Fréttablaðið - 13.08.2016, Qupperneq 34

Á hverjum sunnudegi hittist hópur fólks í Öskjuhlíðinni í miðaldabúningum og larpar saman. Undirbúningurinn
tekur sinn tíma enda hver persóna
úthugsuð. Mikið er lagt í búning­
ana og persónusköpun.
„Við erum bara að hafa okkur
til,“ segir Oddur Georgsson er hann
tekur á móti blaðamanni í íbúð
sinni og kærustu sinnar, Sóleyjar
Hálfdánsdóttur. Þau eru bæði svo­
kallaðir larparar, spila LARP, Live
Action Role Playing eða rauntíma­
spunaspil. Larp fer þannig fram að
fólk klæðir sig upp í búninga og
fer í leik sem líkist að mörgu leyti
því sem maður sér í tölvuleikjum.
Leikmennirnir eru allir fyrirfram
ákveðnar persónur sem þeir hafa
sjálfir skapað. Barist er með gervi­
vopnum, sagan er ákveðin að vissu
leyti fyrirfram en svo er spunnið
í leiknum sjálfum. Um 50 manns
mæta vanalega á larpið en um 300
tilheyra félagsskapnum.
Mikið lagt í persónusköpun
Það er fjölmennt á heimili þeirra
Odds og Sóleyjar þennan sunnu­
daginn. Eftir um klukkustund hefst
larpið. Vinir þeirra og samspilarar,
Hanna og Einar Karl, eru að hafa sig
til. Þau standa úti á miðju gólfi og
raða skinnpjötlum hvort á annað.
Hanna heldur á stóru teppi sem
þau keyptu og ætla að sníða til að
nota í búning. „Ég er nýr karakter
í dag, þess vegna er ég lengur að
hafa mig til,“ útskýrir Einar Karl.
Það tekur sinn tíma að búa til
búninginn og mikið er lagt í per­
sónusköpun. „Allir karakterarnir
eru búnir til af hverjum og einum í
samræmi við reglubókina sem er í
notkun,“ segir Oddur.
Mikið er lagt í útlit persónanna
og þar fær sköpunargleðin að njóta
sín. Þau segja að sumum lörpurum
finnist búningahlutinn skemmti­
legasti parturinn af þessu, hjá
öðrum er það leiklistin sem heillar
eða skylmingahlutinn. Flesta
heillar þó blanda af þessu öllu og
líka bara gleðin við að fá að leika
sér.
Allar persónurnar í leiknum hafa
nafn sem viðkomandi spilari býr
sjálfur til, hálfgert hliðarsjálf.
Larphópurinn sem þau spila
með hefur verið til í um þrjú ár.
Einar hefur verið í larpinu í um ár
en Hanna er að fara í sjötta sinn.
Oddur hefur hins vegar verið með
frá því að hópurinn var stofnaður.
Hann fékk áhuga á larpinu eftir að
hafa séð það í sjónvarpsþáttum og
fór þá að athuga hvort það væri til
hérlendis.
„Ég leitaði og datt niður á spjall­
þráð þar sem var verið að skipu­
leggja larp. Það hafði verið reynt
áður en aldrei neitt gengið í ein­
hvern tíma.“ Þetta var fyrir þremur
árum og síðan hefur hann verið
virkur. Flestir í hópnum eru á aldr­
inum 17­30 ára. Þó að larparnir hér
séu frekar í yngri kantinum þá er
það alls ekki svo alls staðar. „Eins
og í Þýskalandi þangað sem ég fór
á stórt larp. Þar var ein áttræð kona
sem hafði larpað í yfir 50 ár,“ segir
Oddur.
Upplifa ekki fordóma
Í larpinu sem þau eru á leiðinni í
núna er spiluð miðaldafantasía.
Það er í gangi yfir sumartímann
en leggst í dvala á veturna og
þá tekur við annað larp. „Þar er
vampíruþema,“ segir Oddur. Það
fer fram á veitingastað í Hafnarfirði
og hluti af leiknum er að fólk átti
sig ekki á því að verið sé að larpa.
Þau segjast ekki hafa upplifað for­
dóma við larpið en margir séu for­
vitnir. „Reyndar lenti ég einu sinni í
víkingi sem fór að setja út á sverðið
mitt, hvað það væri asnalegt að
berjast með svona gervisverðum,“
segir Oddur en tekur fram að það
Mikilvægt að leika sér
Vikulega hittist hópur fólks og stundar svokallað rauntímaspunaspil eða larp, þar sem leikin
er miðaldafantasía. Hver bardagi er vel undirbúinn, búningarnir þaulhugsaðir enda hefur
hver persóna sín einkenni og hæfileika. Fréttablaðið fylgdist með undirbúningi fyrir larpið.
Hópurinn heldur af stað, tilbúinn í larpið. Hver og einn hefur skapað sína persónu og mikið er lagt upp úr sköpuninni. Fréttablaðið/Eyþór
Viktoría
Hermannsdóttir
viktoria@frettabladid.is
hafi ekki rist djúpt. „Fólk er aðal­
lega bara forvitið og vill vita meira
um þetta. Við erum alltaf til í að
tala um larp við fólk, við viljum fá
fleiri með.“
En hvað er það sem er svona
skemmtilegt við larpið? „Það er
skemmtilegt að leika sér,“ segir
Oddur og hin taka undir. „Búning­
arnir og leikurinn er mjög skemmti­
legur. Mér finnst gaman að svona
leikslást. „It makes me feel power­
ful“ segir Auður Ósk. „Þegar þú ert
bara í venjulega heiminum þá ertu
bara venjuleg manneskja sem fer í
skóla og vinnur. Í leiknum ertu allt
í einu orðin þessi ofursterka mann­
eskja sem getur slegist með sverði
eða verið hvað sem þú vilt,“ segir
Auður.
Spila í marga klukkutíma
Nú fer að styttast í að larpið byrji
og þau að verða fullbúin. „Við erum
til svona sjö á góðum degi,“ segir
Einar. Þau festa síðustu hlutina við
búninga. „Viltu álfa­ eða svartálfa­
eyra,“ segir Oddur við Einar sem
þiggur eitt eyra á bandi um hálsinn.
Búningarnir eru að verða fullskap­
aðir fyrir leik dagsins. Þau taka fram
að þetta snúist ekki um keppni. „Það
er enginn þannig séð sigurvegari,
bara allir,“ segir Oddur áður en hann
grípur vopn sitt og gerir sig tilbúinn.
Hin gera það sama og þau halda á
vit leiksins í Öskjuhlíðinni þar sem
leikið er frameftir degi. „Maður
vinnur ef maður skemmtir sér
hverju sinni,“ segir hann og heldur
af stað í fjörið. ↣
1 3 . á g ú s t 2 0 1 6 L A U g A R D A g U R34 h e L g i n ∙ F R É t t A B L A ð i ð
1
3
-0
8
-2
0
1
6

0
4
:3
4
F
B
1
2
8
s
_
P
0
9
5
K
.p
1
.p
d
f
F
B
1
2
8
s
_
P
0
8
2
K
.p
1
.p
d
f
F
B
1
2
8
s
_
P
0
3
4
K
.p
1
.p
d
f
F
B
1
2
8
s
_
P
0
4
7
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
A
4
0
-C
B
B
8
1
A
4
0
-C
A
7
C
1
A
4
0
-C
9
4
0
1
A
4
0
-C
8
0
4
2
7
5
X
4
0
0
.0
0
1
1
B

F
B
1
2
8
s
_
1
2
_
8
_
2
0
1
6
C
M
Y
K