Ljóðormur - 01.11.1986, Síða 37

Kveðskapurinn lifir þótt ritlistin deyi
Viðtal við Jerome Rothenberg um Ijóðlist að fomu og nýju.
Bandaríska Ijóðskáldið Jerome Rothenberg (f. 1931) er af gagnrýn-
endum í heimalandi sínu gjarnan kallaður róttækasti nýjungamaðurinn
í bókmenntum okkar tíma. Meira en 20 Ijóðabækur hafa komið frá hans
hendi og hann er víðkunnur fyrir flutning Ijóða sinna, bæði upplestur og
leik-flutning (happening). Þá hafa sýnisbækur hans með Ijóðum
annarra vakið mikla athygli en þær brjóta mjög í bág við hefðbundnar
antólógíur. Nokkrar þeirra ber á góma í viðtalinu hér á eftir, s.s. America
a Prophecy en það eru úrvalsljóð amerískra skálda frá upphafi,
Technicians of the Sacred en þar streyma Ijóð frá frumlindum
menningar um heim allan og svo Simposium of the Whole sem er
fræðilegt safnrit um skáldskap frá sjónarmiði þjóðmenningarfræði.
Rothenberg hefur ótrúlega mikla yfirsýn yfir Ijóðsköpun allra menning-
arsvæða heims á öllum tímum og hefur margt ritað um þau efni og
einnig hefur hann ritstýrt bókmenntatímaritum.
Ljóðormur náði tali af Rothenberg þegar hann dvaldi eina dag-
stund hér á landi í sumar ásamt Diane konu sinni sem er mannfræð-
ingur. Þau voru á leið til meginlands Evrópu í fyrirlestra- og upplestrar-
ferð.
Ljóðlist í Ameríku
- Úrval amerískra Ijóda, AMERICA A PROPHECY, sem þú tókst
saman ásamt George Quasha fyrir rúmum áratug, þótti róttæk nýjung
og gjörólík fyrri söfnum afþessu tagi.
- Já, sumir áttuðu sig ekki á því að okkur var meira í mun að draga
fram í dagsljósið þær fjölmörgu skáldskapartegundir sem tíðkast hafa í
Ameríku en að setja saman lista yfir löghelguð skáld með einhverjum
kvóta handa hverjum og einum. Það má kannski ráða nýbreytni bókar-
innar af undirtitli hennar: An New Reading of American Poetry from
Pre-Columbian Times to the Present.
- Skáldskapur frumbyggjanna oröinn hlutgengur?
- Að sjálfsögðu. Það getur hvorki verið sanngjarnt né rétt að tak-
marka kveðskap í Ameríku við evrópskar hefðir, eina eða fleiri. Við
forðumst viðurkenndu góðskáldin sem best við getum og Ijóðin, sem
við birtum eftir þau, setjum við í óvenjulegt umhverfi í bókinni svo að
frekar sé litið á þau ferskum sjónum.
LJÓÐORMURINN _________ 35