Morgunblaðið - Sunnudagur - 04.10.2015, Blaðsíða 11

4.10. 2015 MORGUNBLAÐIÐ SUNNUDAGUR 11
arbylgju og hafði því notið þæginda
rafmagnsins í nær þrjá áratugi þeg-
ar raflína var loks lögð í Grýtu-
bakkahrepp árið 1956 en stórátak
var gert í rafvæðingu dreifbýlisins
á sjötta áratug tuttugustu ald-
arinnar,“ segir Jóhann.
Virkjað í þriðja sinn
Þegar börn Skírnis og Hjördísar
Sigurbjörnsdóttur keyptu jörðina af
foreldrum sínum 2003 hafði raf-
stöðin verið ónothæf í nokkur ár en
þau töldu þó rétt að leggja í þann
kostnað og þá gríðarlegu vinnu sem
nauðsynleg var til að koma rafstöð-
inni aftur í gang, „enda raforka til
kyndingar afar dýr í dreifbýlinu
þrátt fyrir niðurgreiðslu ríkisins til
heimila á svokölluðum köldum
svæðum,“ segir Jóhann. „Nokkru
áður höfðu verið sett lög þess efnis
að raforka frá einkarafstöðvum
skyldi njóta niðurgreiðslu til jafns
við aðra. Þessi lagabreyting gerði
það beinlínis fýsilegt að leggja í það
verk að koma rafstöðinni aftur í
gang. Hún myndi þá bæði framleiða
afar ódýrt rafmagn og um leið
skapa ofurlitlar tekjur í gegnum
niðurgreiðslur ríkisins,“ segir Jó-
hann Skírnisson.
Eftir gríðarmikla vinnu fjölda
fólks vorið og sumarið 2003 var vél-
búnaði Skarðsárvirkjunar II aftur
komið í nothæft ástand og er hann
nú í ágætis lagi og notaður til vara
fyrir Skarðsárvirkjun III.
Þegar Norðurorka hafði lagt
hitaveitu frá Reykjum í Fnjóskadal
til Grenivíkur taldist Skarð ekki
lengur á „köldu svæði“ og féllu nið-
urgreiðslurnar vegna raforku frá
Skarðsárvirkjun II því niður.
„Við skoðuðum möguleika á að
taka inn hitaveitu en kostnaður við
inntak, heimæð og breytingar á
íbúðarhúsi var verulegur auk þess
sem gera þurfti ráð fyrir langtíma-
kostnaði vegna kaupa á heitu vatni.
Niðurstaðan var því sú að hag-
kvæmara yrði að verja þessum
fjámunum í nýja virkjun sem bæði
væri áreiðanlegri og gæfi meira afl
en Skarðsárvirkjun II,“ segir Jó-
hann.
Vorið 2009 var vélbúnaði þriðju
virkjunarinnar komið fyrir í stöðv-
arhúsi Skarðsárvirkjunar II og hún
tekin í notkun síðar sama ár.
Nú búa systkinin frá Skarði, sem
eiga jörðina og dvelja þar oft, svo
vel vegna heimatilbúins rafmagns
úr ánni góðu, að fleiri ofnum eða
ljósaperum verður vart komið fyrir
í húsum á jörðinni!
Húsið frá 1959 hýsti Skarðsvirkjun II og nú III. Horft heim að Skarði frá Skuggabjörgum, handan Fnjóskár. Skarðsáin, sem liðast niður gilið, hefur verið virkjuð til heimabrúks í tæpa öld.
Lið Þórs/KA/Hamranna á Akureyri
varð um síðustu helgi bikarmeistari í
2. aldursflokki í fótbolta. Liðið sigr-
aði þá nýkrýnda Íslandsmeistara
FH 2:1 í framlengingu í hörku-
úrslitaleik sem fram fór á Þórsvell-
inum nyrðra.
Svo skemmtilega vill til að hver
einasti leikmaður bikarmeistaraliðs-
ins er, eða hefur verið, nemandi í
Menntaskólanum á Akureyri, utan
ein stúlkan sem enn er í 10. bekk
grunnskóla.
Bikarmeistararnir eru sigri hrós-
andi á myndinni. Aftari röð frá
vinstri: Jóhann Kristinn Gunnarsson
þjálfari, Rut Matthíasdóttir, Birta
María Aðalsteinsdóttir, Elva Rún
Evertsdóttir, Lára Einarsdóttir
(sem útskrifaðist úr MA í vor sem
leið), Harpa Lind Þrastardóttir,
Æsa Skúladóttir, Harpa Jóhanns-
dóttir, Ragnhildur Inga Aðalbjarg-
ardóttir, Júlíana Mist Jóhannsdóttir
og Ágústa Kristinsdóttir liðsstjóri,
sem varð stúdent frá MA í fyrra.
Fremri röð frá vinstri: Oddný Karol-
ína Hafsteinsdóttir, Lillý Rut Hlyns-
dóttir, Andrea Mist Pálsdóttir,
Hulda Björg Hannesdóttir (sem er í
10. bekk Giljaskóla), Karen Sif Jóns-
dóttir, Anna Rakel Pétursdóttir,
Sara Skaptadóttir, Agnes Birta
Stefánsdóttir, Saga Líf Sigurðar-
dóttir, Margrét Árnadóttir og Sara
Mjöll Jóhannsdóttir.
AKUREYRI
Morgunblaðið/Skapti Hallgrímsson
Bikarmeistarar úr MA
„Við systkinin ólumst upp við
miklar bollaleggingar um frekari
virkjun Skarðsár. Má því segja að
ákvörðun um þriðju virkjunina
hafi að miklu leyti komið af sjálfu
sér,“ segir Jóhann Skírnisson.
„Skörðungar gera oft grín að
sjálfum sér og segja að rökræður
og ákvarðanir um mikilvæg mál á
Skarði fari jafnan þannig fram að
fjöldi fólks situr við eldhús-
borðið og talar hátt, allir tala í
einu og enginn um það sama, og
sá sem hefur hæst er svo oftast
talinn hafa haft rétt fyrir sér,“
segir Jóhann og hefur gaman af.
Vert er að geta þess að alla tíð
var gert ráð fyrir að smíða sem
mest úr notuðu og ódýru efni
við virkjun númer þrjú. Gott
dæmi: Nokkrir flugvélarfarmar
af krossviði komu frá Sødalen í
óbyggðum Austur-Grænlands.
„Krossviðurinn, sem átti að
brenna, hafði verið utanum bún-
að vísindamanna sem þar voru
við rannsóknir,“ segir Jóhann.
Hann var þá flugstjóri á Twin Ot-
ter Flugfélags Íslands og vélin
oftast tóm á leiðinni heim.
SKARÐSVIRKJUN
Krossviður með flugi …
Bláskógabyggð gefur grænt ljós á lagfæringar á Kjal-
vegi, norðan Hvítárbrúr við Bláfell. Þar var spotti
byggður upp í fyrra og nú verður haldið áfram með
2,9 km kafla í átt að sæluhúsinu Árbúðum.
Kjalvegur
Hafinn er undirbúningur næstu áfanga við ofanflóðavarnir
í Neskaupstað. Fyrirhuguð eru tvö verkefni, það er undir
Nes- og Bakkagili og við Urðarbotn og Sniðgil. Fram-
kvæmdasvæðið er talið geta orðið meira en 5 hektarar.
Neskaupstaður
Ármúla 24 • S: 585 2800
Úrval af LED lýsingu
Opið virka daga 10 -18, laugardaga 11- 16. – www.rafkaup.is