Skólavarðan - 01.02.2009, Blaðsíða 3

3
FORMANNSPISTILL
Formaður og varaformaður KÍ og formenn aðildarfélaga KÍ skiptast á um að skrifa
formannspistla í Skólavörðuna. Félögin á bak við formannspistlana eru: Félag
framhaldsskólakennara (FF), Félag grunnskólakennara (FG), Félag leikskólakennara
(FL), Félag stjórnenda í framhaldsskólum (FS), Félag tónlistarskólakennara (FT),
Skólastjórafélag Íslands (SÍ).
Á umrótstímum eins og þeim sem þjóðin upplifir um þessar
mundir horfa margir inn á við, meta stöðu sína upp á nýtt og setja
sér ný viðmið. Margir eru sárreiðir út af ástandinu og finnst sem
grundvallarreglur og siðferðisgildi í samfélaginu hafi verið þverbrotin.
Stór hluti þjóðarinnar hefur misst traust á ráðamönnum og æðstu
stofnunum samfélagsins, stjórnmálakerfi landsins, og á sama tíma
finnur fólk til smæðar sinnar og vanmáttar gagnvart þeim risavöxnu
vandamálum sem bíða úrlausnar.
Hvar stöndum við í Kennarasambandinu í þeim ólgusjó sem ríður
yfir þjóðfélagið?
Verkalýðshreyfingin hefur í gegnum tíðina barist fyrir grundvallar-
réttindum starfandi fólks og unnið af hugsjón að umbótum í átt
að betra þjóðfélagi. Samhliða miklum þjóðfélagsbreytingum hefur
hlutverk margra stéttarfélaga breyst og orðið víðfeðmara.
Meginviðfangsefni Kennarasambands Íslands og aðildarfélaga
þess má fella undir tvö svið, þ.e. kjara- og réttindamál og skóla- og
menntamál. Í takt við þróun samfélagsins og nýja tíma koma upp ný
málefni og verkefni. Dæmi þar um er áherslan á sí- og endurmenntun
í samfélaginu. Á síðasta þingi KÍ var ályktað um málefni eins og
jafnréttismál, vinnuumhverfismál og þjónustu sem sýnir að áherslur
Kennarasambandsins hafa verið að teygja sig inn á ný svið. Horft er í
auknum mæli á líðan fólks og persónuleg þjónusta bætt.
Á undanförnum árum hefur einnig gætt áherslubreytinga hvað
varðar mikilvægi þess að eiga í samstarfi við stjórnvöld og aðra
fagaðila.
„Vilji til samstarfs um enn betra samfélag“
Síðasta þing KÍ fagnaði auknu og bættu samstarfi KÍ og aðildarfélaga
þess við vinnuveitendur og stjórnvöld. Þingið hvatti til áframhaldandi
samstarfs og samráðs við þessa aðila og taldi það árangursríka leið
til að koma stefnumálum sambandsins á framfæri. Með því móti
sköpuðust auknir möguleikar á því að hafa mótandi áhrif á það
samfélag sem við lifum í.
Í ályktun um velferðar- og samfélagsmál lýsti þingið yfir ein-
dregnum vilja sambandsins til að eiga samvinnu við stjórnvöld og
önnur hagsmunasamtök um að byggja upp enn betra samfélag á
Íslandi, samfélag þar sem almenn velferð, tillitssemi og gagnkvæm
virðing eru höfð að leiðarljósi.
Kennarasambandið hefur á undanförnum misserum beint sjón-
um sínum að því auka þjónustu og skilvirkni en innan þess hefur
ekki verið sterk hefð fyrir þátttöku í umræðu um þjóðfélagsmál sem
varða almenna velferð félagsmanna sem og almennings. Ég fagna
þeim áherslubreytingum sem lesa má úr ályktunum sem ég vísaði í
hér að framan.
Menntastofnanir njóta trausts
Þegar horft er yfir völlinn þá finnst mér sem menntastofnanir séu
meðal þeirra fáu lykilstofnana samfélagsins sem enn njóta trausts.
Þær eru lausar við spillingarfjötra valds og auðmagns, hagsmunaklíka
og sérhyggju – þann köngulóarvef sem svo margar aðrar stofnanir
samfélagsins eru ofnar inn í. Við ríkjandi aðstæður verður enn skýrara
hve gríðarlega mikilvægu hlutverki menntastofnanir í landinu gegna.
Ég er stolt af því að tilheyra Kennarasambandinu og tel að við eigum
af samábyrgð að láta raddir skólasamfélagsins heyrast í umbóta-
ferli næstu ára og styrkja um leið stöðu og ímynd kennarastarfsins.
Lýðræðislegt mótvægisafl
Á undanförnum árum hafa ýmsir gert stöðu stéttarfélaga að
umræðuefni og jafnvel velt því upp hvort þeirra verði þörf í fram-
tíðinni? Það er hugsanlega ekki tilviljun að slíkar spurningar hafi
vaknað í firringu undanfarinna ára.
Það er vel við hæfi á þessum tíma að vísa til uppruna stéttar
félaga og nægir að benda á rauða litinn á fána verkalýðshreyfingar-
innar sem táknar „uppreisn gegn ranglæti“. Það er mín skoðun að
framtíðin kalli á öflugri stéttarfélög en fyrr ef eitthvað er.
Stéttarfélög verða að halda í hugsjónina, hafa framsækna sam-
félagssýn og efla hag almennings með því að vinna að betra þjóð-
félagi. Samtök launafólks standa fyrir ákveðinn kjarna í samfélaginu
og rödd þess kjarna og sjónarhorn er mikilvægt lýðræðislegt
mótvægisafl við mótun samfélagsins á hverjum tíma. Ef stéttarfélög
breytast í afgreiðslustofnanir geta þau lagt niður fánann.
Látum baráttusöng verkalýðsins hljóma sem aldrei fyrr!
Sigrún Grendal
Framtíðin kallar á öflug stéttarfélög
SKÓLAVARÐAN 1.TBL. 9. ÁRG. 2009
Sigrún Grendal
Formaður FT.
Lj
ós
m
yn
d
f
rá
h
öf
un
d
i
Ég er stolt af því að tilheyra Kennarasamband-
inu og tel að við eigum af samábyrgð að láta
raddir skólasamfélagsins heyrast í umbótaferli
næstu ára og styrkja um leið stöðu og ímynd
kennarastarfsins.