Bjartur og frú Emilía: tímarit um bókmenntir og leiklist - 01.01.1998, Page 17

Atli
... heimurinn samur hvaðan sem komið er að honum; fremur að
hann breyti þeim sem kemur að honum; komi sá sem kemur úr
öndverðri átt sér hann alténd fjarvist sína handan heimsins ...
Ámi Ibsen
Auðunn
Fæddur: 21. september 1962. Dáinn: 7. apríl 1998 - og endurfædd-
ur sama dag.
(Sjá: Arnar)
Sjón
Auðunn
Þegar hann loks eignast sælgætisverslunina sem hann hefur
dreymt um frá því hann var lítill drengur getur hann ekki annað
en efast um tilgang þess að fá óskir sínar svona ofboðslega upp-
fylltar.
Þorvaldur Þorsteinsson
Auður
Takk fyrir síðast kæri A-. Ég verð að viðurkenna að ég átti bágt
með mig þegar við komum inn á MacDonalds og þar sat A- með
litlu sætu fjölskylduna sína. Það var auðséð á honum að hann
hafði ekki hugmynd um hver ég var. Viðtalið birtist þann sjöunda
og þá ætti hann að átta sig hvers kyns er. Þakka þér fyrir þag-
mælskuna og lánið á myndinni sem þú tókst af okkur A- í þykj-
ustusleiknum í skíðaferðalaginu.
(Sjá: Atlí)
Sjón
15