Skólavarðan - 01.01.2002, Blaðsíða 14

grun um að börn sem alast upp við tölvu-
tækni lesi sjaldan eða aldrei texta frá upp-
hafi til enda nema þau séu að lesa Harry
Potter eða eitthvað þvíumlíkt.
Við erum að ganga í gegnum tæknibylt-
ingu sem hefur mikil áhrif á lestur. Hann
felst ekki lengur einvörðungu í því að
nema texta af blaði. Í nánast öllu sem við
gerum beitum við lestrarhæfninni. Við
komumst ekkert áfram án hennar. Hins
vegar hefur nýja upplýsingatæknin og
notkun tölva valdið gerbreytingu á lestrar-
venjum okkar.“
Íslendingar eru þátttakendur í annarri al-
þjóðlegri rannsókn (SITES, Second
International Technology in Education
Study) þar sem lögð er áhersla á að rann-
saka hvernig skólar og nemendur nota
tölvur. Önnur umferð hennar hefst á þessu
ári að sögn Júlíusar og er ætlunin að athuga
hvernig nemendur og skólar nota tölvu-
tækni og hvernig henni er beitt við nám í
lestri, stærðfræði og náttúrufræði. Einnig
verður athugað hvaða breytingar tölvu-
tæknin hefur haft á grundvallarfærni í
lestri. Hluti af rannsókninni verður lestrar-
próf á netinu þar sem nemendur þurfa að
lesa tiltekinn texta, ná vissum upplýsingum
og svara verkefnum og spurningum. Ekki
verður eingöngu fylgst með því hvort svör-
in eru rétt eða röng heldur einnig hvaða
leið börnin fara í lestrinum. Það verður
spennandi að sjá hvernig þetta gengur.
En hvert verður framhald PISA-
rannsóknarinnar?
„Þetta var aðeins fyrsta umferð. Árið
2003 verður haldið áfram, þá verða 2/3
prófsins stærðfræði og árið 2006 verða 2/3
prófsins náttúrufræði. Við höfum ákveðið
að taka þátt í rannsókninni 2003 og ég býst
fastlega við að við tökum líka þátt í henni
2006.
Það sem er sérstætt við þessa rannsókn
er að þar er lögð áhersla á að fá fram niður-
stöður sem nýtast til stefnumörkunar í
menntakerfinu. Þetta helgast af því að
rannsóknin er gerð í umsjá OECD sem
hefur ef til vill mestan áhuga á efnahagsleg-
um áhrifum á menntun. Þetta tel ég afar
mikilvægt, ekki aðeins fyrir fagfólk heldur
ekki síður fyrir stjórnmálamenn sem taka
ákvarðanir um fjárveitingar til skólamála.
Niðurstöður sem nú liggja fyrir segja
okkur til dæmis að Íslendingar þurfi að
leggja meiri áherslu á námsefni, gera það
fjölbreyttara og setja meiri peninga í það,
og þeir þurfi að sinna bestu nemendunum
betur en hingað til hefur verið gert,“ segir
Júlíus K. Björnsson forstöðumaður Náms-
matsstofnunar.
Hægt er að fá frekari upplýsingar um
fyrstu niðurstöður PISA 2000 hjá Náms-
matsstofnun eða á heimasíðu hennar:
www.namsmat.is/pisa. Jafnframt má nálg-
ast upplýsingar um rannsóknina hjá OECD
www.pisa.oecd.org .
Helgi E. Helgason
Pisa - rannsóknin
15
Júlíus um kynjamun: Ég
held að það liggi að
einhverju leyti í menn-
ingarlegum mismuni
milli þjóða og því
hvernig strákar og stelp-
ur eru meðhöndluð.
Hugsanlega liggur mun-
urinn að einhverju leyti
í því hve mjög íslenskt
skólakerfi er litað af
kvenfólki. 90% kennara
sem kenna börnum
alla þeirra skólatíð eru
konur.