Morgunblaðið - 10.07.2015, Síða 39

MENNING 39
MORGUNBLAÐIÐ FÖSTUDAGUR 10. JÚLÍ 2015
AF TÓNLIST
Hjalti St. Kristjánsson
hjaltistef@mbl.is
Ég er þess nokkuð viss aðflest íslensk mannsbörnkannast nú orðið við Eistna-
flug. Það eru kannski ekki allir viss-
ir um hvað fer þar fram, svona ná-
kvæmlega. Jú, þetta er
þungarokkshátíð og varla orðum
aukið að kalla þetta árshátíð málm-
vísindamanna landsins. Það kemur
kannski einhverjum á óvart og ekki
síður undirrituðum sjálfum að í ár
fer fram eldskírn hans á þessari há-
tíð. Tíu hátíðir hafa liðið án þess að
ég hafi búið mér til pláss til að fara.
Það er, í ljósi þessa, ekki orðum
aukið að eftirvæntingin eftir hátíð-
inni hafi verið þó nokkur. Flestir
vina minna og kunningja eru fasta-
gestir og hafa ekki sparað lofræð-
urnar um hátíðina og því lá í augum
uppi að ég þyrfti að undirbúa mig
vel. Ég renndi lauslega í gegnum
helstu bönd, um flest hver ég hafði
bara heyrt en ekki hlustað á, og átt-
aði mig á því að þrátt fyrir að marg-
ir álíti mig þungarokkara er ansi
margt í heiminum sem ég hef ekki
hlustað á. Það breytti því ekki að
spennan fyrir hátíðinni jókst. Ég var
á leið inn á svæði sem voru ekki til á
mínu korti.
Friðsemd í fyrirrúmi
Ég held ég fari ekki með rangt
mál þegar ég segi að hingað til hafi
ekki eitt einasta ofbeldismál komið
upp í sögu Eistnaflugs og þá er kyn-
ferðisofbeldi meðtalið. Margir
kunna að spyrja sig hvernig það
megi vera. Því virðist ekki hnikað að
að öllu jöfnu reynist misjafn sauður í
mörgu fé en hinsvegar er bara ein
regla á Eistnaflugi: Það er bannað
að vera fáviti!
Þetta hljómar einfalt en er þó
nokkuð margslungið. Það að meiða
einhvern annan er að vera fáviti.
Það að líta framhjá því að einhver sé
að meiða einhvern annan er að vera
fáviti. Það að líta framhjá því að ein-
hver sé í vanda er að vera fáviti. Það
að taka ekki ábyrgð á eigin gjörðum
er að vera fáviti. Þú vilt ekki vera fá-
vitinn sem eyðileggur Eistnaflug.
Þarna er einmitt mergurinn
málsins. Ef þú lemur einhvern á
Þjóðhátíð ertu tölfræði. Ef þú lemur
einhvern á Eistnaflugi ertu að
skemma hátíðina fyrir hinum því
þangað er fólk komið til að skemmta
sér og njóta tónlistar og samveru
hvert við annað.
Leikurinn hefst
Eistnaflug ársins í ár hófst í
fyrrakvöld. Því miður átti ég þess
ekki kost að vera mættur fyrr en á
lokatónleika kvöldsins. Þannig
missti ég af flutningi Sólstafa á tón-
list við kvikmyndina Hrafninn flýg-
ur. Það var þó endahnúturinn sem
ég hafði hlakkað hvað mest til að
upplifa (því þetta snýst jú allt um
Lifun). Jú. mikið rétt, síðasta atriði
kvöldsins var flutningur The Vin-
tage Caravan og meðreiðarmanna á
Lifun eftir Trúbrot. Þó að að það
hafi að einhverju leyti angrað mig
að hljóðblöndunin hafi verið mun
þungarokkslegri en mér þætti hæfa,
tikkaði flutningurinn í öll boxin.
Sándið var ekta og meðreiðarfólkið,
þau Árni Svavar Johnsen, Magnús
Jóhann Ragnarsson og Sólveig Matt-
hildur Kristjánsdóttir, skilaði sínu
þrælvel og svo kom rúsínan í pylsu-
endanum. Sjálfur Magnús Kjart-
ansson, meðlimur Trúbrots og höf-
undur margra laganna, lék sjálfur
með á píanó og söng alla sína upp-
runalegu parta. Ég held ég geti með
sanni sagt að sjaldan hafi hríslast
um mig eins mikil gæsahúð og þegar
talið var í „To be grateful“.
Miðvikudagskvöldið setti því
vandlega tóninn fyrir hátíðina og
svo ég taki mér í munn orð björg-
unarsveitarmanns sem ég ræddi
stuttlega við í munn, eru gestir
Eistnaflugs „alveg sér þjóðflokkur“.
Árshátíð málmvísindadeildar
Ljósmyndir/Gaui H
Flösufeykir Liðsmenn Vintage Caravan gáfu sig alla í flutninginn. Hér sést söngvarinn Óskar feykja flösu.
»Ef þú lemur ein-hvern á Eistnaflugi
ertu að skemma hátíð-
ina fyrir hinum því
þangað er fólk komið til
að skemmta sér og njóta
tónlistar og samveru
hvert við annað.
Sólstafir Greinarhöfundur missti af flutningi Sólstafa á tónlist við kvik-
myndina Hrafninn flýgur en það gerði ljósmyndari ekki.
Trúbrotsmaður Magnús Kjartansson flutti hljómplötuna Lifun með rokk-
sveitinni Vintage Caravan og fleiri tónlistarmönnum í fyrrakvöld.
Fjölmennt Hátíðargestir í stuði í íþróttahúsinu í Neskaupstað. Gæsahúð Pistilskrifari fékk gæsahúð þegar talið var í „To be grateful“.
Phil Rudd, trommuleikari rokksveitarinnar
AC/DC, var dæmdur í átta mánaða stofu-
fangelsi í gær á Nýja-Sjálandi fyrir að hóta
aðstoðarmanni sínum lífláti og vera með
maríjúana og metamfetamín í fórum sínum.
Rudd játaði á sig morðhótunina og vörslu
fíkniefna en saksóknari féll frá fyrri ákæru
um að hann hefði lagt á ráðin um morð vegna
ónægra sönnunargagna. Dómari í málinu,
Thomas Ingram, gaf lítið fyrir þau rök að
Ingram væri ómissandi fyrir AC/DC, eins og
verjandi hans hélt fram, og benti á að Queen
hefði fundið annan söngvara í stað Freddie
Mercury. „Þú ert ekki í hljómsveitinni og
verður ekki í henni aftur fyrr en þú tekst á
við vímuefnafíkn þína,“ sagði Ingram við
dómsuppkvaðningu. Besta leiðin væri því
fyrrnefndur stofufangelsisdómur. Fylgst
verður með Rudd allan sólarhringinn á heimili
hans í Tauranga á Nýja-Sjálandi. Verjandi
Rudd mun hafa áfrýjað dómnum, að því er
fram kemur á vef tímaritsins Rolling Stone.
Rudd dæmdur í átta
mánaða stofufangelsi
AFP
Stofufangelsi Rudd í héraðsdómi Tauranga.
Útflutningsskrifstofa íslenskrar tónlistar,
ÚTÓN, gerði könnun á því í fyrra hversu
miklum peningum erlendir gestir tónlist-
arhátíðarinnar Iceland Airwaves eyddu á
höfuðborgarsvæðinu meðan á dvöl þeirra
stóð. Helstu niðurstöður eru þær að gestir
eyða meira og gista lengur en síðustu ár. Er-
lendum gestum hefur fjölgað milli ára og
gistinætur eru fleiri og það skilaði sér í fyrra
í heildarneyslu upp á 1.620 m.kr. og er það
420 m.kr. aukning frá árinu 2013.
Þá var einnig reiknaður út tekjumargfald-
ari, þ.e. heildaráhrif þess þegar ný innspýt-
ing fjármagns kemur inn í lokað hagkerfi og
þegar margföldunaráhrif eru tekin með voru
heildartekjur af erlendum gestum innan
Reykjavíkur á bilinu 2,7 til tæplega 3 millj-
arða króna, skv. tilkynningu.
Erlendir gestir Airwaves
eyddu 1,6 milljörðum
Morgunblaðið/Eggert
Fjölgun Frá tónleikum Flaming Lips á Airwaves
í fyrra. Erlendum gestum hefur fjölgað milli ára.