Morgunblaðið - 10.07.2015, Page 14

14 FRÉTTIRInnlent
MORGUNBLAÐIÐ FÖSTUDAGUR 10. JÚLÍ 2015
www.gengurvel.is
Halldór Rúnar Magnússon
- eigandi HM flutninga
PRO•STAMINUS
ÖFLUGT NÁTTÚRULEGT EFNI FYRIR KARLMENN
P
R
E
N
T
U
N
.IS
PRO•STAMINUS fæst í flestum apótekum, heilsubúðum og heilsuhillum stórmarkaða
Pissar þú oft á nóttunni?
Er bunan orðin kraftlítil?
Tíð þvaglát trufluðu vinnuna og svefninn
Halldór R. Magnússon, eigandi HM-flutninga ehf, vinnur við alhliða vöru-
dreifingu og flutningsþjónustu og keyrir því bíl stóran hluta vinnudagsins.
„Þvagbunan var farin að slappast og ég þurfti oft að pissa á næturnar.
Á daginn var orðið afar þreytandi að þurfa sífellt að fara á klósettið og
svo þegar maður loksins komst á klósettið þá kom lítið sem ekkert!“
segir Halldór
„Ég tek eina töflu á morgnana og aðra á kvöldin og finn að
ég þarf sjaldnar að pissa á næturnar. Bunan er orðin miklu
betri og klósettferðirnar á daginn eru færri og áhrifaríkari.“
20%
afsláttur
SVIÐSLJÓS
Stefán Gunnar Sveinsson
sgs@mbl.is
Hinn 10. júlí 1815, að lokinni presta-
stefnu, komu menn úr ýmsum áttum
saman í Aðalstræti 10, sem þá gegndi
hlutverki Biskupsstofu, og sam-
þykktu tillögu Ebenezers Hend-
erson, skosks prests og trúboða, um
að stofnað yrði sérstakt Biblíufélag á
Íslandi að erlendri fyrirmynd.
Henderson þessi hafði komið hing-
að árið áður á vegum samsvarandi fé-
lags í Bretlandi, sem stofnað var árið
1804, og hafði í farteskinu Biblíur
sem hann hafði látið prenta á ís-
lensku, svonefnda Grútarbiblíu, og
dreift þeim hér á landi.
„Satt er það, að unga tréð er gróð-
ursett í nokkuð óvenjulegum jarðvegi
og á því mun mæða óblíð og óstöðug
veðrátta. En eigi að síður, varið him-
neskri umönnun og vökvað himneskri
dögg, mun það vaxa og dafna,“ sagði
Henderson um stofnun félagsins í
Ferðabók sinni, en hafa verður í huga
að á þessum tíma voru einungis um
þrjátíu ár liðin frá Móðuharðind-
unum, og erlendum ferðamönnum
þessa tíma þótti Reykjavík vera
nokkuð fábrotinn kaupstaður.
Hver kynslóð þarf sína Biblíu
Þó að stofnfundurinn hefði farið
fram í húsnæði hans, var þáverandi
biskup, Geir Vídalín, fjarri góðu
gamni vegna veikinda. Hann var
engu að síður kjörinn formaður fé-
lagsins, og hefur Biskupinn yfir Ís-
landi síðan þá ætíð gegnt þeirri
stöðu.
Núverandi biskup, Frú Agnes M.
Sigurðardóttir, segir félagið hafa
þjónað miklum tilgangi í gegnum tíð-
ina. „Markmið félagsins hefur frá
upphafi verið að stuðla að útgáfu, út-
breiðslu og notkun Biblíunnar,“ segir
Agnes og bætir við að vert sé að geta
þess að allir geti gerst félagar, það sé
samtök fólks úr öllum kirkjudeildum
og öllum kristnum trúfélögum.
Frá stofnun hefur Biblíufélagið
komið að þýðingu og útgáfu Biblíunn-
ar, en fyrsta útgáfan sem félagið stóð
að var Viðeyjarbiblían svonefnda, en
hún byggist meðal annars á þýðingu
Árna Helgasonar í Görðum, og talið
er að Sveinbjörn Egilsson hafi þýtt
stóran hluta spámannaritanna. Síðan
þá hefur Biblían komið út á um það
bil þrjátíu ára fresti að jafnaði, síðast
árið 2007.
Agnes segir brýnt að Biblían sé á
sem skiljanlegustu máli fyrir
hverja kynslóð. „Sumir spyrja: Af
hverju þarf að þýða Biblíuna aft-
ur og aftur? Af hverju er ekki nóg
að þýða hana einu sinni og prenta
þá útgáfu aftur? Það er gert vegna
þess að tungumálið breytist,
og Biblíurannsóknir breyt-
ast líka, við fáum stöðugt
meiri þekkingu á efni
Biblíunnar eftir því sem
hún er rannsökuð meira.“ Biblían sé
því í stöðugri þróun.
Grundvallarrit trúar
Agnes segir að Biblían og hinar
ýmsu bækur hennar hafi margskonar
þýðingu, bæði í listum og menningu
Vesturlanda, auk þess sem hún sé
trúarrit allra kristinna manna. „Það
besta við Biblíuna er það, að Orðið er
alltaf lifandi, að því leytinu til að það
talar til hverrar kynslóðar, hvers ein-
staklings, hvort sem hann er uppi ár-
ið 1815, 2015 eða fyrr eða síðar,“ seg-
ir Agnes. Textar Biblíunnar segi
margt um lífið og hvernig sé hægt að
takast á við það. „Þeir gefa okkur
huggun í sorg og texta í gleði og í öll-
um aðstæðum lífsins.“
En hvernig sér biskup fyrir sér
framtíð félagsins? „Hingað til hefur
Biblíufélagið haft útgáfurétt Bibl-
íunnar með höndum og félagið hefur
lagt mikið til þýðinganna í þessi 200
ár,“ segir Agnes, og bætir við að
langlífi félagsins segi ýmislegt um
gildi Biblíunnar. „Textinn er alltaf
nýr á hverjum tíma.“
„Kannski verða menn hættir eftir
200 ár að prenta bækur, en við höfum
samt sem áður skyldu til þess að
koma þessu textum á framfæri. Við
þurfum því að vera í takt við nú-
tímann hverju sinni,“ segir Agnes.
Orðið mun lifa um ókomin ár
 Hið íslenska Biblíufélag var stofnað á þessum degi fyrir 200 árum  Elsta félag á Íslandi sem enn
starfar  Meðal elstu Biblíufélaga í heimi  Biskup segir félagið hafa gegnt þýðingarmiklu hlutverki
Morgunblaðið/Júlíus
Þáverandi Biskupsstofa Stofnfundur Biblíufélagsins var haldinn í Aðalstræti 10 fyrir 200 árum. Skjöldur verður
settur á húsið í dag til þess að minnast þessara merku tímamóta að undangenginni guðsþjónustu í Dómkirkjunni.
Hið íslenska Biblíufélag
» Stofnað 10. júlí 1815 að
Aðalstræti 10, sem þá var
Biskupsstofa.
» Félagið er meðal elstu
Biblíufélaga í heimi, stofnað
tveimur árum eftir að Rússar
stofna sitt, og ári á undan
norska Biblíufélaginu.
» Tímamótanna verður
minnst með guðsþjónustu í
Dómkirkjunnu kl. 16 í dag.
» Lesið verður m.a. úr sömu
Biblíutextum og gert var 1815.
200 ára afmæli Hins íslenska
Biblíufélags verður minnst með
ýmsum hætti, en kl. 16 í dag
hefst guðsþjónusta í Dóm-
kirkjunni í Reykjavík og
verður leitast við að gera
hana úr garði eins og
guðsþjónustu fyrir 200 ár-
um, þegar félagið var
stofnað. Þau Ólafur
Egilsson og Sigrún
Ásgeirsdóttir
munu lesa ritn-
ingarlestra, sr. Sveinn Valgeirsson
þjónar fyrir altari og biskup Ís-
lands, Agnes M. Sigurðardóttir,
prédikar. Að því loknu verður sett-
ur blómakrans á leiði Geirs Vídal-
ín, þáverandi biskups, en hann
hvílir í Víkurkirkjugarði, sem ligg-
ur þar sem nú er Landsímahúsið.
Að því loknu verður haldið að Að-
alstræti 10 og settur skjöldur á
húsið til þess að minnast stofn-
unar félagsins. Athöfnin er öllum
opin og ókeypis.
Messað í Dómkirkjunni
HÁTÍÐAHÖLD Í TILEFNI DAGSINS
Agnes M.
Sigurðardóttir
Landsbankinn hefur ákveðið að ráð-
ast í nýbyggingu við Austurhöfn í
Reykjavík undir höfuðstöðvar sínar.
Gætu framkvæmdirnar hafist í lok
næsta árs eða byrjun ársins 2017, en
heildarfjárfesting með lóðarverði er
um átta milljarðar króna. Sam-
kvæmt tilkynningu frá bankanum er
gert ráð fyrir að heildarstærð bygg-
ingarinnar verði 16.500 fermetrar.
Landsbankinn er í dag með höfuð-
stöðvar við Austurstræti auk þess
sem starfsemi bankans fer fram í 13
öðrum húsum í miðbænum. Þá rekur
Landsbankinn einnig miðlæga starf-
semi að Álfabakka og í Borgartúni
og geymslur og stoðþjónustu á
þremur öðrum stöðum. Með nýrri
byggingu gæti nánast öll starfsemi
bankans flust undir eitt þak.
Bankinn gerir ráð fyrir umtals-
verðri hagræðingu með nýjum
höfuðstöðvum. Gera áætlanir ráð
fyrir að árlegur rekstrarkostnaður
vegna húsnæðis lækki um 700 millj-
ónir króna og að fjárfestingin borgi
sig upp á um 10 árum. Haldin verður
hönnunarsamkeppni og kallað eftir
hugmyndum um nýtingu á gamla
bankahúsinu við Austurstræti 11.
Mynd/Landsbankinn
Austurhöfn Myndin sýnir m.a. fyrirhugaða staðsetningu nýja húsnæðisins.
Nýjar höfuðstöðv-
ar fyrir 8 milljarða
 Landsbankinn í 16.500 fm húsnæði