Morgunblaðið - Sunnudagur - 11.10.2015, Blaðsíða 10

10 MORGUNBLAÐIÐ SUNNUDAGUR 11.10. 2015
Líkamsræktarfrömuðurinn Svava Sigberts-
dóttir var í forsíðuviðtali í Sunnudagsblaðinu í
upphafi árs þar sem hún lýsti The Viking Met-
hod æfingakerfinu sem hefur slegið í gegn í
London, þar sem hún býr og starfar. Vel-
gengnin heldur áfram og er The Viking Met-
hod orðin mjög eftirsótt aðferð, bæði sem fjar-
þjálfun og einkaþjálfun og Svava komin í
samstarf við Hummel fataframleiðandann.
Það voru engir galakjólar og háir hælar í
opnunarteiti The Viking Method í London á
miðvikudagskvöld. Þar kynnti Svava Sigberts-
dóttir, yfirvíkingur, nýja heimasíðu og sér-
merktan Hummel fatnað áður en hún lét
blaðamenn, m.a. frá Metro, The Daily Mail og
Women‘s Health, og aðra gesti taka vel á því.
Allir virtust þó skemmta sér vel enda sagði
Svava það lykilatriði góðrar þjálfunar. „Þjálf-
unin á að vera skemmtileg og þú átt að
finna fyrir framförunum, ekki reyna að sjá
þær í speglinum.“ Í staðinn fyrir að bjóða
kúnnum upp á þessa hefðbundnu „fyrir og
eftir“ myndatöku eða mælingar á hversu
mikill sentimetrafjöldi fer eftir því sem líð-
ur á þjálfunina, lætur Svava alla skrá hjá
sér frammistöðu sína í stuttu „stöðuprófi“
í upphafi, sem þeir svo endurtaka að fjór-
um vikum liðnum og skrá að nýju
frammistöðuna. „Munurinn getur verið
ótrúlega mikill og það er það sem gefur
fólki svo mikið. Og þetta er árangur
sem þú getur ekki rifið niður. Gallinn
við að fylgjast með framförunum í
speglinum er að við erum bara ánægð
í fimm mínútur, þá finnum við eitt-
hvað annað til að gagnrýna og getum
verið hrikalega grimm við okk-
ur sjálf. En framfarirnar í æf-
ingunum getur enginn tekið
frá þér og þú verður miklu
ánægðari með þig því þú veist
hvað þú getur og veist hvað
þú ert búin að afreka.“
Opnunarteitin var haldin
í sal Jumeirah Carlton To-
wer hótelsins í Knightsbridge hverfinu, þar
sem Svava hóf þjálfunarferilinn og neistinn að
The Viking Method kviknaði.
Nýja heimasíðan, thevikingmethod.com er
hin glæsilegasta, þar er mikið af stuttum
myndböndum þar sem Svava sýnir dæmi um
skemmtilegar æfingar sem hægt er að gera úti
á víðavangi eða t.d. við bekk í almenningsgarði.
Á síðunni er boðið upp á fjarþjálfun og skiptir
þá engu hvar í heiminum fólk er statt, allir eiga
að geta þjálfað eins og alvöru víkingar. Svava
er í samstarfi við Hummel og hefur tekið þátt í
auglýsingum þeirra en nú er einnig hægt að fá
sérstaklega merktan Hummel íþróttafatnað
hjá The Viking Method. „Rúnirnar hafa töfra-
mátt, ef þú vilt fá einhvern til að elska þig áttu
að rista ástarrúnina í viðarbút og lauma undir
koddann hjá þeim sem þú elskar. Og það virk-
ar!“ sagði Svava lymskufull á svip yfir hópinn á
miðvikudagskvöld. „Ég valdi sérstaklega þrjár
rúnir til að sækja styrk í, þær standa fyrir
Kraft, Hugrekki og Visku. Og ég trúi því að ef
þið klæðist fatnaði með þessum rúnum á, þá
gefi það ykkur kraft, hugrekki og visku til að
standa ykkur vel, ekki bara í þjálfuninni held-
ur öllu.“ ingibjorgrosa@gmail.com
Rúnirnar gefa styrk
SVAVA SIGBERTSDÓTTIR KYNNTI Í VIKUNNI SAMSTARF SITT VIÐ
HUMMEL UM FRAMLEIÐSLU Á ÆFINGAFATNAÐI MEÐ RÚNALETRI.
Svava bauð bresku pressunni
upp á íslenskt vatn og nammi
um leið og hún kynnti nýja
rúnaletraða æfingafatnaðinn.
Þegar heilbrigðismál eru rædd opinberlegaeru oftar en ekki til umræðu einungis af-markaðir þættir eins og skortur á tiltek-
inni þjónustu, fjárhagsvandi heilbrigðisstofnana
eða hátt lyfjaverð svo dæmi séu nefnd. Þess
vegna var hressandi að sækja í vikunni fund
Frumtaka, samtaka lyfjaframleiðenda, sem bar
yfirskriftina „Hver er réttur minn til heilbrigð-
isþjónustu?“ Þar var þessi grundvallarspurning
rædd út frá lögfræðilegri hlið, siðferðislegri og
praktískri.
Spurningunni sjálfri svara menn gjarnan með
vísan til löggjafarinnar, til dæmis núgildandi laga
um réttindi sjúklinga sem kveða skýrt á um það
að sjúklingur eigi rétt á „fullkomnustu heilbrigð-
isþjónustu sem á hverjum tíma er völ á að veita“
og „bestu þekkingu sem völ er á“. Það er ekki
litlu lofað. Ætli þeir sem samþykktu þessa skil-
yrðislausu skilmála hefðu gert það hefðu þeir
sjálfir persónulega verið í ábyrgðum fyrir efnd-
unum? Ég er ekki viss um að læknar, ekki einu
sinni þeir allra kokhraustustu, myndu gefa skuld-
bindandi loforð á þessa vegu hefðu þeir fjárhags-
lega hagsmuna að gæta.
Þegar stjórnmálamenn ákveða að einhverjum
skuli veitt þjónusta þá kostar það peninga. Þessa
peninga á ríkið ekki sjálft heldur eru þeir eign
skattgreiðenda. Þetta fé er takmarkað og þegar
af þeirri ástæðu getur ríkið ekki skuldbundið sig
til þess að bjóða upp á hvers kyns heilbrigð-
isþjónustu. Þetta vilja sumir ekki horfast í augu
við og gera stöðugt kröfu á ríkið, ekki bara um að
það beri kostnað af þjónustunni heldur veiti hana
einnig.
Á nefndri ráðstefnu kom fram að nokkru leyti
réttmæt gagnrýni á sjúkratryggingakerfið sem
slíkt. Það er ómögulegt að svara því með afger-
andi hætti í hverju tryggingin sem almenningur
hefur í hinu opinbera kerfi felst. Litlar takmark-
anir virðast vera fyrir hendi og ljóst að allir njóta
sömu tryggingarverndar án tillits til áhættu.
Pabbi minn er þannig tryggður fyrir tannlækn-
ingum barna og ég er tryggð fyrir stækkun í
blöðruhálskirtli. Það segir sig sjálft að hvorugt
okkar myndi verja fé í þessar tryggingar ef við
hefðum eitthvað um það að segja. Þá eru kröfur
manna til heilbrigðis afar mismunandi. Það sem
einum þykir lífsins nauðsyn eða í það minnsta
aukin lífsgæði þykir öðrum húmbúkk og myndi
frekar kjósa að eiga milljón krónur í vasanum en
að borga fyrir aðgerð til draga úr heilsubrest-
inum. Þetta á að minnsta kosti við um minnihátt-
ar kvilla. Í kerfi þar sem ekki er tekið tillit til
þessara ólíku þarfa einstaklinganna verður alltaf
um sóun að ræða á fjármunum. Möguleikar
manna á bestu heilbrigðisþjónustu sem völ er á
aukast ekki við það.
Miklu lofað, en hverju?
* Í kerfi þar sem ekki ertekið tillit til þessaraólíku þarfa einstaklinganna
verður alltaf um gríðarlega
sóun að ræða á fjármunum.
ÚR ÓLÍKUM ÁTTUM
Sigríður Ásthildur
Andersen
sigga@sigridur.is
Stefán Pálsson
grínaðist að venju
á Facebook: „Það
er greinilega eng-
inn að fatta stóra
skandalinn í máli
Illuga Gunnarssonar: Hvaða fábjáni
kallar fyrirtækið sitt „Orka
Energy“? – Hvað næst??? Dag-
blaðið Newspaper? Fiskur Fish?
Naan Brauð?“ Hann fékk fleiri
uppástungur í athugasemdum eins
og „salsa sósa“, „kemísk efni“ og
„Kitchen eldhús á Laugaveginum.
Svo var líka gantast með nafnið á
fleiri vegu. Bergsteinn Sigurðsson
sagði: „Ég stakk upp á að stytta
nafnið í Orgy“ og Árni Sveinsson
var með aðra túlk-
un: „En eru þetta
ekki bara Orkar
úr LOTR?“
Stóra málið á
netinu þessa vik-
una var hinsvegar samfélagsmiðla-
herferðin #ég er ekki tabú en þar
er markmiðið að draga úr for-
dómum gegn geðsjúkdómum.
Það tókst heldur betur að opna
umræðuna á Twitter. Sóley Tóm-
asdóttir @soleytomasar skrifaði:
„Vorið 2010 var ég svindlari sem
hataði son minn. Með aðstoð
lækna og sálfræðinga komst ég í
gegnum kosningabaráttuna. #ege-
rekkitabu.“
Mörgum var kostnaðurinn hug-
leikinn. Gylfi Ólafsson @GylfiO-
lafsson skrifaði: „#égerekkitabú
minnir á að sálfræðiþjónusta er
ekki niðurgreidd af ríkinu til jafns
við aðra meðferðarkosti.“
Haukur d’Or Bragason @Sentil-
mennid sagði: „Þú ferð ekki með
opið beinbrot í vinnuna. Hættum
að kalla veikt fólk aumingja og við-
urkennum og virðum geð-
sjúkdóma. Respect á #égerekki-
tabú.“
Salka Sól Ey-
feld @salkadela-
sol steig fram:
„Það tók mig 12 ár
að viðurkenna fyr-
ir sjálfri mér að ég
þyrfti aðstoð eftir einelti í æsku.
Eftir það gat ég loksins verið ég
sjálf #egerekkitabu.“
AF NETINU
Vettvangur