Skólavarðan - 01.10.2006, Blaðsíða 15

15
SKÓLAVARÐAN 7.TBL. 6. ÁRG. 2006
gossins í hugarlund þegar jökulkerið er
skoðað.
Rölt um þjóðgarðinn
Í Skaftafelli tekur þjóðgarðsvörður jafnan
á móti hópunum og fylgir þeim um svæð-
ið. Það er orðin hefð að fara í tvær góðar
gönguferðir þar sem ýmislegt ber á góma.
Fyrri daginn hefur verið byrjað á því að
ganga inn með tjaldsvæðinu og upp í
hæðirnar. Á leiðinni er saga þjóðgarðsins
kynnt, komið er við í Hæðum sem er einn
bæjanna í Skaftafelli og fjósbaðstofan
þar skoðuð. Þaðan er líka gott að virða
fyrir sér Skeiðarársand, breytingar á
farvegi árinnar og mannvirki, s.s. vegi og
varnargarða.
Á þessum fyrsta spotta gefst líka gott
tækifæri til að virða fyrir sér gróður
þjóðgarðsins. Í Lambhaga, sem er einn
áningarstaðanna, var eitt sinn plantað
nokkrum trjám til að sjá hvernig aðkomu-
gróður þrifist á svæðinu. Tré þessi eru
nú með þeim hæstu á landinu og hafa
yfirgnæft þann trjágróður sem fyrir var.
Vel er hægt að ímynda sér hvernig svæðið
liti út ef trjám hefði verið plantað þar í
miklum mæli.
Á leiðinni upp að Svartafossi er
jafnan staldrað við rofabarð þar sem
góð aðstaða er til að skoða mismunandi
gjóskulög. Svartifoss er alltaf jafnvinsæll
áningarstaður og margir nota tækifærið
og fara á bakvið fossinn.
Ummerki jökuls skoðuð
Seinni daginn hefur svo verið gengið frá
þjónustumiðstöðinni og inn að jökli. Þar
gefst einstakt tækifæri til að lesa í landið.
Næst þjónustumiðstöðinni er að finna
margar tegundir gróðurs en eftir því sem
nær dregur jökli verður flóran fábreyttari.
Þá sést vel hvernig jökullinn vinnur sitt
verk þegar hann skríður yfir landið. Á
þessari stuttu leið má til dæmis sjá gamla
árfarvegi, dældir sem eitt sinn voru
jökulker, grettistök og svo jökulruðninga
sem sýna stöðu jökulsins á mismunandi
tímum. Á þessari leið er jafnan mikið um
smáfugla og ekki er óalgengt að rekast á
bú holugeitunga.
Nóg að skoða
Auk þess að fara í gönguferðir er ágæt
aðstaða til að fræðast í gestastofunni í
Skaftafelli, bæði hægt að skoða mynd-
bönd og fræðsluspjöld. Þar að auki
hefur verið keyrt niður á sandinn þar
sem hægt er að skoða menjar um gosið
í Gjálp 1996. Þá hafa Svínafellslögin
verið skoðuð ef tími gefst til, en það eru
sandsteinslög úr stöðuvatni sem í má
stundum finna steingerð blaðför ýmissa
plantna sem eru frá hlýskeiði ísaldar.
Eins og minnst var á í upphafi þarf að velja
vandlega þá staði sem eru heimsóttir. Ef
meiri tími gæfist væri áhugavert að fara
út í Ingólfshöfða en þar er jafnan mikið
fuglalíf og eins væri Þórbergssetur á Hala
áhugaverður kostur.
Náttúruskóli við jökulinn
Nú er á döfinni að stofna náttúruskóla í
tengslum við Vatnajökulsþjóðgarð. Í fyrstu
er fyrirhugað að tengja skólann við þrjá
fræðslustíga sem verið er að hanna. Þeir
eru hjá Kirkjubæjarklaustri, í Skaftafelli
og svo við Fláajökul á Mýrum. Verið er að
útbúa fræðsluefni um viðkomandi svæði
og fljótlega verður hægt að nýta stígana.
Við gerð þeirra eru ákveðnir markhópar
hafðir í huga en að sjálfsögðu munu stíg-
arnir nýtast öllum sem leið eiga um og
vilja fræðast um nágrenni sitt.
Með tilkomu náttúruskólans fjölgar
stöðum sem hægt er að skoða á svæðinu.
Starfsmenn Vatnajökulsþjóðgarðs á Höfn,
í Skaftafelli og á Kirkjubæjarklaustri
eru tilbúnir að liðsinna hópum eftir
þörfum og koma til móts við séróskir.
Gistingu fyrir hópana höfum við fengið í
Freysnesi eða Svínafelli.
Jöklasýningin á Höfn
Á leiðinni heim hafa nemendur ME skoðað
jöklasýninguna á Höfn. Þar er að finna
vandaða og fróðlega samantekt um jökla
í máli og myndum. Nemendur fá innsýn í
heim jökulsins, jöklabreytingar, jöklaferðir
og lífríkið á jöklinum.
Reynslan af þessum ferðum hefur verið
mjög góð. Nemendur hafa sýnt mikinn
áhuga og lært mikið. Það eru kannski
bestu meðmælin að nokkrir nemendur
hafa sóst eftir því að fara í ferðirnar oftar
en einu sinni.
Hjördís Skírnisdóttir kennari,
Framhaldsskólanum í Austur-Skaftafellsýslu
Þorbjörn Rúnarsson áfangastjóri,
Menntaskólanum á Egilsstöðum
Svellkaldur – með 1000 ára gamlan
ísmola í fanginu.
Á Skaftafellsjökli.
Horft af Kambsmýrar-
kambi til Kvíárjökuls.
FRAMHALDSSKÓLINN ÚTI Í NÁTTÚRUNNI