Víkurfréttir - 21.12.1988, Blaðsíða 1

Landsbókasaf
Sa fnahúsin u
101 Reykjav
Var Hitaveitan hlunnfarin hiá RARIK?
Hitaveita Suðumesja hélt á
föstudag kynningarfund fyrir
hluthafa sína, þ.e. sveitarfél-
ögin á Suðurnesjum. A fundi
þessum upplýsti Albert Al-
bertsson, framkvæmdastjóri
tæknisviðs, að háspennulínan
frá Geithálsi og hingað suður
væri ónýt.
Hefðu Suðurnesjamenn því
verið hlunnfarnir þegar
RARIK seldi þeim línu þessa í
mun verra ástandi en þeir
vildu viðurkenna. Væri nú svo
komið að lína þessi væri að
hrynja.
Júlíus Jónsson, fram-
kvæmdastjóri fjármálasviðs,
sagði í samtali við blaðið að hér
væri verið að tala um 66 kíló-
watta línuna en brýn nauðsyn
væri að hefja þegar undirbún-
ing að lagningu nýrrar línu
hingað suður. Myndi því Hita-
veitan leggja til við gerð fjár-
hagsáætlunar að hafinn verði
hið fyrsta undirbúningur og
hönnun að línu þessari.
Sagði Júlíus að samkvæmt
stefnu stjórnvalda væri nú
bannað að taka lán, sem þó
væri bráð nauðsyn á vegna
þessa. Vildu Hitaveitumenn
hafa þann háttinn á að auka
ekki skuldir fyrirtækisins,
fremur að fá að borga hægar
niður þau lán sem fyrirtækið
hafi á sinni könnu. Sem fyrr
segir stendur á ríkisvaldinu
varðandi þetta nauðsynjamál.
57 milljón króna
vanskilaaukning
Á því ári sem nú er að líða
hefur vanskilaskuldir fyrir-
tækja, sveitarfélaga og ein-
staklinga aukist um 57 millj-
ónir króna. Er því svo komið
að vanskilaskuldir við Hita-
veituna n'ema nú um 150
milljónum króna, að sögn Júl-
íusar Jónssonar, framkvæmd-
astjóra fjármálasviðs.
Um tveir þriðju hlutar van-
skila þessara eru hjá útgerðar-,
fiskvinnslu- og fiskeldisfyrir-
tækjum, hjá stærstu sveitarfél-
ögunum um 15 milljónir
króna. Afgangurinn er hjá
öðrurh fyrirtækjum og ein-
staklingum. Nemur vanskila-
aukning þess um þriggja mán-
aða sölu.
Landsbankinn lánar
Keflavlkurbæ 20 mkr.
Bæjarsjóður Keflavíkur hef-
ur samþykkt að taka að láni
hjá Landsbanka Islands kr. 20
milljónir til tveggja ára. Fer
lán þetta m.a. til greiðslu á
skuldum við sameiginlega rek-
in fyrirtæki s.s. sjúkrahúsið og
SSS.
Að sögn Guðfinns Sigur-
vinssonar bæjarstjóra er hér
um íyrirgreiðslu er greiðist
með skuldabréfum er bæjarfél-
agið hefur tekið að undan-
förnu frá einstaklingum og
fyrirtækjum upp í eldri skuld-
ir.
„Við stefnum að því að auka
ekki skuldir bæjarins út á við
en hér var um fyrirgreiðslu að
ræða er kom á móti skulda-
bréfaeign okkar sem mun síð-
ar virka sem peningastreymi
hingað suður, því þeir aðilar
sem við greiðum nú eru flestir
með viðskipti sín í Sparisjóðn-
um. Þá höfum við nú lagt
aukna hörku í innheimtu eldri
skulda og eru 237 kröfur í inn-
heimtu hjá lögfræðingum. Við
leggjum þó hvergi fram lög-
takskröfur fyrstir manna,
heldur komum inn í áður
ákveðnar nauðungasölur, sé
um það að ræða,“ sagði Guð-
finnur í samtali við blaðið.
Breytingar á togara-
flota Grindvíkinga
Þorbjörn h.f. í Grindavík og
fyrirtæki á Reyðarfirði hafa
skrifað undir skipti á togurun-
um Gnúpi GK og Snæfugli SU
20. Munu skipti þessi fara
fram nú um áramót en Gnúp-
ur mun þá ganga upp í togara-
kaup Reyðfirðinga í Noregi.
Snæfugl SU hét áður Guð-
björg frá ísafirði. Mælist sá
togari 436 tonn, smíðaður í
Flekkifjord í Noregi 1974.
Gnúpur GK 257 hét áður As-
þór frá Reykjavík. Sá togari
mælist 297 tonn, smíðaður
1970 í Kristjansund í Noregi,
en keyptur hingað til lands
1981.
Mun hinn nýi togari Grind-
víkinga veiða í salt eins og hinn
hefur gert við góðan orðstí að
undanförnu. En auk þessa
togara hafa þeir Þorbjörns-
menn verið að skoða fleiri tog-
aradæmi.
Mikil jólaverslun framundan
Verslunareigendum er heimilt að hafa verslanir sínar opnar fyrir viðskiptavinum til klukkan 23 á
Þorláksmessu. Margar verslanir voru opnar til klukkan 22 síðasta laugardag og þá lögðu margir leið
sína í verslanir á Suðurnesjum og versluðu og skoðuðu jólagjafir.
Víkurfréttir heimsóttu nokkra verslunareigendur og könnuðu hvað vinsælast er tiljólagjafa á hverj-
um stað og má líta þau viðtöl inni í blaðinu.
Að lokum er vert að brýna það fyrir verslunarfólki við Hafnargötuna í Keflavík að það noti önnur
bílastæði en við aðal verslunargötuna, svo viðskiptavinurinn eigi auðveldara með að komast leiðar sinn-
ar og þurfi ekki frá að hverfa. Ljósm.: hbb.