Morgunblaðið - 17.12.2015, Blaðsíða 38

38 MENNING
MORGUNBLAÐIÐ FIMMTUDAGUR 17. DESEMBER 2015
Orri Páll Ormarsson
orri@mbl.is
Út er komin bókin Kveðið í bjargi
sem fjallar um Hamrahlíðarkórana
tvo og stjórnanda þeirra, Þorgerði
Ingólfsdóttur. Í bókinni er brugðið
upp svipmynd af kórstarfinu gegn-
um tíðina og leggja kórfélagar,
fyrr og nú, orð í belg ásamt tón-
skáldum sem samið hafa verk fyr-
ir kórinn. Fjölmargir gamlir kór-
félagar komu að gerð bókarinnar
en útgefandi er Eyja – útgáfu-
félag. Fjöldi mynda prýðir bókina
og henni fylgir geislaplata með
dæmum um söng Hamrahlíðarkór-
anna gegnum tíðina.
Tónverk í brennidepli
Bókin hefst á viðtali Bergþóru
Ingólfsdóttur við Þorgerði en hún
stofnaði Kór Menntaskólans við
Hamrahlíð árið 1967 og Hamra-
hlíðarkórinn fimmtán árum síðar.
Hafa þeir allar götur síðan verið
miðlægir í kórmenningu þjóðar-
innar. Í viðtalinu rekur Þorgerður
aðdragandann að því að hún tók
að sér að stofna kór í hinum nýja
menntaskóla og ræðir um ýmsar
hliðar þess að vinna að tónsköpun
með ungu fólki.
Að sögn Svanhildar Óskars-
dóttur handritafræðings, sem rit-
stýrði texta bókarinnar, var
ákveðið að hafa tónverk sem sam-
in hafa verið sérstaklega fyrir
kórana í brennidepli í bókinni en
Þorgerði barst fyrsta verkið strax
árið 1970. Það var Tröllaslagur
eftir Þorkel Sigurbjörnsson sem
tónskáldið tileinkaði „hálftröllum“
í Menntaskólanum við Hamrahlíð.
Glíman verður gefandi
„Tónskáldin segja frá tilurð
verka sinna og því efni er teflt á
móti frásögnum söngvara sem
voru í kórunum á þeim tíma þegar
þau voru frumflutt. Það er oft
áhugavert þegar nútímaleg tón-
verk mæta ungum kórsöngvurum.
Þeir ná ef til vill engu sambandi
við verkin í byrjun en síðan opn-
ast einhverjar gáttir og glíman
verður gefandi,“ segir Svanhildur.
Sum af tónskáldunum hafa líka
verið í kórunum, svo sem Mist
Þorkelsdóttir og Haukur Tóm-
asson.
Þess má geta að ljósmyndir af
handritum tónskálda að verkunum
er að finna í bókinni, auk tæmandi
lista yfir öll tónverk sem samin
hafa verið fyrir Hamrahlíðarkór-
ana.
„Framlag Þorgerðar til ís-
lenskrar kórmenningar er auðvit-
að ómetanlegt og þá munar ekki
minnst um alla þessa nýsköpun
sem hún hefur átt frumkvæði að,“
segir Svanhildur.
Sagan líka sögð í myndum
Í þriðja lagi er í bókinni grein
eftir Árna Heimi Ingólfsson tón-
listarfræðing, þar sem hann leitast
við að fanga hvað hefur einkennt
Hamrahlíðarkórana gegnum tíðina
og gert þá svo einstaka í íslensku
tónlistarlífi.
Ritstjórar myndefnis eru Áslaug
Thorlacius og Helga Gerður
Magnúsdóttir sem einnig hannaði
útlit bókarinnar. Að sögn Svan-
hildar er mikill fengur í því efni.
„Það er ekki síður gaman að rifja
þessa merkilegu sögu upp í mynd-
um enda af nægu að taka, ótrú-
lega margt fólk komið við sögu og
kórarnir víða farið,“ segir Svan-
hildur sem sjálf var í fjórtán ár í
kórunum.
Hún segir gerð bókarinnar hafa
verið afar ánægjulega enda hafi
allir lagst á eitt til að gera hana
sem besta og veglegasta. Fólk
víða að úr samfélaginu sem á það
sameiginlegt að hafa fengið sitt
tónlistaruppeldi hjá Þorgerði Ing-
ólfsdóttur.
Ómetanleg nýsköpun
 Ný bók um Hamrahlíðarkórana tvo og stjórnanda þeirra frá upphafi, Þorgerði Ingólfsdóttur
Morgunblaðið/Golli
Farsæl Þorgerður Ingólfsdóttir ásamt Hamrahlíðarkórnum á æfingu. Í bókinni ræðir hún um ýmsar hliðar þess að vinna að tónsköpun með ungu fólki.
Morgunblaðið/Ómar
Ritstjóri Svanhildur Óskarsdóttir segir verkefnið hafa verið ánægjulegt.
Hljómsveitin Swing kompaníið
með Gretu Salóme, söngvara og
fiðluleikara, í fararbroddi hélt í
jólatónleikaferð um landið í gær og
í kvöld kl. 20.30 heldur hún tón-
leika í Akureyrarkirkju. Á þeim
verða Þórhildur Örvarsdóttir,
Magni Ásgeirsson, Barnakór
Akureyrarkirkju og Kirkjukór
Akureyrarkirkju sérstakir gestir.
Á mánudag og þriðjudag, 21. og
22. desember, heldur hljómsveitin
svo tónleika á Rósenberg í Reykja-
vík kl. 21.
Tónleikaförin ber yfirskriftina
Jólafönn og segir í tilkynningu að
eitthvað verði á boðstólum fyrir
alla, einstaklega skemmtilegar og
hressandi útsetningar á jólalögum
í bland við hátíðleika skapi ein-
stakan viðburð.
Hljómsveitina skipa, auk Gretu,
Unnur Birna Björnsdóttir fiðlu-
leikari og söngkona, Lilja Björk
Runólfsdóttir söngkona, Gunnar
Hilmarsson gítarleikari, Leifur
Gunnarsson bassaleikari og Óskar
Þormarsson trommuleikari.
Miðasala á tónleikana fer fram á
Tix.is.
Í jólaskapi Swing kompaníið heldur tónleika á Akureyri og í Reykjavík.
Jólafönn í Akureyrar-
kirkju og á Rósenberg
www.smyrilline.is
Stangarhyl 1 · 110 Reykjavík
Sími: 570-8600 · info@smyril-line.is
Fjarðargötu 8 · 710 Seyðisfjörður
Sími: 472-1111 · austfar@smyril-line.is
Norræna siglir
í allan vetur
Bókaðu
núna!
Norræna siglir vikulega yfir vetrartímann frá Seyðisfirði til Færeyja og
Danmerkur. Hægt er að bóka ferðir í allan vetur á frábæru verði.
Þeim sem bóka sig er sérstalega bent á að kynna sér vel aukaskilmála vegna vetrarsiglinga.
Færeyjar
2 fullorðnir með fólksbíl
Netverð
á mann frá 34.500
Danmörk
2 fullorðnir með fólksbíl
Netverð
á mann frá 74.500