Skólavarðan - 01.10.2006, Blaðsíða 26

26
NÁMSGÖGN
SKÓLAVARÐAN 7.TBL. 6. ÁRG. 2006
Árið 2004 gaf Slysavarnafélagið Lands-
björg út námsefnið Geimálfurinn
frá Varslys, lífsleikninámsefni um
slys og slysavarnir ætlað nemendum í
4., 5. og 6. bekk grunnskólans. Unnur
María Sólmundardóttir, kennari og
lögreglumaður, er höfundur námsefni-
sins og hlaut handrit þess viður-
kenningu úr Minningarsjóði Ásgeirs S.
Björnssonar.
Geimálfur frá óþekktu sólkerfi brotlendir á
Íslandi og áttar sig illa á hættum sem steðja
að honum úr ýmsum áttum. Nemendur
fylgjast með þrautagöngu hans og vinna
margbreytileg verkefni. Námsefnið
inniheldur m.a. skyndihjálparæfingar og
áhersla er lögð á umhverfisvernd. Gert
er ráð fyrir nokkurri tölvuvinnu en þau
verkefni er flest hægt að vinna í stílabækur
eða á laus blöð.
Námsefnið samanstendur af sex
lesheftum og kennarahandbók sem
inniheldur verkefnablöð, glærur, kannanir,
viðurkenningarskjöl og myndskeið sem
tengjast umræðuefninu hverju sinni.
Heftin eru þemabundin og fjalla um
brotlendingu geimálfsins og ferlið sem
fer í gang þegar einstaklingur týnist,
ýmsar ólíkar merkingar sem notaðar eru á
Íslandi, umgengni við rafmagn og opinn
eld, hættur í tengslum við ár, höf og
vötn, hættuleg efni í umhverfinu og að
lokum fjallar síðasta heftið um umferðina.
Verkefnaval og viðfangsefni eru samin út
frá markmiðum Aðalnámskrár grunnskóla
þar sem lögð er áhersla á sjálfstæð
vinnubrögð og þekkingarleit nemenda.
Markmið
Helstu markmið námsefnisins eru að draga
úr slysum á börnum og unglingum, gera
börn meðvituð um hættur umhverfisins,
hvetja þau til að fara leiðir sem auka öryggi
þeirra og efla samvinnu heimila og skóla
í slysavörnum. Námsefninu er jafnframt
ætlað að mæta eftirfarandi markmiðum:
Að nemandi
• tileinki sér helstu umferðarreglur og
þekki helstu umferðarmerki
• þekki til helstu atriða slysavarna og
viðbragða við slysum í heimahúsum
• geti skilið og nýtt sér margvíslegar
upplýsingar í umhverfinu sem finna má
á skiltum og vörumerkingum
• læri að afla upplýsinga um símanúmer
• þekki vel öruggustu leið sína í skólann
og beri sig rétt að við gangbrautir og
götuljós
• geti leitað eftir upplýsingum og leið-
beiningum til að rata um umhverfi
sitt, t.d. munnlegum fyrirmælum eða
vegvísum
• geti bent á slysagildrur í umhverfinu,
á heimilum og þekki varasöm efni sem
þar kunna að vera geymd
• verði meðvitaður um ýmsar hættur
og slysagildrur í umhverfi sínu og
rétt viðbrögð við þeim, svo sem í
umferðinni, á heimilum og hættur og
hamfarir í náttúrunni
• geti sett sig í spor ólíkra persóna og
fundið til samkenndar
• geri sér grein fyrir gildi umhverfisverndar
sem nær hvort tveggja til byggðar og
óbyggðar.
Tákn með tali
Á vefnum www.tmt.is er námsefnið í heild
sett upp með tengingu í þau tákn sem til
eru á tjáningarforminu Tákn með tali. Það
er til að auðvelda þeim námið sem glíma
við mál- og talörðugleika, en við gerð
námsefnisins kom í ljós að sárlega vantaði
tákn sem tengjast slysavörnum.
Sjónvarpsþættir
Í samvinnu við Ríkissjónvarpið voru gerðir
tólf slysavarnaþættir með geimálfinum
og frumsýndir vorið 2006. Þættirnir
voru gefnir út á DVD og sendir öllum
grunnskólum landsins nú í haust. Tilvalið er
að nota þættina sem kveikju fyrir yfirferð
efnisins eða í annars konar þemavinnu um
slysavarnir.
Heimasíða
Á heimasíðu geimálfsins www.geim-
alfurinn.is er að finna ýmsan fróð-
leik, þrautir, leiki og útprentanlegt
efni, s.s. dagatal og fleira sem tengist
námsefninu auk sjónvarpsþáttanna.
Heimasíðan er þrískipt, í nemendahluta,
foreldrahluta og kennarahluta. Kennara-
hlutinn er aðgangsstýrður og hægt er
að sækja um aðgang á netfangið geim-
alfurinn@landsbjorg.is .
Geimálfurinn gefur reglulega út
netfréttir og tekur á málefnum líðandi
stundar. Fréttabréfin er að finna á heima-
síðu geimálfsins en hægt er að skrá sig á
póstlistann á ofangreindu netfangi.
Nánari upplýsingar um námsefnið er að
finna á skrifstofu Slysavarnafélagsins
Landsbjargar, Skógarhlíð 14, 105 Reykjavík.
Sími 570-5900.
Geimálfurinn
frá Varslys
Lj
ós
m
yn
di
r
fr
á
La
nd
sb
jö
rg