Skólavarðan - 01.05.2015, Blaðsíða 51
STÆRÐFRÆÐIMENNTUN
FYRIR FRAMHALDSSKÓLA-
KENNARA
Tryggt verður að kennarar af landsbyggðinni geti tekið þátt í nýju stærð-
fræðinámi. Þar verður blandað saman stærðfræði- og kennslufræðinám-
skeiðum.
AÐSEND GREIN MAÍ 2015
Næsta haust stendur starfandi stærðfræðikennurum í
framhaldsskólum til boða nýtt nám sem er samstarfs-
verkefni Menntavísindasviðs HÍ og Verkfræði- og náttúru-
vísindasviðs. Um er að ræða tveggja ára hlutanám, samtals
sextíu eininga viðbótardiplómu á meistarastigi. Námið er
fyrst og fremst hugsað fyrir þá kennara sem ekki hafa BS
í stærðfræði en gert er ráð fyrir að þar verði pláss fyrir um
30 nemendur.
Freyja Hreinsdóttir, dósent í stærðfræði við Mennta-
vísindasvið HÍ, er umsjónarmaður námsins. Hún segir að
hugmynd að því hafi komið fram í starfshópi í stærðfræði sem
settur var á laggirnar í nóvember síðastliðnum.
„Hópurinn vann tillögur að samstarfsverkefnum
Menntavísindasviðs og Verkfræði- og náttúruvísindasviðs.
Fjölmargar tillögur komu fram, þar á meðal þessi en í
hópnum var samstaða um að mikil þörf væri á slíku námi,“
segir Freyja. „Við teljum líka að eftirspurn eftir þessu námi sé
nokkur, en það voru rektor HÍ og sviðsforseti Menntavísinda-
sviðs sem tóku endanlega ákvörðun um að fara af stað með þetta
verkefni og tóku þannig undir álit hópsins“.
Eitt námskeið í einu
Námið er sérsniðið fyrir stærðfræðikennara sem ekki hafa BS
gráðu í stærðfræði. Í því verður blandað saman fimm og tíu ein-
inga námskeiðum, en aðeins eitt námskeið verður kennt í einu.
Freyja Hreinsdóttir
dósent í stærðfræði
við Menntavís-
indasvið HÍ, hefur
umsjón með nýju
stærðfræðinámi
fyrir framhalds-
skólakennara.