Skólavarðan - 01.10.2006, Blaðsíða 25

25
SKÓLAVARÐAN 7.TBL. 6. ÁRG. 2006
jós úr viskubrunni sínum fróðleik um land,
sögu, ábúendur og annað sem dalinn
varðar. Í Fjörðum var leiðsögumaður Björn
Ingólfsson fv. skólastjóri á Grenivík og
ekki mátti á milli sjá hvor gerði sínu svæði
betri skil.
Í sumar var Akureyrarferðin tengd dags-
ferð sunnanmanna þannig að hóparnir
mættust í Búðardal, fóru síðan saman í
bílum um Dali og loks í sameiginlegan
kvöldverð í Munaðarnesi.
Ekki er endanlega ákveðið hvert skuli
haldið í dagsferðir næsta sumar en stefnt
er að því að þær séu ekki strangari en svo
að sem allra flestir treysti sér til að koma
með.
Dagsferðirnar hafa alltaf endað með
sameiginlegu borðhaldi og félagið greiðir
þær niður sem næst því sem aksturs-
kostnaði nemur.
Stærri ferðir
2005 þegar dagsferðin frá Akureyri í
Fjörður og Flateyjardal var í undirbúningi
var mikið spurt hvort félagar af suðvestur-
horninu kæmust ekki með í þá ferð. Mál
þróuðust því þannig að fengin var rúta að
sunnan norður yfir Kjöl til Akureyrar með
um 50 farþega. Gísli Ólafur Pétursson, sem
er flestum kunnugri öllum færum leiðum
um hálendi Íslands, var leiðsögumaður og
fararstjóri. Hann hafði frá mörgu fróðlegu
og skemmtilegu að segja.
Dagsferð var svo farin með Norðlend-
ingum. Gist var á Akureyri í tvær nætur
og skyldi síðan farið suður Sprengisand til
baka. Þá greip almættið inn í og gerði rok
og snjókomu á hálendinu. Var því ekinn
þjóðvegur 1 til Reykjavíkur.
Mörgum þótti þessi breyting súr í broti
en lýstu þó yfir mikilli ánægju sinni með
ferðina í heild.
Með hliðsjón af hvernig til þótti
takast með hálendisferð 2005 þótti stjórn
FKE ómaksins vert að kanna hvort ekki
fengjust farþegar í eina rútu norður yfir
Sprengisand nú í ár. Strax um áramót voru
því bókaðar gistingar fyrir 50 manns eina
nótt á Stórutjörnum í Ljósavatnsskarði og
aðra á Eiðum á Fljótsdalshéraði.
Ferðatilhögun var lýst í fréttabréfi 15.
apríl. Viku seinna var kominn biðlisti sem
átti eftir að lengast.
Ekki er ljóst hve margir hættu við að
skrá sig þegar þeir sáu hvar þeir lentu á
biðlista.
Þröngt var orðið um gistipláss en loks
tókst að tvöfalda áður pöntuð gistirými
með því að skipta fólki niður á fleiri
staði.
Fjöllin létu sér fátt um finnast
16. ágúst var lagt upp í ferð á tveimur
bílum með 92 félaga úr FKE. Logn var og
hitasólskin. Ekki sást skýhnoðri á lofti.
Var farið austur um sveitir og norður
Sprengisand. Áð var allvíða enda sama
veðrið allan daginn. Notalegt var að koma
út og njóta útsýnis. Leiðsögumenn voru
sinn í hvorum bílnum, Jón R. Hjálmarsson
og Valgarð Runólfsson, báðir margreyndir
og eftirsóttir til þeirra starfa.
Næsta dag var ekið frá Stórutjörnum
austur um Fljótsheiði, Mývatnssveit, Mý-
vatnsöræfi, Hólsfjöll, Efra-Fjall og Jökul-
dalsheiði. Þaðan var farið Fjallveg inn
að Kárahnjúkum, þar yfir Jöklu, austur
Fljótsdalsheiði og til gististaða á Héraði.
Herðubreið, Kverkfjöll, Snæfell og
Dyrfjöll skörtuðu sínu fegursta í blíðunni
og létu sem þeim kæmi ekki við umdeild
ósköp sem mennirnir aðhöfðust við
stórfljót Austurlands.
Þriðja daginn, eftir að komið var suður
yfir Öxi áleiðis til Reykjavíkur, var eins og
náttúran slappaði af í hversdagsfötum.
Veður var milt og stillt en mesti glansinn
horfinn.
Í undirbúningi er ferð um
Vestfirði næsta sumar.
Hermann Guðmundsson
Formaður Félags kennara á eftirlaunum
Netfang: hermg@simnet.is
og símar 564 1166 og 891 6886.
Óskum eftir a› rá›a sem fyrst a›sto›arleikskólastjóra á
leikskólann Leikgar›. Leita› er a› metna›arfullum
einstaklingi me› leikskólakennarapróf e›a sambærilega
menntun. Umsóknir sendist me› tölvupósti á
leikgardur@fs.is. Nánari uppl‡singar veitir fiórdís
Hauksdóttir leikskólastjóri í síma 551-8560.
Félagsstofnun stúdenta er sjálfseignarstofnun.
A› henni standa stúdentar innan Háskóla Ís-
lands, HÍ og menntamálará›uneyti›. Leikskólar
stúdenta eru Leikgar›ur, Mánagar›ur og Sól-
gar›ur. Auk leikskóla rekur FS Bóksölu stúdenta,
Stúdentagar›a, Kaffistofur stúdenta og
Stúdentami›lun. Starfsfólk FS er um 100 talsins. www.fs.is
A›sto›arleikskólastjóri
óskast sem fyrst
FKE