Skólavarðan - 01.05.2003, Síða 23

verið opið allan sólarhringinn. Þetta nýttu
nemendur sér nokkuð vel og oftar en ekki
máttum við eiga von á því að mæta
glæreygðum nemanda þegar við komum til
vinnu að morgni.
Þótt aðstaðan hafi verið prýðileg batnaði
hún til mikilla muna þegar tónlistarhús
Kópavogs var byggt. Þar fluttum við inn í
sérhannað húsnæði þar sem allt var sér-
sniðið utan um starfsemina. Tónversher-
bergið „flýtur“ á gúmmípúðum sem veita
sérstaka hljóðeinangrun og gera kleift að
spila hljóð eða tónlist á fullum styrk þótt
tónleikar standi yfir í Salnum sem er hin-
um megin við vegginn.
Hljómburður í herberginu er sérstaklega
sniðinn til tónlistargerðar og hávær tæki og
tól eru geymd í sérstöku herbergi til þess
að tryggja algjöra þögn í sjálfu tónversher-
berginu. Tækjakostur er sérlega góður og
fjölbreyttur þannig að hann getur þjónað
vel flestum þörfum nemenda.
Strax var ljóst að tilkoma tónversins opn-
aði margvíslega möguleika, ekki bara það
sjálft heldur ekki síður nábýli þess við Sal-
inn með sína fullkomnu tónleikaaðstöðu.
Með þessa aðstöðu til reiðu hefur verið
lögð mikil áhersla á að leggja sitt af mörk-
um til íslenskrar menningar. Má þar nefna
verkefni til varðveislu íslensk tónlistararfs
með endurvinnslu og varðveislu gamalla
upptaka, þátttöku í flutningi á íslenskri
tónlist og þátttöku og skipulagningu á al-
þjóðlegu tölvutónlistarhátíðinni ART2000.
Þessi aðstaða tónversins og Salarins hef-
ur gjörbylt aðstæðum til flutnings á raftón-
list á Íslandi og hefur árangurinn ekki látið
á sér standa því að í kjölfarið hefur íslensk
raftónlist siglt inn í mikið blómaskeið sem
ekki er enn séð fyrir endann á.
Framtíðin
Eftir tilkomu tónlistardeildar Listahá-
skóla Íslands er í athugun að festa námið
meira við framhaldsskólastig og í deiglunni
er samvinna um að það verði metið sem
valáfangi í framhaldsskóla. Þannig ættu
nemendur almennt að geta byrjað alvarlegt
tölvutónlistarnám fyrr og haldið því síðan
áfram í Listaháskólanum.
Samhliða því sem tölvuleikni hefur farið
fram er meira af yngra fólki tilbúið í svona
nám. Hingað til höfum við sett aldursmörk
miðað við byrjun framhaldsskóla en síðast-
liðið haust var gerð tilraun til að taka inn
yngri nemendur. Þeir hafa staðið sig svo
vel að allar líkur eru á að áframhald verði á
inntöku yngri nemenda.
Við sjáum fyrir okkur að tölvutónlistar-
nám í einhverri mynd verði ómissandi þátt-
ur í öllu tónlistarnámi. Tónlistarumhverfið
hefur breyst mikið með tilkomu tölvutækn-
innar og fyrirsjáanlegt að í framtíðinni
verði meiri þörf fyrir tölvutónlistarmenn
en venjulega hljóðfæraleikara. Í framtíðinni
er óhugsandi að tónlistarmenn geti komist
af án þess að hafa a.m.k. einhverja innsýn í
tölvutæknina. Hún er orðinn svo óaðskilj-
anlegur hluti af nútíma tónlistarvinnu að
tónlistarmenn framtíðarinnar verða að hafa
hana á valdi sínu. Það skal þó tekið skýrt
fram að við teljum að „venjulegt“ tónlistar-
nám haldi sínu fulla gildi. Tölvutæknin er
hins vegar viðbót sem orðin er bráðnauð-
synleg.
Tónlistarskólar sem ekki sinna þessu
sviði munu smám saman mála sig út í horn
sem fornleifafyrirbæri, úr snertingu við
sinn samtíma. Við teljum brýnt að koma í
veg fyrir þetta og munum vinna að því að
upp komi sambærileg tónver við sem flesta
tónlistarskóla.
Hvernig kemst maður í nám?
Til þess að sækja um nám við tónverið
þarf viðkomandi ekki annan undirbúning
en mikinn áhuga á faginu og opinn huga,
öll tónlistarþekking er þó vissulega kostur.
Hægt er að sækja sér frekari upplýsingar
á netslóðina http://ttk.ismennt.is eða þá
senda tölvupóst á ttk@ismennt.is
Ríkharður H. Friðriksson og
Hilmar Þórðarson
Höfundar eru tónskáld og forstöðumenn
Tónvers Tónlistarskóla Kópavogs.
Tölvutónl ist
25
„Við sjáum fyrir okkur að tölvutónlistarnám í einhverri mynd verði ómissandi þáttur í öllu tónlistarnámi“, segja Hilmar og Ríkharður í
grein sinni. „Tónlistarumhverfið hefur breyst mikið með tilkomu tölvutækninnar og fyrirsjáanlegt að í framtíðinni verði meiri þörf
fyrir tölvutónlistarmenn en venjulega hljóðfæraleikara.“