Ljóðormur - 01.11.1986, Síða 5

Ljóðormurinn er síðbúinn að þessu sinni og verður nú því sem
næst jólaormur. Hann hefur því safnað slíkri magafylli að ekki reyndist
unnt að birta í honum ritdóma þótt ástæða hefði verið til. Kemur viðtal
við bandarískt Ijóðskáld og bókmenntafræðing að nokkru í stað þeirra.
Að öðru leyti eru Ijóð ormsins fjölbreytt og sanna svo ekki verður
um villst að ort er í hverju horni þótt sífellt sé kvartað vegna sölutregðu á
Ijóðmarkaði. Raunar virðist vera meiri vaxtarbroddur í Ijóðagerðinni á
Islandi en í öðrum bókmenntagreinum. Þess vegna á rit eins og Ljóð-
ormur rétt á sér og þyrfti reyndar að koma oftar.
Sjón er sögu ríkari. Við bjóðum Ijóðunnendum að opna gin orms-
ins og skyggnast eftir innihaldinu.
Þ.H.
UÓÐORMURINN
3