Bjartur og frú Emilía: tímarit um bókmenntir og leiklist - 01.01.1998, Page 61

Karítas
Litla barnið.
Litla dóttir.
Brosið. Slefið.
Smakka það.
Hún er heit.
Hún er lifandi.
Fæddist í gær.
Deyr eftir hundrað ár.
Verður að manni.
Breytist í konu.
Og ég þegi.
Mikael Torfason
Karl
Leggstu ofan á mig Mingus af öllum þínum þunga, með undir,
undirhundi i hendi kremst ég undir þér (sóló).
Oddný Eir Ævarsdóttir
Kjartan
Dóttir hans bað mig í guðs bænum að sækja til sín ferðatösku sem
hann hefði skilið eftir fulla af miðum. Ég gerði það og sat uppi
með mörghundruð miða með dýrum og ódýrum fyrripörtum á -
hann hafði dáið með þá í vösunum og á nátt- og skrifborðum.
Hringdi í hana seinna til að vita hvort hún hefði ekki rekist á
neina aðra tösku - og var þá með seinnipartana í huga, en hún
kannaðist ekki við það.
Oddný Eir Ævarsdóttir
59