli guðs föður á þrenningarmynd og í
kyrtlum englanna á lv í Stjórn 227. í heild er fyrirkomulag
klæðanna svo líkt að ekkert er því til fyrirstöðu að sami lista-
maður hafi verið að verki í báðum tilvikum.
Auk skyldleika í formi og teikningu sem bent hefur verið á hér
að framan sýnir samanburður að litir eru mjög líkir í Stjórn
227 og saltaramynd. Þó ber að hafa í huga að Stjórn 227 er tals-
vert veglegra handrit og kemur það ekki síst fram í ríkulegri
litanotkun.9 Sem dæmi má nefna að teinungarnir á spássíum
Stjórnar 227 eru marglitir en einlitir á saltarablaði. Þrátt fyrir
þennan mun leikur enginn vafi á að litirnir í handritunum eru