Ljóðormur - 01.06.1989, Blaðsíða 22

20 Þóra Elfa Bjðmsson
Um leikreglur
Ég get ekki fengið
það sem ég vil
þegar ég vil.
Hvað er heiðarlegt
í leiknum
ef ekki það?
Og svo
Og svo:
Undan dálitlum lækjarbakka
skýst lontan úr hyl
dýpi augna þinna
út í strauminn
heldur stefnu um stund
með snöggu sporðkasti
rennir svo upp strauminn
og glitrar á hreistrið.
Þá segiiðu mér hug þinn.
Nafnlaust ljóð
Þú ert alltaf að láta mig
gera eitthvað flókið.
Svo einfalt er það.
Fyrir sambandi okkar
er hundaeyki
og enn hefur ekki
greiðst svo úr reimunum
að sjáist
hvort okkar hefur taumhaldið
ef það er nokkurt.
Að baki er rykugur vegur
og skuggsælir áningarstaðir.