Jökull - 01.12.1976, Blaðsíða 99

Jöklarannsóknafélag Islands
Skýrsla formanns fyrir starfsárið 1975, flutt á aðalfundi 10. febrúar 1976
Fyrr á þessum vetri hélt Jöklarannsóknafélag
Islands upp á aldarfjórðungsafmæli sitt. A þess-
um tímum umbreytinga og óstöðugleika er
aldarfjórðungur talsverður aldur á félagi. Sjálft
lýðveldið er ekki mörgum árum eldra. Þegar
lýðveldis er minnst, verður mönnum alltaf
hugsað til Jóns Sigurðssonar. Á merkisafmælum
í okkar félagi hugsum við til okkar Jóns, án
hvers okkar félag væri ekki til.
I árslok 1975 voru félagsmenn 471, en stofn-
anir og bókasöfn, sem fá Jökul, eru 23. Á árinu
gengu 87 í félagið og 3 bókasöfn gerðust áskrif-
endur. Fjórir félagar létust á árinu, 2 sögðu sig
úr félaginu og 30 voru teknir af félagsskrá af
ýmsum ástæðum. Fjölgun er því 54 félagsmenn
og 3 bókasöfn og má það gott teljast.
Vorfundur félagsins var haldinn 29. apríl í
Tjarnarbúð og vel mætt að venju. Þar ræddi
Eyþór Einarsson um Esjufjöll og Jón Isdal urn
Vatnajökulsferðina 1974 og formaður um
„hlaupandi“ jökla og sýndu allir skuggamyndir.
Árshátíð og afmælishátíð var svo haldin í Átt-
hagasal Hótel Sögu 15. nóv. og var fjölmenn.
Þar rakti formaður sögu félagsins í stuttu máli,
Guðmundur E. Sigvaldason flutti aðalræðu
kvöldsins. Tískusýning síðar um kvöldið vakti
mikla kátínu. Vil ég votta skemmtinefnd þakkir
fyrir gott starf og geri það þótt ég sé sjálfur í
þeirri nefnd, en mitt starf í henni hefur aðal-
lega verið að þiggja ríkulegar góðgerðir á kvöld-
fundum nefndarinnar. Veit ég ekki aðra nefnd,
sem mér þykir ánægjulegra að starfa í.
Á 25 ára afmælinu hlutu fjórir félagsmenn
silfurstjörnuna og mjög að verðleikum: Árni
Kjartansson, Guðmundur Jónasson, Ingibjörg
Sigurðardóttir og Magnús Eyjólfsson. Eru
stjörnuriddarar félagsins nú 6. Árni Stefánsson
og Sigurjón Rist hlutu stjörnuna á 20 ára af-
mælinu.
I tilefni af afmælinu ákvað skemmtinefnd að
Nýir stjörnu-
riddarar JÖRFA:
Guðmundur
Jónasson,
Magnús
Eyjólfsson,
Ingibjörg
Sigurðardóttir
og Árni
Kjartansson.
JÖKULL 26. ÁR 97