Skólavarðan - 01.10.2006, Blaðsíða 23

SKÓLAVARÐAN 7.TBL. 6. ÁRG. 2006
talan fjórir, að talan 16 er einn tugur og
6 einingar o.s.frv. Þessar talnalínur er að
finna í Numicon boxunum.
Ætlast til of mikils
Uppstillingum var breytt reglulega í skóla-
stofunni því börn missa fljótt áhugann á
því sem er í kringum þau. Þau eru stöðugt
að þróa hugmyndir og ýmiskonar tækni.
Þau eru sífellt að mynda tengsl og bæta
færni sína, læra af þeirri reynslu sem þau
hafa fengið og bæta um leið við kunnáttu
sína. Því skiptir umhverfið miklu máli svo
að ekki sé talað um jákvætt andrúmsloft
í skólastofunni. Það eykur áhuga og
vellíðan barna.
Numicon getur spilað stóran þátt í
þessum áhuga og vellíðan því kennarinn/
leiðbeinandinn getur til dæmis fylgst
grannt með þegar börnin eru að vinna
með Numicon. Hann sér um leið hvort
þau eru á réttri leið eða ekki. Það veitir
honum tækifæri til að hrósa börnunum
samstundis eða beina þeim á rétta braut
og viðhalda þannig jákvæðu andrúmslofti
í skólastofunni.
Rannsóknirnar leiddu einnig í ljós að
því miður er oft ætlast til of mikils af
börnunum, þ.e. að þau eigi að geta tekið
á móti fullt af hugmyndum í einni og sömu
atrennu. Því hefur verið passað upp á að
verkefnin séu vandlega uppbyggð.

Sjö lykilatriði
Hafa ber í huga að byrja aldrei á nýju
verkefni/nýrri innlögn fyrr en skilningi
hefur verið náð á því sem verið er að
vinna með hverju sinni. Það er lykillinn að
árangursríku námi.
Numicon hefur verið skipt í þrjá hluta.
Í fyrsta hlutanum (Foundation) er tekist á
við sjö lykilatriði, en þau eru:
• Mynstur (nauðsynlegur eiginleiki því
stærðfræðin er yfirfull af mynstrum).
• Uppröðun (tengsl talna).
• Talning (nauðsynlegt er að telja reglu-
lega).
• Skilningur á talnagildinu (að sjá hvern
tölustaf sem heild).
• Sætisgildi (staðsetning tölustafs).
• Samlagning (leggja saman, bæta við).
• Frádráttur (taka af, lækka, mismunur,
andstæða við samlagningu).
Farið er í gegnum þessi atriði lið fyrir lið
og á uppbyggjandi hátt. Til hjálpar eru
44 verkefni og ýtarleg handbók sem allir
ættu að lesa áður en ráðist er í að leysa
verkefnin.
Um samsetningu pakkanna,
námskeið og dreifingu
Bæði verkefnin og handbókin hafa verið
gefin út á íslensku og hefur Skólavöru-
búðin haft veg og vanda af útgáfunni
en Prentsmiðjan Oddi sá um prentunina.
Skólavörubúðin er dreifingaraðili Numi-
con á Íslandi. (www.skola.is). Vinnubox
1 og 2 er enn á ensku. Fyrir þá sem ekki
vita þá er hæglega hægt að vinna með
margföldun, deilingu, brot, algebru o.fl.,
en það eru einmitt liðir sem m.a. er unnið
með í vinnuboxi 1 og 2 („kit 1 og kit 2“).
Þeir sem eru þokkalega að sér í enskri tungu
ættu því ekki að hafa neinar áhyggjur af
að leggja í kaup á vinnuboxunum.
Vert er að hafa í huga þegar lagt er í
kaup á Numicon að um framtíðareign
er að ræða. Numicon á eftir að þjóna
mörgum börnum og gleðja um leið, svo
ég tali nú ekki um kennara og foreldra.
Íslenska þýðingin fylgir grunnsettinu
(fyrsta hlutanum) en einnig er hægt að
kaupa hana sér.
Numicon er í stöðugri þróun og hefur
náð alþjóða athygli. Það er notað í mörg
þúsund skólum og hefur verið þýtt yfir á
nokkur tungumál. Það hentar börnum
frá þriggja ára aldri og upp úr. Því er
grunnsettið tilvalið fyrir leikskólana.
Grunnskólarnir gætu slegið tvær flugur
í einu höggi og fjárfest í vinnuboxi 1 og
íslensku þýðingunni á grunnverkefnunum
44 og handbókinni. Vinnubox 1 lítur út
eins og grunnsettið nema fleiri áhöld hafa
bæst við, eins og t.d. ýmiskonar talnalínur,
póstbox o.fl., fyrir utan verkefnin og
handbókina fyrir vinnubox 1. Þar er m.a
að finna talnalínu fyrir talnastangirnar
en Skólavörubúðin selur samsvarandi
talnastangir og Numicon notar.
Með Numicon hefur opnast ný leið fyrir
börn, bæði ung börn sem hafa áhuga á
stærðfræði og börn og fullorðna sem eiga
í erfiðleikum með að skilja hana, svo og
fyrir þá sem eru með lesblindu eða fötlun
af einhverju tagi. Ekkert ætti að þurfa að
stoppa skóla og aðra, sem hafa áhuga
á stærðfræði yfir höfuð, í að kynna sér
Numicon betur, fjárfesta í pakkningu og
hella sér út í ferska og jákvæða vinnu.
Þeim sem hafa áhuga á kynningum og
námskeiðum er velkomið að hafa samband
við greinarhöfund. Sendið póst á kristin.
wallis@virgin.net og fáið upplýsingar
um hvernig þið getið lagt land undir
fót, kynnst Numicon og heimsótt skóla
í Englandi. Skoðið endilega heimasíðu
Numicon www.numicon.com og vafrið um
á netinu, þar er urmull af síðum tengdum
Numicon.
Að lokum eitt heilræði til allra sem ætla
sér að nota Numicon. Gefið börnunum
tækifæri til að leika sér með Numicon í
nokkrar vikur áður en ráðist er í að leysa
verkefnin. Það er ótrúlega árangursrík
reynsla.
Kristín Wallis
23
Kubbastæða – plúsheiti fyrir töluna 8
Plúsheiti fyrir töluna 10 með notkun Numicon
forma og Numicon talnastang
Uppstillingum var breytt reglulega í skólastofunni því börn missa
fljótt áhugann á því sem er í kringum þau. Þau eru stöðugt að þróa
hugmyndir og ýmiskonar tækni.
Talnastangir 1-10
Talan fundin á talnalínunni
NÁMSGÖGN