Skólavarðan - 01.05.2015, Blaðsíða 14

Anna Kristín Arnarsdóttir og Svava Þ. Hjaltalín, kennarar við
Giljaskóla á Akureyri, bjuggu til verkefnið Jafnréttislandið
á síðasta skólaári, en þá kenndu þær þriðja bekk. Í vetur
þróuðu þær verkefnið áfram með sömu nemendum og
eru staðráðnar í að láta ekki staðar numið. „Grunnþættir
menntunar eru m.a. jafnrétti, lýðræði og mannréttindi
og sköpun. Við undirbúning kennslunnar fannst okk-
ur vanta kennsluefni sem tæki á þessum grunnþátt-
um og höfðaði til barna. Eftir nokkrar vangaveltur
varð hugmyndin að Jafnréttislandi til. Verkefnið
hefur gengið vel og nemendur verið áhugasamir
og tekið virkan þátt í samræðum, ýmis konar
hönnun og lýðræðislegum ákvörðunum. Við-
fangsefnin eru nánast óþrjótandi. Stundum eru
mál ofarlega á baugi í fréttum og sum tengd nærsamfélaginu og
þá færum við umræðuna inn í skólastofuna. Nemendurnir koma
líka með tillögur, þannig að það er sjaldan skortur á hugmynd-
um. Nýjasta umræðuefnið er samkynhneigð, en fræðsla um það
viðfangsefni hefur verið í umræðunni undanfarið,“ segja þær
Anna og Svava.
Framarlega í jafnrétti og lýðræði
„Vinnan með börnunum felst m.a. í samræðum sem stundum
leiða til frekari útfærslu eins og myndverka eða föndurs. Börn-
unum er skipt í hópa sem vinna t.d. tillögur sem síðan þarf
að kjósa um. Að loknum kynningum
tillagna er gengið til kosninga. Með
kosningum læra nemendurnir að
meirihlutinn ræður. Börnin vita meira
um jafnrétti en við héldum og eru ekki
föst í kynbundnum störfum. Þegar
umræðan snerist um leikföng höfðu
börnin hins vegar sterkari skoðanir.“
Skattar og útsvar
„Krakkarnir fóru oft á flug í umræðum um hvað þyrfti að vera
„Nýjasta umræðuefnið
er samkynhneigð en
fræðsla um það við-
fangsefni hefur verið í
umræðunni undanfarið“
Karl Eskil Pálsson
skrifar
Ljósmyndir:
Völundur Jónsson