Víkurfréttir - 01.12.1988, Blaðsíða 1

Landsbál
Safriahúi
101 Rey
Fjðrði hver félagi frá Suðurnesjum
Samkvæmt upplýsingum
Grétars Kristjánssonar í
Njarðvík, formanns G-sam-
takanna, sem eru samtök
gjaldþrota einstaklinga, eru
24% félagsmanna búsettir á
Suðurnesjum. Eru það 36 af
150 félögum. Helmingur fél-
agsmanna er búsettur á Stór-
Reykjavíkursvæðinu en hinn
hlutinn dreifist um lands-
byggðina.
Sagði Grétar það m.a. or-
sökina að mikið væri um að
fólk, sem ýmist hefði verið úr-
skurðað gjaldþrota eða stæði
frammi fyrir slíkum úrskurði,
flytti hingað á svæðið. Væri
ástæðan sú að í dreifbýlinu
væru aðgerðir yfirvalda gegn
þessum einstaklingum meira
áberandi en hér hyrfu þessi
mál frekar í fjöldann og væru
því ekki eins persónuleg, þó
gjaldþrot sem slíkt hefði ávallt
ýmis vandkvæði í för með sér.
Því eru tiltölulega fleiri slík-
ir einstaklingar hér á svæðinu
en víðast annars staðar á land-
inu. En sem kunnugt er af
fréttum hefur mikill fjöldi
fólks verið tekinn til slíkrar
meðferðar hér syðra á undan-
förnum misserum.
Frá því að samtök þessi
voru stofnuð hafa þau átt við-
ræður bæði við dómsmálaráð-
herra og félagsmálaráðherra.
Er ástæðan sú að þau eru að
knýja á breytingar á þeim að-
ferðum sem beittar eru gegn
þeim aðilum sem geta af ein-
hverjum ástæðum ekki staðið i
skilum.
Munum við á næstunni taka
nánar á máli þessu hér í blað-
inu en með hvaða hætti það
verður, mun þá koma í ljós.
Verða þrír
skuttogarar
keyptir?
Samkvæmt áreiðanlegum
heimildum standa nú yfir við-
ræður um kaup eða þreifingar
á kaupum þriggja skuttogara
til Suðurnesja. Hafa kaup
þessi öll komið upp á borðið
nú í kjölfar deilunnar um sölu
HK togaranna burt af svæð-
inu.
Þeir aðilar sem standa í við-
ræðum eða skoðun á þessum
málum eru Eldey h.f., Nesfisk-
ur h.f. og Valbjörn h.f. Eru
Eldeyjarmenn í viðræðum um
kaup á togara héðan af suð-
vesturhorninu, þó ekki af Suð-
urnesjum. Nesfisksmenn í
Garði eru að skoða málin
varðandi togara utan af landi
en hjá Valbirni í Sandgerði er
fremur um almenna athugun
enn að ræða, en að þeir séu
farnir að skoða ákveðið skip.
Morgunstemning í Keflavík. Ljósm.: hbb.
FLUGELDASTRIÐ A
SUDURNESJUM
ÍBK fer inn á ,,flugeldamarkaðinn“
„Okkur finnst þetta lúaleg
aðför að björgunarsveitun-
um, sem mörg undanfarin ár
hafa byggt starf sitt og af-
komu á flugeldasölu, sem
hefur nánast verið eina fjár-
öflun þeirra. Núnaætlarnýtt
knattspyrnuráð ÍBK að fara
inn á þennan markað og
stofna þannig starfi björgun-
ar- og hjálparsveitanna í
hættu. Við höfum sett okkur
í skuldbindingar sem miðast
við ákveðna afkomu af flug-
eldasölunni. Nú getur farið
svo að við getum ekki staðið
við þær,“ sagði Árni Stefáns-
son, formaður Hjálparsveit-
ar skáta í Njarðvík um nýj-
ustu fyrirætlan ÍBK í fjáröfl-
un en það er flugeldasalan
um áramót.
Björgunar- og hjálpar-
sveitirnar á Suðurnesjum
skrifuðu fyrir skömmu
knattspyrnuráði ÍBK og
bandalaginu bréf þar sem
þessari fyrirætlan var mót-
mælt. En allt kom fyrir ekki.
Þessari ákvörðun verður
ekki breytt. Það staðfesti
Rúnar Lúðvíksson, formað-
ur knattspyrnuráðs, í sam-
tali við Víkurfréttir.
„Það verður æ erfiðara að
reka æskulýðs- og íþrótta-
starfsemina. Þess vegna
verður að leita nýrra leiða og
það hafa félögin gert víða um
land.Þetta hefur staðið ÍBK
til boða í mörg ár. Nú verður
látið til skarar skríða í flug-
eldasölunni. Þetta erafgreitt
mál.“ Rúnar sagði að í dag
væri baráttan í fjáröflun
mjög hörð og því væru allir
vænlegir markaðir skoðaðir í
þeim efnum og nefndi sem
dæmi skafmiða og dagatöl,
sem hjálparsveitirnar hefðu
farið inn á eftir að aðrir
höfðu byrjað.
Flugeldana mun ÍBK
kaupa af KR-ingum sem
reka mikið flugeldabatterí
og hafa undanfarin ár Boðið
hinum ýmsu íþróttafélögum
flugelda á góðum kjörum,
sem felast aðallega í því að
félögin geta skilað til baka
því sem ekki selst. Því væri
áhættan engin. Björgunar-
og hjálparsveitirnar kaupa
inn sína flugelda sjálfar og
geta því ekki skilað neinu til
baka ef það selst ekki.
„Stundum höfum við ekki
haft erindi sem erfiði og tap
orðið af flugeldasölunni,“
sagði Árni Stefánsson, for-
maður Hjálparsveitar skáta í
Njarðvík.
Útboð á sorphirðu:
Sjö tilboð bárust
Á þriðjudag voru opnuð til-
boð í sorphirðu á Suðurnesjum
sem Sorpeyðingarstöðin bauð
út fyrir skemmstu. Bárust alls
7 tilboð.
Voru þau svohljóðandi:
1. Njarðtak h.f. 22.137.000
kr. 2. Kristófer Þorgrímsson
kr. 25.825.000. 3. Gámaþjón-
usta Suðurnesja kr. 20.355.860
4. Sorphreinsun Suðurnesja
kr. 21.519.460. 5. Pétur Sigur-
björnsson, Grindavík, kr.
16.403.250. 6. Guðjón Þor-
björnsson, Kópavogi, kr.
18.053.250. 7. Grímur Hall-
grímsson, Reykjavík, kr.
26.712.000. Kostnaðaráætlun
hljóðaði upp á kr. 23.155.600.
Núverandi verktaki er
Njarðtak h.f. Mun stjórn SS
nú skoða tilboð þessi nánar,
áður en ákvörðun verður tek-
in.
Dýpkunarframkvæmdir í Sandgerði:
„Getum ekki beðið
öllu lengur"
„Það þarf að framkvæma
minniháttar breytingar á
dýpkunarprammanum áður
en hann getur komið hingað til
Sandgerðis," sagði Sigurður
Bjarnason, hafnarstjóri i
Sandgerði, er blaðið hafði
samband við hann vegna
dýpkunarframkvæmda við
höfnina.
1 síðustu viku kom til lands-
ins nýr prammi í stað þess sem
sökk út af Snæfellsnesi á leið til
dýpkunarframkvæmda í
Sandgerði. „Eg á von á því að
pramminn komi á næstu
dögum. Þetta er búið að drag-
ast i nógu marga mánuði,
þannig að það verður ekki lið-
ið að biðin eftir dýpkun á inn-
siglingunni verði öllu lengri,“
sagði Sigurður Bjarnason að
lokum.