Víkurfréttir - 08.12.1988, Blaðsíða 10

DLia^cuseu. ^___) r _|y
JÓLflUMFERÐIN
Góðir Suðurnesjamenn. Nú
líður senn að blessuðum jólun-
um og eins og vanalega þá hef-
ur lögreglan í samráði við
bæjaryfirvöld í Keflavík
ákveðið að gera breytingar á
gangi umferðarinnar í aðal-
verslunarkjarna Keflavíkur-
bæjar (sjá meðfylgjandi teikn-
ingu).
Fimmtudaginn 8. desember
verður settur einstefnuakstur á
Hafnargötu í suður frá Aðal-
götu og að Vatnsnestorgi. Hef-
ur verið ákveðið að þetta fyrir-
komulag á umferðinni verði til
2. janúar 1989.
Að breyta Hafnargötu í ein-
stefnuakstursgötu hefur þann
kost að bifreiðastæðum fjölgar
um allan helming en það út-
heimtir jafnframt að ökumenn
leggi bifreiðum sínum á annan
hátt en þeir eru vanir á þessum
stað. Flest bifreiðastæðin
verða austanmegin við götuna
og menn eiga að leggja þar
þannig að framendi bifreiða
þeirra nemi við gangstéttar-
brún (sjá teikningu). Nokkur
bifreiðastæði eru vestan megin
við götuna í innskotum sem
tekin eru í gangstéttina og þar
eiga menn að leggja eins og
þeir eru vanir með hlið bifreið-
arinnar að gangstéttinni.
Brýnt er fyrir ökumönnum að
leggja ekki á öðrum stöðum
vestan megin við götuna, enda
eru uppi merki sem banna slíkt.
Ef menn virða það ekki geta
þeir átt von á að bifreiðar þeirra
verði fjarlægðar á þeirra kostn-
að með dráttarbifreið.
Verslunareigendur og aðrir
atvinnurekendur í miðbæjar-
kjarna Keflavíkur ættu að
brýna það fyrir starfsfólki sínu
að leggja ekki bifreiðum sínum
við verslanirnar, heldur leggja
í stæði sem minna eru notuð
skammt utan miðbæjarkjarn-
ans. Það er mikið atriði fyrir
alla að starfsfólkið teppi ekki
bestu bifreiðastæðin fyrir
verslanirnar.
Menn eru beðnir um að
kynna sér uppdráttinn vel og
velja sér síðan akstursleiðir
samkvæmt því. T.d. þeir sem
koma úr Njarðvíkum og ætla
niður í Apótek skulu velja sér
að aka Hringbrautina og
beygja síðan niður Tjarnar-
götu og leggja síðan í stæðið
norðan við Skrúðgarðinn, en
þar eru oftast laus stæði.
Góðir ökumenn. Virðiðum-
ferðarmerkin, akið varlega og
sýnið tillitssemi í umferðinni.
Lögreglan
Keflavlkurbær kaupir
hluta Vinaminnis
Bæjarstjórn Keflavíkur hef-
ur samþykkt að kaupa efri
hæðina að Aðalgötu 7a í Kefla-
vík. Hús þetta ber nafnið
Vinaminni. Er kaupverðið
1.050.000.
Þá hefur bæjarráð Keflavík-
ur hafnað kauptilboði í Vallar-
götu 7, sem ráðinu barst ný-
lega. Jafnframt hefur borist
kauptilboð í kjallaraíbúð að
Hringbraut 77 að upphæð kr.
700 þúsund. Hefur bæjarráð
falið bæjarstjóra að gera gagn-
tilboð.
Vinaminni, Aðalgötu 7a, Keflavík.
Ljósm. hbb.
Attu 1600 kr.
og kertaljós?
i -
Jt
Ef ekki skaltu greiða
orkureikninginn strax.
Við höfum hert inn-
heimtuaðgerðir.
Lokunargjald kr. 1600.
Láttu orkureikninginn
hafa forgang ef þú vilt
ekki þurfa að fara að
leita að kertum....?
S!l
Hitaveita Suðurnesja
Innheimtudeild - Sími 15200
Umferðarslys á
Keflavíkur-
flugvelli
Harður árekstur varð á
Keflavíkurflugvelli í asahlák-
unni á þriðjudagsmorgun.
Lentu þar saman tvær bifreið-
ar og voru 2 konur úr sitt hvor-
um bílnum fluttar á sjúkrahús-
ið í Keflavík. Önnur konan er
íslensk en hin bandarísk.
Kvartaði önnur yfir verk í
höfði en hin í öxl.
JOLA
HVAÐ?S^
Jú, JOLAEROBIC með lóð-
um. Hraðir, hressir tímar,
sund og heitir pottar á eftir.
Við ætlum ekki í frí um
jólin vegna fjölda áskorana.
Gefið hvort öðru góða
heilsu í jólagjöf. Hringið
í síma 16133.
Jólakveðjur
Anna Lea og Auður
Byggðasafn Suðurnesja
Opiö á laugardögum kl. 14 - 16.
Aðrir tímar eftir samkomulagi.
Upplýsingar í símum 13155, 11555 og 11769.