Morgunblaðið - 03.09.2015, Page 41

MENNING 41
MORGUNBLAÐIÐ FIMMTUDAGUR 3. SEPTEMBER 2015
Á Akureyri hefst í dag A! Gjörn-
ingahátíð, sem er haldin í fyrsta
sinn og stendur yfir fram á sunnu-
dag, 6. september. Skipuleggjendur
hátíðarinnar stefna á að hún verði
árlegur viðburður, en í ár eru 14
fjölbreyttir gjörningar auk „off
venue“ eða viðburða utan dagskrár
og vídeólistahátíðarinnar heim.
Lokin á Listasumri á Akureyri
A! Gjörningahátíð er loka-
hnykkurinn á Listasumri á Akur-
eyri sem var endurvakið í byrjun
júní, eftir nokkurra ára hlé, með yf-
ir 200 viðburðum á dagskránni.
Fjölbreyttir gjörningar
myndlistarmanna og sviðslistafólks
eru á dagskrá A! Meðal þeirra sem
fram koma eru Magnús Pálsson,
Anna Richardsdóttir, Katrín Gunn-
arsdóttir, Snorri Ásmundsson, Þóra
Sólveig Bergsteinsdóttir, Freyja
Reynisdóttir & Brák Jónsdóttir,
Örn Ingi Gíslason, Hekla Björt
Helgadóttir, Choreography Rvk og
Kriðpleir.
A! fer fram víðs vegar um Akur-
eyri og teygir anga sína til Hjalt-
eyrar. Meðal annars verða settir
upp gjörningar í kirkjutröppunum,
endurvinnsluskemmu Gúmmí-
vinnslunnar og Verksmiðjunni á
Hjalteyri auk þess sem nokkrir
gjörningar verða í Menningarhús-
inu Hofi og í Listasafninu á Ak-
ureyri, Ketilhúsi.
Dagskráin hefst í dag kl. 17.00 í
Hamragili í Hofi með framlagi
Leikfélags Akureyrar og Hofs,
Drengurinn með tárið, en sá gjörn-
ingur verður fluttur í þremur hlut-
um og fara seinni tveir fram föstu-
dag og laugardag. Hver
gjörningurinn mun reka annan og
lokahnykkurinn verður á laug-
ardagskvöldið í Réttarhvammi og á
Hjalteyri þar sem Anna Richards-
dóttir fremur meðal annars gjörn-
inginn Hjartað slær, endurvinnsla á
konu og Hekla Björt Helgadóttir
opnar sýninguna Salt Vatn Skæri.
Opið hús verður í Listasafninu á
Akureyri, Ketilhúsi kl. 11.00 sunnu-
daginn 6. september þar sem boðið
verður til umræðna og morgun-
verðar. Þar munu allir listamenn-
irnir koma saman og ræða gjörn-
ingana. Allir eru velkomnir.
A! Gjörningahátíð á Akureyri
 14 fjölbreyttir
gjörningar verða
á dagskrá
Gjörningur Anna Richardsdóttir verður með gjörninginn Hjartað slær, endurvinnsla á konu.
» Í gærkvöldi, mið-vikudagskvöldið 2.
september, kom hin róm-
aða hljómsveit, Blonde
Redhead, fram í Gamla
bíói við Ingólfsstræti
ásamt Skúla Sverrissyni
og hljómsveit en samstarf
Skúla og Blonde Redhead
spannar nú fjölmörg ár.
Blonde Redhead, sem var
stofnuð árið 1993 og er
skipuð Kazu Makino og
tvíburabræðrunum Ama-
deo og Simone Pace, lék
efni af nýjustu breiðskífu
sinni, Barragán (2014) í
bland við efni af eldri plöt-
um sínum.
Hljómsveitin Blonde Redhead kom fram í Gamla bíói í gærkvöldi
Kraftmikil Kazu Makino, söngkona hljómsveitarinnar fór mikinn á sviðinu ásamt tvíburabræðrunum Simone og Amedeo.
Hress Þau Sóley og Jón Óskar Jónsson mættu á svæðið.
Tónar Skúli Sverrisson og hljómsveit komu fram og með þeim var Ólöf Arnalds.
Þríeyki Þau Andri Geir Árnason, tónlistarkonan Heiða Eiríks-
dóttir og Valur Gunnarsson voru harla ánægð á tónleikunum.
Kátar Þær skemmtu sér greinilega vel stöllurnar Ragnheiður
Elísabet Þuríðardóttir og Ísgerður Elfa Gunnarsdóttir.
Morgunblaðið/Eggert
STRAIGHTOUTTACOMPTON 7, 10
ABSOLUTELY ANYTHING 6, 8, 10
THE GIFT 8, 10:20
MINIONS - ENS TAL 2D 6
LAUGARÁSBÍÓ Sýningartímar
Miðasala og nánari upplýsingar