Skólavarðan - 01.10.2006, Blaðsíða 7
7
KJARAMÁL, SKÓLAMÁL
SKÓLAVARÐAN 7.TBL. 6. ÁRG. 2006
Þann 1. desember nk. fá kennarar og
skólastjórnendur greidda annaruppbót/
persónuuppbót og því er tilvalið að
fjalla aðeins nánar um það í þetta sinn.
Auk þeirra kennara og stjórnenda sem
nú eru í starfi fá einnig þeir sem eru í
fæðingarorlofi eða námsleyfi greidda
annaruppbót/persónuuppbót.
Grunnskólakennarar og stjórnendur í fullu
starfi fá greidda annaruppbót (persónu-
uppbót) í lok hverrar annar, þ.e. 1. desember
og 1. júní, og tekur annaruppbótin
áfangahækkunum sem verða 1. janúar ár
hvert á samningstímanum. Með fullu starfi
er átt við 100% starf tímabilið 1. janúar til
31. desember, en hafi starfsmaður gegnt
hlutastarfi skal hann fá greitt miðað við
starfshlutfall og/eða starfstíma hvorrar
annar fyrir sig. Upphæðin í ár er kr.
51.626.
Framhaldsskólakennarar og stjórnendur
sem eru við störf í fyrstu viku nóvember-
mánaðar fá greidda persónuuppbót
1. desember ár hvert miðað við fullt
starf tímabilið 1. janúar til 31. október.
Persónuuppbót er föst krónutala og tekur
ekki hækkunum skv. öðrum ákvæðum
kjarasamningsins og orlofsfé reiknast ekki
á persónuuppbót. Hafi starfsmaðurinn
gegnt hlutastarfi eða unnið hluta úr ári
skal hann fá greitt miðað við starfshlutfall
á framangreindu tímabili. Á sama hátt skal
starfsmaður, sem látið hefur af starfi en
starfað hefur samfellt í a.m.k. 3 mánuði (13
vikur) á árinu, fá greidda persónuuppbót
miðað við starfstíma og starfshlutfall.
Upphæðin í ár er kr. 40.700.
Leikskólakennarar og stjórnendur í
fullu starfi fá greidda persónuuppbót 1.
desember ár hvert sem nemur 35% af
desemberlaunum í launaflokki 101, 2.
þrepi. Með fullu starfi er átt við 100% starf
tímabilið 1. janúar til 30. nóvember sama
ár. Hafi leikskólakennari gegnt hlutastarfi
eða starfað hluta úr ári skal hann fá greitt
miðað við starfshlutfall og/eða starfstíma,
þó þannig að hann hafi starfað samfellt
a.m.k. frá 1. september það ár. Upphæðin
í ár er kr. 61.696.
Þess ber að geta að ef nýgerður
kjarasamningur FL og LN verður samþykkt-
ur í atkvæðagreiðslu um samninginn
verður upphæð persónuuppbótar 35%
af desemberlaunum í launaflokki 101 1.
þrepi eða kr. 63.548.
Tónlistarskólakennarar og stjórnendur í
fullu starfi fá greidda annaruppbót í lok
hverrar annar, þ.e. í desember og júní
miðað við starfstíma á hverri önn. Með
fullu starfi er átt við 100% starf tímabilið 1.
janúar til 31. desember. Hafi starfsmaður
gegnt hlutastarfi skal hann fá greitt
miðað við starfshlutfall og/eða starfstíma
hvorrar annar fyrir sig. Upphæðin í ár er
kr. 51.626.
Ef þið hafið einhverjar spurningar varðandi
þetta eða annað er ykkur velkomið að
hringja til mín í síma 595 1111 eða senda
mér tölvupóst á netfangið ingibjorg@ki.is
Ingibjörg Úlfarsdóttir
launafulltrúi KÍ
Persónuuppbót /annaruppbót - allir
Ingibjörg hjá ki.is
Lj
ó
sm
yn
d
: k
eg
Framkvæmdastjórn skólamálaráðs KÍ
fundaði nýverið í fyrsta sinn eftir all-
langt hlé. Í stjórninni sitja formenn
allra skólamálanefnda aðildarfélaga
Kennarasambandsins. Stefnt er að því
að efla til muna umræðu um og vinnu
við skólamál í starfsemi sambandsins
og framkvæmdastjórn hefur meðal
annars verið falin fagleg umsjón með
málefnum 10 punkta samkomulagsins og
nefndastarfs því viðvíkjandi. Elna Katrín
Jónsdóttir formaður skólamálaráðs veitir
þeirri umsjón forstöðu.
Á fundinum var ákveðið að breyta
til í ráðstefnu- og þinghaldi en hingað
til hafa verið haldin stór þing á vegum
skólamálaráðs. Eftir er að móta með hvaða
hætti þetta verður en ljóst að viðburðum
verður fjölgað. Þá verða teknar til skoðunar
og framkvæmda ályktanir 3. þings KÍ um
skólamál. Nefnd voru nokkur stór mál
sem verðugt er að skólamálaráð fjalli um
og vinni úr, þ.á.m. námsmat, námsval og
fjölbreytni náms og skil skólastiga.
Jafnframt var rætt um að skólamálaráð
sinnti hér eftir af auknum krafti málefnum
er varða erlend mennta- og skólamál og
fylgdist grannt með vettvangi norrænnar
og samevrópskrar menntunar.
Í framkvæmdastjórn skólamálaráðs
sitja Anna María Gunnarsdóttir (FF),
Auður Árný Stefánsdóttir (SÍ), Elna Katrín
Jónsdóttir (KÍ), Jón Hrólfur Sigurjónsson,
(FT), Jónína Konráðsdóttir (FL), Kristín
Jónsdóttir (FG) og Sigurlaug Anna
Gunnarsdóttir (FS).
Skólamálum gert hátt undir höfði í starfsemi Kennarasambandsins