Morgunblaðið - 10.07.2015, Page 44

FÖSTUDAGUR 10. JÚLÍ 191. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 569 1100
mbl.is: netfrett@mbl.is
Í LAUSASÖLU 460 ÁSKRIFT 4995 HELGARÁSKRIFT 3120 PDF Á MBL.IS 4420 I-PAD ÁSKRIFT 4420
1. „Ég stóð skyndilega aleinn“
2. 16 ára morðmál loks upplýst
3. Vafasamur maður í Vogahverfi
4. Arnar Gauti breytti eldhúsi fyrir…
»MEST LESIÐ Á mbl.is
FÓLK Í FRÉTTUM
 Kvikmyndin Everest, leikstýrð af
Baltasar Kormáki, verður opnunar-
mynd kvikmyndahátíðarinnar í Fen-
eyjum, eins og greint var frá í Morg-
unblaðinu í gær. Dagblaðið Guardian
bendir á að þær myndir sem hafa ver-
ið opnunarmyndir síðustu tveggja há-
tíða, Birdman og Gravity, hafi báðar
hlotið óskarsverðlaun. Opnunar-
myndir hátíðarinnar séu því líklegar
til að keppa um óskarsverðlaun.
Everest líkleg til
óskarsverðlauna?
 Elfa Dröfn Stef-
ánsdóttir messó-
sópran og Sólborg
Valdimarsdóttir
píanóleikari halda
tónleika í Hömrum
í Menningarhús-
inu Hofi á Akur-
eyri í dag kl. 14. Á
efnisskránni eru
íslenskar og norrænar söngperlur,
fjórir tregasöngvar eftir Hreiðar Inga
og aríur eftir Bizet og Saint-Saëns.
Elfa og Sólborg í Hofi
 Menningarhátíðin Listaflóð á víga-
slóð verður haldin í dag og á morgun
að frumkvæði heimilisfólks á Syðstu-
Grund í Blönduhlíð, en á þessum
slóðum var háður Haugsnesbardagi
árið 1246. Kvöldvaka verður í Kakala-
skála í kvöld kl. 20.30 og verður m.a.
sýnd heimildarmyndin Orgelleik-
arinn: Maður í máli
– dagur í mynd-
um, eftir Ingþór
Bergmann Þór-
hallsson en hún
fjallar um tón-
listarmanninn Svein
Arnar Sæmundsson
frá Syðstu-Grund.
Listaflóð á vígaslóð
Á laugardag Norðaustan 10-15 m/s norðvestanlands og með suð-
austurströndinni fyrripartinn en annars hægari vindur. Rigning eða
súld eystra en skýjað en úrkomulítið vestantil. Hiti 5 til 16 stig.
SPÁ KL. 12.00 Í DAG Norðaustlæg átt, 3-11 m/s. Þokuloft eða
súld með köflum norðaustan- og austanlands og norðvestantil.
Líkur á slyddu til fjalla. Bjartviðri suðvestantil. Hiti 4 til 15 stig.
VEÐUR
Víkingar voru óheppnir að
falla út úr Evrópudeild
UEFA í knattspyrnu í gær-
kvöld þegar þeir gerðu
jafntefli, 2:2, við Koper í
Slóveníu. Þeir voru nærri
því að skora þriðja markið,
sem hefði komið þeim í 2.
umferð. „Við erum gríðar-
lega svekktir yfir því að
hafa ekki komist áfram,“
sagði Ólafur Þórðarson,
annar þjálfara Vík-
ings. »2-3
Víkingar gríðar-
lega svekktir
„Þetta er töluvert
mikið stærra, félag-
ið hefur töluvert
meira fjármagn en
Pescara og að-
stæður eru frábær-
ar. Ég hef spilað á
mörgum stöðum
og ferðast mikið
en vonandi mun
ég vera hér í
nokkurn
tíma og það
verður gaman
að komast í
gang,“ segir Birkir
Bjarnason, lands-
liðsmaður í knatt-
spyrnu, sem í gær
samdi við svissnesku
meistarana Basel. »1
Töluvert mikið stærra
hjá Basel en Pescara
„Nú er í raun eini tíminn sem þessi
listi skiptir máli, þá er frábært að
vera ofar en Ísland hefur áður kom-
ist og þetta eru mjög ánægjuleg tíð-
indi. Við erum að toppa á réttum
tíma og svo skiptir þessi listi nán-
ast engu máli næstu tvö árin,“ segir
Heimir Hallgrímsson, landsliðsþjálf-
ari karla í knattspyrnu, um stöðu ís-
lenska liðsins á heimslista FIFA. »4
Eini tíminn sem þessi
listi skiptir máli
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Áhugi knapanna er mikill og þegar
út á völlinn er komið blossar
keppnisskapið upp. Það hefur verið
gaman að fylgjast með forkeppnum,
flottir hestar og knapar sem hafa
sýnt mikil tilþrif. Á miðvikudag var
keppni í fimi í barna-, unglinga- og
ungmennaflokkum og sá dagur skil-
aði okkur þremur Íslandsmeist-
urum,“ segir Linda Björk Gunn-
laugsdóttir, formaður hestamanna-
félagsins Spretts. Félagið stendur
að Íslandsmótinu í hestaíþróttum
sem nú stendur yfir á Kjóavöllum í
Kópavogi.
Samspil knapa og hests
Um 760 keppendur eru skráðir til
leiks á Íslandsmótinu og hafa þeir
sjaldan verið fleiri. Mótinu hefur til
þessa verið skipt í tvennt; það er mót
fullorðinna annars vegar og í barna-,
unglinga- og ungmennaflokkum hins
vegar. Nú er þessu tvennu hins veg-
ar slegið saman, sem þykir gefast
vel. Á Íslandsmóti og Landsmóti
hestamanna, sem haldið er annað
hvert ár, er sá munur að í hinu fyrr-
nefnda er íþróttakeppni þar sem
lögð er áhersla á samspil knapa og
hests og á Landsmóti er keppt í
gæðingakeppni þar sem lögð er
meiri áhersla á kraft og hraða. Þar
er einnig kynbótakeppni. Svipur
mótanna tveggja er því að sumu
leyti ólíkur.
„Landsmótin eru í byrjun júlí og
Íslandsmótið í kjölfarið. Hestafólk
tekur því þennan tíma frá og skipu-
leggur frí sín með tilliti til þessa. Á
mótinu núna er gaman að fylgjast
með yngri flokkunum, þar sem
keppni er hörð og framtíðin virðist
spennandi. Keppendur koma af öllu
landinu og heilt yfir virðist hesta-
mennskan í blóma,“ segir Linda
Björk um mótið, sem hófst á mið-
vikudag og stendur til sunnudags-
kvölds. Í dag, föstudag, verður
keppt í töltgreinum og á morgun,
laugardag, er gæðingaskeið og B-
úrslit í fjór- og fimmgangi og tölti. Á
sunnudag, á lokadegi mótsins, verða
svo tekin A-úrslit í öllum hring-
vallagreinum.
Keppt á tveimur völlum
Forkeppni Íslandsmótsins er á
tveimur völlum Spretts, það er á
Skeifunni við Sprettshöllina á Kjóa-
völlum og á Hattarvelli, Garða-
bæjarmegin á svæðinu. „Mótið er
fjölsótt. Hverjum keppanda, þá ekki
síst börnunum, fylgja foreldrar og
aðrir úr fjölskyldunni svo búast má
við að hér verði fjölmenni um
helgina,“ segir Linda, sem hefur
verið viðloðandi hestamennsku
lengi. Hefur sportið verið líf og yndi
Lindu, bæði hér heima og í Fær-
eyjum þar sem hún bjó í nokkur ár.
Knaparnir sýna mikil tilþrif
 Íslandsmót í
hestaíþróttum í
Kópavogi
Morgunblaðið/Árni Sæberg
Íslandsmót Linda Björk Gunnlaugsdóttir, formaður Spretts, og Magnús Benediktsson, framkvæmdastjóri félagsins.
Morgunblaðið/Eggert
Keppni Mótshaldið gengur vel, en þátttakendur eru um 760 og á öllum aldri.