Skólavarðan - 01.02.2009, Blaðsíða 25

MENNTUN bLINdRA
SKÓLAVARÐAN 1.TBL. 9. ÁRG. 2009
25
tíma, til dæmis var fundað með Þorgerði
Katrínu og foreldrar mættu til þess fundar.
Það var hálfgerð sjokk meðferð fyrir
þáverandi menntamálaráðherra að átta sig
á því hversu langur vegur væri frá að blind
börn gætu sótt skóla á jafnræðisgrundvelli.
Skipaður var aðgerðahópur og þá fór
boltinn að rúlla. Hópurinn lagði annars
vegar til bráðaaðgerðir sem fólust í að ráða
umsvifalaust tvo kennsluráðgjafa og fjóra
umferlis- og ADL kennara en ADL stendur
fyrir athafnir daglegs lífs, og hins vegar
voru svo aðgerðir til lengri tíma, að setja á
fót miðlæga þekkingar- og þjónustustofnun
sem skyldi sinna þessum hópi í 360
gráður, frá vöggu til grafar. Einnig stofnuðu
Blindrafélagið og Blindravinafélag Íslands
Menntunarsjóð til blindrakennslu og setti
hvort félag tíu miljónir í sjóðinn. Tilgangur
hans er að styrkja kennara til náms hér-
lendis og erlendis sem tengist kennslu og
þjónustu við blinda og sjónskerta. Um leið
og lagasetningin var lokapunktur í vissum
skilningi markaði hún auðvitað líka nýtt
upphaf. Þjónustu- og þekkingarmiðstöðin
hóf starfsemi sína 1. janúar og er komin á
fullan skrið.“
Að sögn Elvu Hermannsdóttur kennslu-
ráðgjafa við þjónustu- og þekkingarmið-
stöðina eru að minnsta kosti 150 sjónskert
börn á grunnskólaaldri. „Þessi hópur hefur
að minnsta kosti undanfarin ár fundið mest
fyrir skorti á þjónustu, auk þeirra má nefna
bæði börn og fullorðna víða úti á landi.
Leikskólar hafa sinnt börnum til sex ára
aldurs vel og aðgengi að þjónustu hefur verið
meira á höfuðborgarsvæðinu. Hætta er á að
sumir hafi ekki fengið greiningu og þótt við
séum hér að tala um þörfina á fræðslu til
kennara þá vantar augnlækna líka fræðslu,“
segir Elva. „Við erum að móta starfið í nýju
miðstöðinni um þessar mundir og kennarar
og skólastjórnendur á öllum skólastigum
munu heyra meira frá okkur. Það er mikil
þörf á þessari umræðu að mati blindra
og sjónskertra. Bæði um hagnýt atriði
eins og hönnun umhverfis, stuðningstæki
og fleira og líka um sjónskerðingu og
blindu sem slíka, ýmislegt í samskiptum
og fleira í þessum dúr. Hugtakið „blindur“
er mjög gildishlaðið, þrungið neikvæðri
merkingu,“ segir Elva og Kristinn bætir
við að þegar fólk sé spurt hvort það myndi
frekar vilja missa sjón eða heyrn nefni
það oftar heyrnina. „Það sem sjónskertir
sjálfir eru hræddastir við er að verða
blindir,“ segir Kristinn, sem þekkir þetta
af eigin raun. Hann greindist með RP,
eða Retinitis Pigmentosa, þegar hann var
rúmlega tvítugur. RP er hópur sjúkdóma
sem ráðast á sjónhimnu augans og með
stigvaxandi sjónskerðingu fá margir, til
að mynda Kristinn, sk. tunnel vision en
þá er eins og horft sé í gegnum rör sem
mjókkar eftir því sem fram dregur. „Það
er góð regla að spyrja ekki þann blinda
hvað hann geti gert. Þetta á auðvitað líka
við um aðra sem búa við einhvers konar
fötlun. Í staðinn er betra að spyrja: Er
eitthvað sem þú getur ekki gert?“
keg
Námskeið í febrúar:
Dans fyrir grunnskólakennara 26.
febrúar kl. 16:00-18:30
Dans fyrir leikskólakennara 19.
febrúar kl. 16:00-18:30
Á báðum námskeiðunum kenna höfundar
námsefnisins Dans og hreyfileikir og
Danskennsla í 1.- 4. bekk, Kolfinna
Sigurvinsdóttir og Hulda Sverrisdóttir.
Skráning á simennt@khi.is eða í síma
525-5980
komið á námskeið til okkar
til að læra nýja hluti
http://srr.khi.is
Kennarar
Borðsiðir skipta okkur máli. Þótt auðvelt sé að nota
gaffal til að þekkja sundur kjöt og kartöflur er gott ef
þú segir hvaða meðlæti er og hvar það er á diskinum.
Gott er að hugsa sér diskinn sem klukku. Þá segjum
við t.d. að kjötið sé klukkan sex, kartöflurnar klukkan
níu og grænmetið klukkan þrjú.
Kristinn Halldór Einarsson Elva Hermannsdóttir, Sabína Steinunn Halldórsdóttir,
Bylgja Mist Gunnarsdóttir, Rannveig Traustadóttir og Guðný Einarsdóttir.
Hér eru bæði Blindrafélagið og þjónustu-
og þekkingarmiðstöðin til húsa:
Hamrahlíð 17, 105 Reykjavík.
Sími: 525 0000.
Netfang: blind@blind.is
Vefsíða: www.blind.is