Skólavarðan - 01.02.2009, Blaðsíða 13
hlýlegt viðmót kennaranna við börnin og
að samskipti þeirra einkenndust af mikilli
virðingu, kurteisi og umhyggju. Kennararnir
eru mjög flinkir/snjallir í að spyrja börnin
opinna spurninga sem hvetja þau til að
hugsa og svara með setningum. Þeir eru
duglegir að grípa hugmyndir barnanna og
spyrja hvað þau vilji gera og hvernig þau ætli
sér að gera hlutina. Það gefur börnunum
færi á að hugsa um lausnir á hugmyndum
sínum og finna svör við spurningum. Haldnir
eru umræðufundir með börnunum þar sem
þau tjá sig um stöðuna í kubbaleik sínum,
hvað þau ætla að gera næst og hvort þau
eru í vandræðum eða þurfi á hjálp að halda.
Athygli vakti að börnin eru mjög öguð og
bíða eftir því að röðin sé komin að þeim að
taka til máls.
Samþætting námsgreina er áberandi
þar sem lögð er áhersla á samfélagið í námi
barnanna. Dæmi um það er hópur 5-6 ára
barna sem var að byggja borgina sína. Þau
lærðu heilmikið um lífið í samfélaginu sem
þau búa í, hvernig það virkar, um störf
fólksins í borginni og þjónustu sem það
þarf á að halda. Leikurinn tengdist lestrar-
og ritmálsörvun því þau merktu byggingar
sínar með því að skrifa nafn, til dæmis á
verslun, á pappír og líma á kubbana. Þau
mældu lengd límbandsins sem þau þurftu
að nota, á þann hátt kemur nám þeirra inn
á stærðfræði. Byggingar þeirra þurftu að vera
stöðugar og þau fundu ráð til þess að leysa
þær vísindalegu þrautir með því að setja
nægilega marga kubba undir undirstöður
byggingarinnar. Allt átti þetta sér stað í
samvinnu barna og kennara sem hvöttu
börnin til að miðla hvert öðru af þekkingu
sinni og reynslu. Kennarinn studdi börnin
í leiknum og setti orð á það sem þau voru
að gera, nýtt orð var kynnt til sögunnar
og kennarinn útskýrði hvað það þýddi. Af
þessu má sjá að málörvun er ríkur þáttur í
námi barnanna. Félagsþroskinn blómstraði
þar sem börnin áttu góð samskipti og í
fyrirmyndarsamvinnu sýndu þau hvert öðru
það sem þau kunnu og sáu að nýttist öðrum
börnum.
Við tókum eftir því að kennararnir áttu
saman faglegar umræður um starfið og það
sem var að gerast hjá börnunum ef þeir
voru ekki að skrá leik barnanna en skrifleg
skráning er mikilvægur þáttur í starfi
þeirra.
Þegar við komum heim tókum við til
hendinni og losuðum okkur við efnivið sem
okkur þykir ekki henta fyrir hugmynda-
fræðina sem við störfum eftir. Má þar nefna
tilbúin verkefnablöð sem aðeins bjóða
upp á eina lausn og púsluspil. Einnig var
tekið út hefðbundið val sem hafði verið í
leikskólanum og í staðinn komum við því
á sem við köllum flæði þar sem börnunum
er boðið upp á fjölbreytt opið leikefni á
ákveðnum svæðum og þau ákveða sjálf
tímann sem þau dvelja á hverjum stað.
Einnig gegna eldri börnin vissum störfum,
svo sem að skola mjólkurfernur, sópa gólf,
ganga frá bókum, leggja á borð og taka
til í fatagangi. Auk þess hafa elstu börnin
það hlutverk að aðstoða kennara á yngstu
deildinni með börnin þar, svo sem að leika
við þau og aðstoða í fatagangi fyrir útiveru.
Í heimsóknunum var einnig gott fyrir
okkur að fá staðfestingu á því að við erum
að gera marga góða hluti og sumt jafnvel
betur en það sem við sáum í skólunum úti.
Þar má nefna þátttöku kennarans í frágangi
á kubbunum.
Að lokum bendum við á heimasíður skól-
anna sem við heimsóttum.
City and Country School
http://www.cityandcountry.org/index_flash.
html
Manhattan Country School
http://.bankstreet.edu/index_flash.html
Purple Circle
http://www.purple_circle.org/
Bank Street College
http://www.bankstreet.edu/index_flash.html
Elva Önundardóttir
Höfundur er kennari og verkefnastjóri í Brákarborg.
Heimildir:
Cuffaro, H. K. (1992). Blocks, The
Development of, in the United States.
Encyclopedia of Early Childhood Education.
Ritstj. Leslie R. Williams og Doris P.
Fromberg. New York og London.
Hirsch, E. S. (1996). The Block Book.
Washington, D.C. NAEYC (Upphaflega útgefið
1984).
Leeb-Lundberg, K. (1996). The Block Builder
Mathematician. The Block Book. Ritstj.
E. S. Hirsch. Washington, D.C. NAEYC.
(Upphaflega útgefið 1984).
Pratt, Caroline. (1948). I Learn From Children.
New York: Harper & Row.
Roopnarine, Jaipaul L. og Johnson, James
E. (2000). Approaches to Early Childhood
Education. (3. útgáfa). Prentice-Hall, In.
13
þRóUNARSTARF í LEIKSKóLUM