Skólavarðan - 01.10.2006, Blaðsíða 24
24
FKE
SKÓLAVARÐAN 7.TBL. 6. ÁRG. 2006
Árið 1980, eða fyrir 26 árum, stofnuðu
allmargir kennarar sem komnir voru
á eftirlaun vegna aldurs eða örorku
af einhverju tagi með sér félag.
Tilgangur félagsins var frá upphafi
tvíþættur, annars vegar að sinna
kjara- og réttindamálum og hins
vegar að fullnægja félagslegri þörf
eftirlaunakennara, draga úr hættu á að
félagar einangruðust eftir að ævistarfi
lýkur.
Upphaflega voru það að mestu eða öllu
leyti fyrrverandi grunnskólakennarar
sem stóðu að félaginu, en með stofnun
Kennarasambands Íslands (KÍ) varð Félag
kennara á eftirlaunum (FKE) eitt af sjö
aðildarfélögum KÍ.
Rétt til félagsaðildar FKE eiga allir
sem komnir eru á eftirlaun en voru áður
í einhverju hinna sex aðildarfélaga KÍ, svo
og makar þeirra.
Makarnir hafa þannig full réttindi jafnt
öðrum félögum FKE til að njóta alls þess
sem FKE skipuleggur eða greiðir fyrir á
einhvern hátt en ekki þess sem KÍ stendur
straum af.
Hvernig stendur FKE að
því að ná markmiðum sínum?
Félagið hefur litla möguleika til beinnar
kjarabaráttu. Það hefur engan beinan
samningsrétt, er ekki í samninganefnd KÍ
en á tvo fulltrúa í kjararáði. Kynningar-
fundir hafa stundum verið um kjara- og
lífeyrismál félagsmanna.
Félagslega markmiðinu reynir FKE
að sinna með fjölbreyttu félagsstarfi
yfir veturinn og ferðalögum á sumrin. Í
félagsstarfinu hittast gamlir skólafélagar
og starfsfélagar og styrkja gömul vin-
áttubönd og flestir kynnast nýjum
félögum.
Vetrardagskráin er frá byrjun október
og fram að aðalfundi sem haldinn er fyrsta
laugardag í maí.
Fræðslu- og skemmtifundir eru haldnir
einu sinni í mánuði, oftast fyrsta laugardag
mánaðarins. Þeir eru uppbyggðir þannig
að fyrst er spiluð félagsvist, hálft kort,
síðan að afloknu veislukaffi flytur einhver
erindi. Reynt er að fá til þess karla eða
konur með sem ólíkastan bakgrunn. Sumir,
sem ekki hafa smekk fyrir félagsvist, koma
til að hitta félaga við kaffiborðið og til að
hlýða á það sem á eftir fer. Í lok fundar
taka menn oft lagið saman áður en heim
er haldið.
Bókmenntafundir eru hálfsmánaðar-
lega. Þeim hefur stjórnað um nokkurra ára
skeið Hörður Zóphaníasson fyrrverandi
skólastjóri úr Hafnarfirði.
Í lok hvers fundar er ákveðið hvað
skuli tekið fyrir á næsta
fundi. Oft er það ákveðið
þema og þá reyna sem
flestir að koma með og
flytja eitthvað um það
efni. Stundum er fengið
skáld eða rithöfundur til
að koma á fundina og
einnig hefur verið farið í
heimsóknir í söfn eða aðrar
menningarstofnanir.
Tölvufræðsla hefur
verið félögum að
kostnaðarlausu um skeið.
Hún er vikulega. Þar eru
allir velkomnir, jafnt þeir
sem eru algjörir byrjendur
og hinir sem lengra eru
komnir. Fræðsluna annast
Gísli Ólafur Pétursson fv.
framhaldsskólakennari.
Netfang Gísla er gop@simnet.is og sími
895 0300.
Kórstarf hefur verið samfellt innan
félagsins í tíu ár. Kórinn nefnir sig Ekkó
sem leggja má út Eldri kennara kór.
Jón Hjörleifur Jónsson, fv. skólastjóri
Hlíðaskóla, hefur stjórnað honum nær
samfellt frá upphafi. Æft er vikulega.
Það er eins með kóra eldri borgara og
barnakóra að þeir eiga tilveru sína undir
stöðugri innkomu nýrra kórfélaga. Nú
hafa til dæmis fallið út góðir tenórar og
vonandi birtast nýir menn í þeirra stað.
Pláss er reyndar í öllum röddum fyrir fólk
sem getur sungið.
Formaður kórsins er Rannveig Sigurðar-
dóttir. Hún hefur síma 554 1319.
Árshátíð félagsins er í mars. Hún
hefst með borðhaldi, síðan er fjölbreytt
skemmtidagskrá og loks dansleikur.
Reynt hefur verið að stofna bæði
bridds- og skákklúbb innan
félagsins en þátttaka verið
svo dræm að starfsemi
hefur verið hætt.
Sumarferðir frá
Reykjavík
Frá árinu 1994 hefur
árlega verið farið í eins
dags ferð seint í ágúst
frá Reykjavík. Þátttaka
hefur alltaf verið góð, oft
á annað hundrað manns.
Fararstjóri og leiðsögu-
maður í þessum ferðum var
í ellefu ár Tómas Einarsson,
kennari, lögreglu- og
leiðsögumaður. Hann lést
síðastliðinn vetur.
2005 var siglt um Breiða-
fjörð undir leiðsögn Árna
Björnssonar þjóðháttafræðings en nú í
sumar var ekið um söguslóðir Laxdælu.
Leiðsögumaður var Jón R. Hjálmarsson fv.
fræðslustjóri.
Sumarferðir frá Akureyri
Í hitteðfyrra efndi FKE í fyrsta sinn til
dagsferðar frá Akureyri. Eftir súpu í hádeg-
inu á Blönduósi var farið inn á Hveravelli.
Í bakaleið var matarveisla á Löngumýri í
Skagafirði. Leiðsögumaður og fararstjóri
var Gísli Ólafur Pétursson, sá margreyndi
ferðagarpur.
Í fyrra var Akureyrarferðin farin í
Fjörður og Flateyjardal. Á Flateyjardal var
leiðsögumaður Valgarður Egilsson læknir.
Hann þekkir þar hverja þúfu og stein og
Félag kennara á eftirlaunum
Fréttabréf FKE kemur út
nokkrum sinnum á ári og er sent
félagsmönnum. Þar er kynnt
allt sem er í bígerð hverju sinni
og ýmsar hagnýtar upplýsingar
fyrir félagsmenn. Þeir sem
ekki fá fréttabréfið en telja
sig hafa rétt til að vera félagar
í FKE ættu að hafa samband
við Sigríði Sveinsdóttur á
skrifstofu KÍ í síma 595 1111.
Vandkvæðum er bundið fyrir
stjórn FKE að hafa uppi á þeim
sem komast á eftirlaun til þess
að bjóða þeim félagsaðild.
Vefsíða félagsins er FKEfrettir.
net Um hana sér Gísli Ólafur
Pétursson, gop@simnet.is
Lj
ós
m
yn
di
r
fr
á
hö
fu
nd
i
Kynning á starfsemi félagsins