Skólavarðan - 01.10.2006, Blaðsíða 5
5
GESTASKRIF
SKÓLAVARÐAN 7.TBL. 6. ÁRG. 2006
Það var skemmtileg tilviljun að þegar
ritstjóri Skólavörðunnar hafði samband
og bauð mér að vera gestapenni þá var
ég nýkominn á 20. landsþing Sambands
íslenskra sveitarfélaga sem haldið var á
Akureyri í september.
Ekki einungis skemmtilegt vegna þess
að á þessum fundi stóð ég í þeim sporum
að flytja tillögu til þingfulltrúa um hverjir
skyldu sitja í launanefnd sveitarfélaga
næstu fjögur árin. Heldur einnig vegna þess
að það rifjaði upp að í september 2004 var
ég einnig staddur á Akureyri, kominn þá til
að horfa á FH landa Íslandsmeistaratitlinum
í knattspyrnu. Síðar um kvöldið þetta haust
2004 varð ljóst að konan mín, kennarinn,
var komin í verkfall.
Það náðist að velja í launanefndina á
þinginu, enda ekki djúpur ágreiningur
um skipan í hana. Meiri ágreiningur er
um skipan í aðrar nefndir eða stjórnir á
vegum sveitarfélaganna. Launanefndin
hefur verið samsett í langan tíma af bæði
embættismönnum og sveitarstjórnarfólki.
Nokkur umræða hefur verið á meðal
sveitarstjórnarmanna um hvort þeir einir
eigi að sitja í nefndinni en niðurstaðan
alltaf sú að þessi háttur er hafður á.
Markast það væntanlega af því að
langflestir sveitarstjórnarmenn í 79
sveitarfélögum landsins sinna þeim
störfum í hlutastarfi. Það er nær einungis
í höfuðborginni svo og þegar sveitar-
stjórnarmenn gegna einnig sveitarstjóra-
stöðum að allur starfstími dagsins fer í
sveitarstjórnarstörf. Fjölmargir kennarar
eða aðrir sem vinna í skólasamfélaginu
gegna sveitarstjórnarstörfum, vítt og
breitt um landið. Það er kostur að
hafa fólk sem unnið hefur eða vinnur í
skólasamfélaginu í sveitarstjórn. Viða-
mestu þættir sveitarfélaganna snúa að
fræðslugeiranum.
Ófrávíkjanlegar kröfur
og bókun fimm
Samningar hafa gildistíma og víst er það
svo að sá samningur sem nú er um starfskjör
í grunnskólanum rennur út strax á næsta
ári. Hann varð til eftir mánaðar langar
deilur sem líklegast enginn vill upplifa
aftur. Aðdragandi að nýjum samningum
er alltaf nokkur. Fyrir 1. september sl.
áttu aðilar að meta hvort breytingar á
skólakerfinu eða almenn efnahags- og
kjaraþróun gæfi tilefni til viðbragða.
Ég tel svo vera. Það hafa orðið breyt-
ingar sem vert er að fara yfir og draga um
leið lærdóm af því af hverju þær urðu.
Ekki endilega að það þurfi að leiða til
tortryggni af hálfu samningsaðila heldur
frekar til að styrkja þann umræðugrunn
sem nauðsynlegt er að liggi fyrir næstu
mánuði. Mikilvægt er að gera sér grein
fyrir að nýlega voru gerðir samningar við
leikskólakennara svo og aðrar starfsstéttir
sem vinna í leik- og grunnskólum landsins.
Við alla samningsgerð er horft til þess sem
gerst hefur í öðrum starfsstéttum sem
hægt er að bera sig saman við.
Samningsaðilar þurfa hverju sinni að
vera tilbúnir til að endurrýna samninginn
komi upp staða sem gefur tilefni til
þess. Það er mín skoðun að sú staða sé
komin upp. Ríkt traust á milli launþega
og atvinnurekenda tryggir að menn
sameinist um það markmið að bæta kjör
starfsmanna sveitarfélaganna þannig að
þau séu ekki lakari en almennt gerist hér
á landi.
Í aðdraganda síðustu samninga var
oft nefnt að kennarar legðu upp með
þrjár ófrávíkjanlegar kröfur. Þá var að
sama skapi blandað inn í umræðuna að
sveitarstjórnir legðu áherslu á atriði sem
síðan endurspegluðust í bókun fimm.
Þessi atriði torvelduðu allar samræður,
hvort sem var sumarið 2004 eða síðar um
haustið.
Það er mjög mikilvægt að aðilar á
vegum sveitarfélaga og kennarar hefji
nú þegar markvissa vinnu og horfi til þess
hvernig samningurinn komi hugsanlega
til með að breytast, „orð eru til alls fyrst“.
Samræður eru mjög mikilvægar í þessum
efnum og vil ég nota tækifærið til þess að
hvetja þá aðila sem fara með þessi mál að
koma strax að borðum. Sveitarfélög geta
gert margt hvað þetta varðar því stærsti
hluti starfsmannahópsins er kennarar og
Byrjum strax að
tala saman
„Það er ekki nokkur sem óskar sér verkfalls á
komandi árum. Allra síst sveitarstjórnarmaður sem
kvæntur er kennara, hvað þá kennari sem giftur er
sveitarstjórnarmanni – höldum áfram að tala saman!
Samningsaðilar þurfa hverju sinni að vera tilbúnir til að endurrýna
samninginn komi upp staða sem gefur tilefni til þess. Það er mín
skoðun að sú staða sé komin upp. Ríkt traust á milli launþega og
atvinnurekenda tryggir að menn sameinist um það markmið að bæta
kjör starfsmanna sveitarfélaganna þannig að þau séu ekki lakari en
almennt gerist hér á landi.
Lj
ós
m
yn
d
fr
á
hö
fu
nd
i