Dagblaðið Vísir - DV - 07.11.2014, Síða 4

Helgarblað 7.–10. nóvember 20144 Fréttir
Félag Finns á eignir
upp á 2,7 milljarða
n Keypti og seldi hlutabréf í Noregi n Skuldabréf á gjalddaga árið 2016
F
élag Finns Ingólfssonar, fjár­
festis og fyrrverandi þing­
manns Framsóknarflokksins
og ráðherra, tók í fyrra yfir
dótturfélag sitt sem á rúm­
lega tveggja milljarða króna eignir.
Um er að ræða ótilgreinda skulda­
bréfaeign. Yfirtökufélagið heitir
Spector ehf. og er það í meirihluta­
eigu Finns Ingólfssonar á meðan
dótturfélagið heitir Frumherji Invest
ehf. Þetta kemur fram í ársreikningi
Spector ehf. fyrir árið í fyrra sem skil­
að var til ársreikningaskrár þann 5.
október síðastliðinn.
Spector var áður móðurfélag
skoðunarfyrirtækisins Frumherja en
Finnur Ingólfsson er horfinn úr hlut­
hafahópi þess fyrirtækis eftir fjár­
hagslega endurskipulagningu þess
líkt og greint hefur verið frá í fjöl­
miðlum. Hann á hins vegar Spector
ehf. enn að langmestu leyti. Finnur á
sjálfur 40 prósent í Spector, félag hans
Fikt á 40 prósent, Spector á svo 10
prósent í sjálfu sér og eignarhaldsfé­
lagið Lynghóll á 10.
Gert eftir að Finnur missti
Frumherja
Samruni félaganna tveggja var til­
kynntur til ríkisskattstjóra með bréfi
Finns Ingólfssonar þann 27. des­
ember 2013. Þar sagði Finnur með­
al annars: „Felur samruninn í sér að
Spector ehf. yfirtekur alla starfsemi
Frumherja Invest ehf.“ Þá var hann
horfinn úr hluthafahópi Frumherja
við yfirtöku Íslandsbanka á fyrirtæk­
inu. Skiljanlega var ekki æskilegt fyrir
Finn að eiga félagið Frumherja Invest
þegar hann átti ekki lengur hlutabréf
í Frumherja.
Samruninn breytti í raun ekki
miklu fyrir Spector. Í stað þess að ríf­
lega tveggja milljarða króna skulda­
bréfaeign Frumherja Invest kæmi
fram í ársreikningi þess sem eign
dótturfélags eru eignir og skuldir
Frumherja nú orðnar hluti af árs­
reikningi Spector. Spector tapaði
rúmlega 68 milljónum króna í fyrra
en félagið var skráð fyrir eignum upp
á tæplega 2,7 milljarða króna í fyrra.
Skuldabréfaeignin var í lok árs í
fyrra skráð sem 2.007 milljónir króna.
Aðrar eignir námu tæplega 700 millj­
ónum króna. Á móti þessum eign­
um voru skuldir upp á tæplega 2.300
milljónir króna en af þeim á félagið
að græða 2.044 milljónir á þessu ári.
Athygli vekur að skuldabréfaeignin og
greiðsla skuldanna á þessu ári nemur
nokkurn veginn sömu upphæð.
Seldi hlutabréf – keypti
skuldabréf
Líkt og áður segir kemur ekki fram í
ársreikningi Spector hvaða skuldabréf
þetta eru sem fyrirtækið á.
Í ársreikningi Frumherja Invest
árið 2008 kemur hins vegar fram
að 2009 hafi félagið selt hlutabréf
sín í norska eignarhaldsfélaginu,
Banebryter A/S. Í reikningnum segir
að Frumherji Invest hafi átti ríflega
áttatíu prósenta hlut í því á árunum
fyrir hrunið. „Eignarhlutur í dóttur­
félagi var seldur í maí 2009. Hluturinn
er færður til eignar á söluverði að frá­
dregnum kostnaði við söluna.“ Sölu­
verð bréfanna nam um 1.400 milljón­
um króna.
Sama ár keypti Frumherji Invest
svo ótilgreind skuldabréf í Noregi
fyrir ríflega 1.500 milljónir króna og á
Spector, yfirtökufélag Frumherja In­
vest, þessi bréf núna. Í ársreikningi
Frumherja Invest árið 2012 kom fram
að útgefandi skuldabréfanna ætti að
greiða félaginu upp bréfin með vöxt­
um í maí árið 2016.
Finnur Ingólfsson situr því á dá­
góðum eignum í þessu félagi sínu,
Spector ehf., en á móti eru sannarlega
háar skuldir. n
Ingi Freyr Vilhjálmsson
ingi@dv.is
Fáum hefur gengið eins vel
Fáum fyrrverandi þingmönnum
hefur gengið eins vel í viðskipta-
lífinu og Finni Ingólfssyni en hann
átti skoðunarfyrirtækið Frum-
herja þar til nýlega. Nú á hann
til dæmis eignarhalds félagið
Spector ehf. sem á skuldabréf
fyrir tvo milljarða.
„Felur samruninn í
sér að Spector ehf.
yfirtekur alla starfsemi
Frumherja Invest ehf.Framkvæmdir
komnar vel á veg
Framkvæmdir við stækkun Norð­
fjarðarhafnar er á áætlun og
verður lokið við þriðja og stærsta
verkhlutann í desember næst­
komandi, að því er Austurfrétt
greinir frá. Meðal þess sem fram­
kvæmdirnar fela í sér er flutn­
ingur smábátahafnar, færsla á
varnargarði og lenging á stálþili.
Á vef Austurfréttar kemur fram
að verkhlutar séu alls fimm og
verður hafist handa við fjórða
og fimmta hlutann á næsta ári.
Gert er ráð fyrir að verkinu ljúki
næsta haust en um er að ræða
eina stærstu framkvæmd Fjarða­
byggðarhafna til þessa.
Mistök við
útborgun
launa
Mistök urðu við útborgun launa
hjá Strætó bs. í byrjun mánað­
ar. Einhverjir starfsmenn fengu
grunnlaun ekki greidd út, að­
eins vaktaálag og yfirvinnu.
Í tölvupósti sem Anna Lára
Guðfinnsdóttir, deildarstjóri
akstursdeildar, sendi á starfs­
menn Strætó kemur fram að
fjármálastjóri hafi verið látinn
vita og að mistökin verði leiðrétt
strax á mánudagsmorgun.
DV hefur að undanförnu
fjallað um óánægju vagnstjóra
Strætó með yfirstjórn fyrirtæk­
isins. Óánægjan beinist hvað
helst að framkvæmdastjóra
Strætó, Reyni Jónssyni, en hann
er sagður koma fram af hörku
og lítilsvirðingu. Ljóst er að mis­
tök við launagreiðslur eru ekki
til að bæta ástandið.
T
æknifyrirtæki Guðjóns Guð­
jónssonar, sem yfirleitt er
kenndur við gamla OZ, tapaði
169 milljónum króna í fyrra
og er eiginfjárstaða þess neikvæð
um ríflega 216 milljónir. Fyrirtæk­
ið heitir OZ, líkt og gamla fyrirtækið
sem Guðjón er yfirleitt kenndur við
sem fór mikinn á Íslandi um alda­
mótin síðustu.
Tap OZ þarf þó ekki að koma
óvart þar sem fyrirtækið hefur unnið
að því að vinna nýja gerð sjónvarps­
lausnar frá árinu 2010 sem gerir
fólki kleift að vinna með sjónvarps­
efni í gegnum vörur frá Apple; taka
upp sjónvarpsefni og geyma það á
sjónvarpsskýi, spóla fram og til baka
og fleira. Hægt er að nota lausnina í
gegnum þráðlaust net í gegnum 3G­
og 4G­tengingar. Tekjur eru eðlilega
ekki miklar á meðan slík lausn er í
þróun.
Fyrirtækið safnaði 300 milljónum
króna í hlutafjárútboði í í fyrravor en
þá setti Jón S. Von Tetzhner meðal
annars fjármuni í fyrirtækið. Guð­
jón í OZ er hins vegar langstærsti
hluthafinn með rúmlega 66 pró­
senta hlut. Lausnin frá OZ hefur
síðan verið tekin í notkun og geta
áskrif endur Stöðvar 2 meðal annars
nýtt sér hana við að taka upp, geyma
og vinna með sjónvarpsefni. n
ingi@dv.is
OZ tapaði 169 milljónum
Tæknifyrirtækið safnaði 300 milljónum króna í hlutafjárútboði í fyrravor
Tap í fyrra OZ, fyrirtæki Guðjóns
Guðjónssonar, tapaði 169 milljónum í
fyrra en sjónvarpslausn þess hefur nú
verið tekin í notkun. Mynd SIGTryGGur ArI
Blekhylki.is
Við seljum
ódýra
tónera og
blekhylki
Fjarðargötu 11 og Smáralind • S: 517-0150