Bjartur og frú Emilía: tímarit um bókmenntir og leiklist - 01.01.1998, Page 36

Elfa
Elfa hljómar eins og Alfa og Alfa er grískur bókstafur sem spinnur
þráðinn áfram til Grikklands þar sem eyjan Patmos, ein Tylftar-
eyja, liggur í kóralbláu Eyjahafinu, grýtt, hrjóstrug og körg undir
sól Miðjarðarhafsins sem leysir upp aukaatriðin og greiðir úr
þokunni svo steinn verður steinn og blóð blóð og allir vafningar
að skýrum línum. En á þessari eyju á samt einn af sonum sólar-
innar að hafa falið sig ofaní dimmum helli til þess að forðast það
skýra en leita þess myrka. Jóhannes virðist hafa fengið sólsting.
Hann reikaði burtu, fullur fyrirlitningar á öllu því sem sólar-
heimurinn stóð fyrir: Allri þessari aristókratísku grísku tragík, allri
þessari harmsögulegu ábyrgð, allri þessari karlmannlegu einurð
og lífsnautn sem lengst af var aðal Miðjarðarhafsmannsins. í stað-
inn leitaði hann drungans svo hann mætti lækna sig af sóttinni og