Morgunblaðið - 17.12.2015, Blaðsíða 11

Kvennafans Þær hljómuðu fallega kvenraddirnar í gærkvöldi í Hallgrímskirkju undir stjórn Margrétar.
„Þetta er fyrsta árið sem ég tek
kórstjórnina alvarlega en hingað til
hefur ég verið aðstoðarleiðbeinandi.
Auk þess er ég í námi í Listaháskól-
anum í skapandi tónlistarmiðlun og
útskrifast núna í desember. Ég samdi
lokaspunann sem var á tónleikunum í
gær, það er í raun útskriftarverkefnið
mitt,“ segir Sigga, sem hefur nóg að
gera og mun eignast fyrsta barn sitt
eftir áramót.
En er ekki erfitt að vinna svona
mikið með móður sinni? Hvernig
gengur að mótmæla henni?
„Hún er meira eins og leiðbein-
andi minn og það er bara gaman að
læra af henni. Mér leyfist alveg að
mótmæla, ég get ekki falið það ef ég
er pirruð eða ósátt. Mér finnst mjög
gott að hafa svona frábæran leiðbein-
anda og geta fylgst með, en stundum
langar mig að prófa eitthvað ein og
það er ég að gera núna með því að
stjórna kórnum Aurora. Ég er að
stíga mín fyrstu skref í kórstjórn og
þá er gott að hafa einhvern sem veit
betur.“ Margrét grípur þetta á lofti
og bætir við:
„Að læra að stjórna kór er
margra ára ferli, næstum eins og að
byggja sinn eigin bát og læra að
vinna með hann.“
Konur úr öllum stéttum
„Það sem er fallegt við þennan
tvö hundruð kvenna hóp er að við er-
um alls konar konur á öllum aldri, frá
fjögurra ára til 74 ára. Þetta eru þrjár
kynslóðir kvenna sem leiðast saman,“
segir Margrét og bætir við að vissu-
lega geti verið erfitt að hemja alla
þessa mögnuðu kvenorku.
„Þær geta alveg verið ákveðnar
og við stjórnendur verðum að hafa
aga. Ég er með mjög ákveðnar skoð-
anir og kórkonurnar taka tillit til mín,
ég vona að það sé vegna þess að þær
beri virðingu fyrir því sem ég er að
gera. Ég þarf á þeim að halda, ég
vona að þær sjái það, ég get ekki gert
þetta ein. En þær hlakka alltaf til að
koma á kóræfingar, enda eru æfing-
arnar líkt og jóga- og gleðistund eftir
strangan vinnudag. Þarna eru konur
af öllum stéttum og sumar koma úr
erfiðri vinnu, til dæmis hjúkrunar-
fræðingar á gjörgæslu. Ein kona í
kórnum sagði við mig að það væri
alltaf jafn mikil ró, gleði og þakklæti
sem kæmi upp í huga hennar á æfing-
um, en hún hefur verið að syngja hjá
mér í tuttugu ár. Konur hafa tekið sér
frí í 10 ár og komið aftur. Mér þykir
vænt um það.“
Sigga segir að það að syngja
saman með öðrum losi um vellíð-
unarhormónið endorfín og hægi á
hjartslætti.
„Auk þess er þetta mikil æfing í
mannlegum samskiptum, konur
kynnast og læra hver á aðra, þær
mætast allar á jafnréttisgrundvelli í
söngnum. Og þær fá að ferðast
saman. Ég kynntist bestu vinkonum
mínum í kór sem við byrjuðum í þeg-
ar við vorum fimm ára. Ég fylgist
með fullt af vinahópum sem hafa
myndast í kór,“ segir Sigga.
Ætla að hita upp fyrir páfa
Margrét stofnaði skólann
Domus Vox fyrir fimmtán árum.
„Domus Vox er sönghús sem við
eigum saman, ég og konurnar í kór-
unum, því þær eiga hlut í húsinu.
Kannski er þetta fyrsta sönghús í
heiminum sem er eingöngu í eigu
kvenna. Það skiptir máli að eiga söng-
heimili, það heldur utan um allt, nót-
urnar, hljóðfærin, konurnar og sög-
una. Sönghúsið okkar inniheldur átta
kóra og skóla sem starfar samkvæmt
námsskrá upp í fimmta stig. Eitt af
því sem einkennir húsið er að við tök-
um á móti erlendum kórum. Í skól-
anum getur fólk bæði komið í einka-
tíma og skráð sig í kórskóla. Við
verðum með kórskóla fyrir konur á
aldrinum 25 ára til 40 ára eftir ára-
mót, þar sem þær læra tónfræði og
raddþjálfun. Á nýju ári stendur einn-
ig til að taka inn stráka og draumur-
inn er að búa til drengjakór, Domus
drengi.“
Fleira spennandi er fram undan
á nýju ári, því næsta sumar fara
hundrað konur úr 200 kvenna hópn-
um til Rómar og munu syngja í
messu í Vatíkaninu.
„Það verður 19. júní, á sjálfan
kvennadaginn. Það er vel við hæfi að
syngja á þeim degi í þessu karlaveldi.
Mér er sagt að við munum hita upp
fyrir páfann,“ segir Margrét og hlær.
Ungar Bjartar voru þær raddirnar sem komu frá ungu stúlkunum.
Mæðgur Mamma fylgist með dóttur sinni við stjórnvölinn og syngur með.
Morgunblaðið/Golli
Hátíð Stúlka gengur inn með kerti.
DAGLEGT LÍF 11
MORGUNBLAÐIÐ FIMMTUDAGUR 17. DESEMBER 2015
Fákafeni 9 | 108 Reykjavík | Sími 553 7060 | Opið mán.-fös. 11-20, lau. 11-18 og sun. 13-18
www.facebook.com/gaborserverslun
Skór og töskur
í miklu úrvali
Gæði & glæsileiki
byggða einn af öðrum. Á hverjum
degi á mbl.is verður hægt að sjá
myndband af jólasveini dagsins og
vísu um hann. Vísan um Kertasníki
fylgir hér með:
Kerti geta dimmu eytt
og Kertasníki kæta.
Gjafir sannar eru eins,
þær gefa líf og bæta.
Fæða, lyf og teppi hlý
gegn frosti veita skjól.
Svo fjölskyldur um allan heim
fái gleðileg jól.
Hvað eru sannar gjafir?
Sannar gjafir UNICEF eru lífs-
nauðsynleg hjálpargögn fyrir bág-
stödd börn, til dæmis bóluefni,
námsgögn og jarðhnetumauk og
næringarmjólk fyrir vannærð börn.
UNICEF sér til þess að gjöfin berist
til barna og fjölskyldna þeirra þar
sem þörfin er mest. Sannar gjafir
eru sérstaklega vinsælar um jólin,
bæði sem jólagjafir og jólakort.
Fólk notar gjafabréfið líka oft sem
merkmiða á jólagjafir og sem jóla-
kveðju til vina og vandamanna er-
lendis.
Fjölmargir hafa þegar lagt jóla-
sveinunum lið og það er mjög einfalt
að taka þátt og leggja sitt af mörk-
um. Fólk getur gert það með því að
hjálpa jólasveinunum að útvega
sannar gjafir (hjálpargögn fyrir börn í
neyð), og til þess er leiðin greið: Farið
inn á vefsíðuna www.sannargjafir.is
Gluggagægir Sá sprelligosi kemur hjálpargögnum til barna um þessi jól.