Jökull - 01.11.1998, Blaðsíða 67

hvarf fyrir þrem árum og hef ég ekki orðið var við hann
síðan. Leitarleiðangurinn fór upp Unaðsdal og á jökul-
inn yfir undir brún Leirufjarðar, yfir öxl Jökulbungu og
síðan í 700 m hæð suður fyrir Kaldalón. Veður var afleitt
og færðin leiðinleg vegna þess hve snjórinn var öldóttur.
Jökullinn var allur hulinn nýjum snjó enda snjóaði niður
í sjó. Hvergi urðum við varir við neitt óvenjulegt.”
NORÐURLANDSJÖKLAR
Gljúfurárjökull -1 skýrslu frá Kristjáni Hjartarsyni
segir að snjór liggi yfir jökulsporðinum og verði því
breytingin ekki nákvæmlega áætluð. Af athugun
Kristjáns og ljósmynd sem fylgir er þó ljóst að ekki
hefur hann gengið fram.
Barkárdalsjökull - Undanfarin ár hefur svissneskur
landfræðingur mælt breytingar við Barkárdalsjökul og
sent bréf þar um. Af jarðfræðiathugun telst honum til að
jökullinn hafi hopað 300 m frá aldamótum til ársins
1975. Mældist honum að næstu 10 ár hafi sporðurinn
gengið fram 125 m og hafi rokkað fram og aftur á
svipuðum stað síðan.
HOFSJÖKULL
Sátujökull - Enn er erfitt að ákvarða jökuljaðarinn
hér nákvæmlega enda er hann þakinn aur. Ljóst er þó
að jaðarinn er að hopa.
Múlajökull - Næstu tvær tilvitnanir eru í skýrslur
Leifs Jónssonar. „I skýrslu 1987 gat ég um hlaup úr
lóni ofan Hjartafells. Trúlega hefur nú hlaupið aftur úr
lóninu. Svo virðist sem jökullinn hafi fjarlægst fellið
sem skiptir á annað hundrað metra og virðist svo sem
undan honum hafi komið gamlir jökulgarðar, samhliða
þeim sem fyrir voru í hlíðum fellsins. Hinn möguleik-
inn er og fyrir hendi að jökulgarðar þessir liggi ofan á
jökuljaðrinum.
Lækurinn sem alla tíð hefur komið undan jöklinum í
mörgum kvíslum á mælingastað, kemur nú í einum farvegi
úr fallegum íshelli sem er manngengur 80-100 m inn.”
Jaðar Tungnárjökuls að þenja sig upp af mælilínu í upphafi framhlaups haustið 1994. Kúlan á jöklinum er um 40 m há.
Ljósm./Photo Oddur Sigurðsson 14.10.1994
- Terminus ofTungnárjökull starts moving due to surge in thefall 1994. The hulge on the glacier is about 40 high.
JÖKULL, No. 46
65