Skólavarðan - 01.10.2006, Blaðsíða 16

16
TEYGJUFORRIT, STÆRÐFRÆÐI
SKÓLAVARÐAN 7.TBL. 6. ÁRG. 2006
Nýtt hléæfingaforrit á íslensku er
ókeypis til niðurhals á vef Lýðheilsu-
stöðvar. Forritið minnir fólk á að hvíla
sig á tölvunni og gera æfingar með
reglulegu millibili og því er ætlað að
koma í veg fyrir þróun álagsmeiðsla
hjá börnum og unglingum vegna
tölvunotkunar. Hægt er að nálgast
forritið á heimasíðu Lýðheilsustöðvar
www.lydheilsustod.is án endurgjalds.
Forritið er meðal annars ætlað til
notkunar í skólum og á heimilum.
• Forritið byggist á vinnuvistfræði og
nýtist sem forvörn gegn álagsmeiðslum
í stoðkerfi. Það er bandarískt að
uppruna, var hannað af hópi sérfræð-
inga á heilbrigðissviði og að baki hverri
teygju, sem birtist í forritinu, liggur
mikil og vönduð vinna.
• Teygjurnar eru alls 20 og hreyfi-
myndir, ásamt skýringartexta, sýna
hvernig gera á hverja teygju. Hvert
hlé - teygjuhlé - tekur aðeins um 1-2
mínútur, eftir því hversu margar
teygjur eru valdar. Teygjurnar beinast
að þeim svæðum stoðkerfisins sem
eru viðkvæmust fyrir álagsmeiðslum,
þar með talið hálsi, öxlum, örmum,
úlnliðum, höndum, baki og fót-
leggjum. Í forritinu eru einnig æfingar
fyrir augu.
• Grunnstilling fyrir hvert teygjuhlé eru
þrjár teygjuæfingar, með 30 mínútna
hléi á milli.
• Æfingarnar eru gerðar sitjandi eða
standandi. Hægt er að velja hvaða
teygjur birtast hverju sinni, í hvaða röð
og hve oft hver teygja birtist. Þegar
hvert teygjuhlé hefst er forritið búið
að finna síðustu teygju, sem gerð var,
og byrjar á þeirri næstu í röðinni.
• Hægt er byrja á Teygjuhléi hvenær sem
er og er það gert með því að tvísmella
á tákmynd þess. Einnig er hægt að láta
teygjuhlésgluggann hverfa af skjánum
eða seinka framkvæmd æfinganna um
1 eða 5 mínútur. Til þess að sjá hversu
langt er í næsta hlé er farið með músa-
bendilinn yfir táknmynd Teygjuhlés.
• Í Ábendingaskrá eru leiðbeiningar um
það hvernig vistfræðin segir að ákjósan-
legt sé að setja upp vinnuaðstöðu sína,
hvernig hægt sé að forðast álagsmeiðsli
við tölvunotkun.
• Frekari fræðsla um vinnuvistfræði er í
Áminningum, sem birtast við lok hvers
teygjuhlés.
Teygjuhlé fyrir börn og unglinga
Magnea Einarsdóttir skólastjóri
Digranesskóla og Haukur Haraldsson
sviðsstjóri á Lýðheilsustöð
Karen Jacobs prófessor höfundur forritsins
sýnir nemendum teygjurnar
Skólaþróunarsvið kennaradeildar
Háskólans á Akureyri hélt nýverið
ráðstefnuna „Einn og tveir og inn
komu þeir“ um nám og starf yngstu
barnanna í leikskólanum með sérstaka
áherslu á stærðfræði. Um 330 manns
sóttu ráðstefnuna en hún er liður í
þróunarverkefni Háskólans á Akureyri
og fjögurra leikskóla frá Kópavogi og
Akureyri um gerð kennsluleiðbeininga
fyrir yngsta stig leikskólans. Þrír af
leikskólunum fjórum kynntu valda
þætti verkefnisins í málstofum ráðstefn-
unnar.
Aðalfyrirlesarar voru sænskir leikskóla-
kennarar, Mikaela Sundberg og Susanne
Hadén. Fyrirlestur þeirra fjallaði um
verkefni sem unnið var á tuttugu og
tveimur deildum yngstu barna þar sem
leikskólakennararnir horfðu á starfið út
frá sjónarhorni stærðfræðinnar. Þær röktu
hvernig unnið var með stærðfræðihugtök
með svo ungum börnum. Auk þeirra
fjallaði Guðrún Alda Harðardóttir, lektor
við leikskólabraut HA um stærðfræðinám
í leikskólastarfi með yngri börnum.
Auk fyrirlestra voru haldnar málstofur
þar sem ólík verkefni í íslensku leikskóla-
starfi voru kynnt:
• „Einn, tveir og byrja“ – námsefni fyrir
þau yngstu. Pálmholt, Akureyri.
• „Því fyrr því betra“ – stærðfræði með
ungum börnum. Arnarsmári, Kópa-
vogi.
• Aðlögun yngstu barnanna. Álfaheiði,
Kópavogi (þróunarverkefni)
• Allt er stærðfræði. Nóaborg, Reykjavík
• Dagleg umönnun. Iðavöllur, Akureyri
(þróunarverkefni)
• Einingakubbar og stærðfræði fyrir 1-3
ára börn. Álfasteinn, Hafnarfjörður.
• Göngum, göngum... Naustatjörn, Akur-
eyri (þróunarverkefni)
• Litlu manneskjurnar í leikskólanum.
Rauðaborg, Reykjavík.
• Stærðfræði er leikur 1. Krókur, Grinda-
vík.
• Tölur í tónum. Fagrabrekka, Kópavogi.
Góður rómur var gerður að aðalfyrirlestr-
um sem voru túlkaðir úr sænsku á íslensku,
töldu margir að það hafi skipt máli.
Ánægjulegt var að sjá hvað leikskólar
á Íslandi eru að vinna öflugt starf með
yngstu börnum leikskólans og var lýstu
ráðstefnugestir yfir ánægju sinni með
málstofurnar. Það var nokkuð um að
allt starfsfólk leikskóla kæmi saman á
ráðstefnuna og notuðu nokkrir hana sem
lið í endurmenntun starfsfólks. Aðsókn á
ráðstefnuna var slík að færri komust að en
vildu og þurfti að vísa um 60 manns frá.

Sigríður Síta Pétursdóttir, sérfræðingur
á skólaþróunarsviði kennaradeildar HA,
sita@unak.is
Einn og tveir og inn komu þeir Fullt út að dyrum á ráðstefnu um stærðfræði fyrir yngstu börnin
Þorsteinn Gunnarsson rektor Háskólans á Akureyri
setur ráðstefnuna Einn og tveir og inni komu þeir.
FORRITIÐ VAR KYNNT Í DIGRANESSKÓLA NÝVERIÐ