Morgunblaðið - 13.01.2016, Qupperneq 2

2 FRÉTTIRInnlent
MORGUNBLAÐIÐ MIÐVIKUDAGUR 13. JANÚAR 2016
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson ritstjorn@mbl.is Viðskipti Sigurður Nordal vidskipti@mbl.is Menning Einar Falur Ingólfsson menning@mbl.is
Íþróttir Víðir Sigurðsson sport@mbl.is mbl.is Sunna Ósk Logadóttir netfrett@mbl.is Smartland Marta María Jónasdóttir smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
„Það er ótrúlegt að þetta sé að gerast. Við viljum
þakka allri þjóðinni á Íslandi fyrir alla hjálpina,“
sögðu Kastrijot og Xhulia Pepoj fyrir hönd albönsku
fjölskyldnanna sem komu til landsins í gær eftir að
hafa hlotið ríkisborgararétt fyrir stuttu.
Þeim var vísað úr landi í desember síðastliðnum
en sonur hjónanna, Kevi, á við langvinn veikindi að
stríða og var talið brýnt að hann hefði aðgengi að
heilbrigðisþjónustu hér á landi. Það var því tilfinn-
ingaþrungin stund þegar þau gengu loks inn í mót-
tökusal Leifsstöðvar, alkomin til Íslands með ríkis-
borgararétt fyrir sig og börnin sín. „Þetta er
ólýsanleg tilfinning, eins og draumur og við náum
ekki að vakna aftur,“ sagði Xhulia með bros á vör.
Sögðu þau Kevi hafa það gott þrátt fyrir veikindi
sín og hann væri aðallega spenntur að komast aftur
á leikskólann og hitta vini sína á ný. „Það mun verða
gaman og alveg yndislegt.“
Fjölskyldurnar munu hafast við á hótelum í Kefla-
vík og Reykjavík fyrst um sinn þar til íbúðir þeirra
verða tilbúnar, en fjölskylda Kevis verður búsett í
miðbæ Reykjavíkur, nálægt spítalanum.
„Hann bjargaði lífi sonar míns“
Hermann Ragnarsson múrarameistari, sem hefur
verið fjölskyldunni innan handar frá upphafi, var að
vonum ánægður að fá þau heim. „Þetta er hálfgert
spennufall að vera búinn að þessu. En ég hefði aldrei
getað gert þetta án þessa stuðnings,“ sagði hann
glaður í Leifsstöð í gær.
Stuðningurinn kom fjölskyldunum einnig í opna
skjöldu. „Við bjuggumst alls ekki við svona miklum
stuðningi. Ólýsanleg tilfinning og það sem Hermann
gerði fyrir mig er eitthvað sem ég myndi aldrei bú-
ast við – hann bjargaði lífi sonar míns,“ sagði Kastri-
jot sem faðmaði Hermann innilega við komuna.
laufey@mbl.is
Morgunblaðið/Styrmir Kári
Mikill léttir Albönsku fjölskyldurnar gengu glaðbeittar inn í landið aftur, en nú sem íslenskir ríkisborgarar.
„Eins og draumur“
 Albönsku fjölskyldurnar komnar aftur til Íslands
Í höfn Kevi, þriggja ára gamli albanski drengurinn
sem vann hjörtu Íslendinga, er kominn aftur heim.
Helgi Bjarnason
helgi@mbl.is
Tap Íslendinga vegna innflutnings-
banns Rússa er á bilinu 2 til 18 millj-
arðar, samkvæmt forsendum sem
gefnir eru í skýrslu Reykjavík
Economics um efnahagsleg áhrif
bannsins. Niðurstaðan fer eftir
tímalengd banns, vexti útflutnings
og áætlaðri hlutdeild rússneska
markaðarins. Þessu til viðbótar tap-
ast mikil verðmæti vegna þess að
stærri hluti uppsjávarfisks fer í
bræðslu í stað manneldisvinnslu. Í
skýrslunni er það áætlað 11 millj-
arðar í makrílvinnslu og 2 til 2,5
milljarða í loðnuvinnslu á ári. Þá
kemur fram að ef Rússar semja ekki
við Íslendinga um áframhaldandi
veiðiheimildir í Smugunni bætist við
tap sjávarútvegsins og þjóðarbús-
ins. Fiskveiðiréttindin eru metin á 2
milljarða.
Skýrslan var gerð fyrir samráðs-
hóp stjórnvalda og hagsmunasam-
taka á Rússlandsmarkaði. Hún var
kynnt á fundi ríkisstjórnar í gær.
Engar tillögur komu fram um að
hætta stuðningi við þvingunarað-
gerðir gagnvart Rússlandi vegna
deilunnar um Krímskaga og austur-
hluta Úkraínu. Má því öruggt telja
að gagnaðgerðir Rússa sem felast í
innflutningsbanni haldi áfram.
„Ég hef haft efasemdir um að við-
skiptaþvinganir út af fyrir sig séu
gott tæki til að leysa deilur. Þær
hafa áhrif á almenning en minni á
stjórnvöld. Ég hef aldrei sagt að við
ættum ekki að vera í samfloti ann-
arra vestrænna þjóða um þessar að-
gerðir. Nú er verkefnið að vinna úr
þeirri stöðu sem er uppi,“ sagði Sig-
urður Ingi Jóhannsson sjávarút-
vegsráðherra eftir fundinn.
Staðfestir mikil áhrif
Sigurður Ingi segir mikilvægt að
nú liggi fyrir upplýsingar um heild-
artjón landsins vegna innflutnings-
banns Rússa og vísaði jafnframt til
þess að áður hefðu komið fram upp-
lýsingar um áhrif bannsins á einstök
byggðarlög og starfsfólk. Vinnan á
næstunni felist í því að athuga
hvernig eðlilegast sé að koma til
móts við þau byggðarlög sem verst
verða úti vegna bannsins, með ein-
hverskonar mótvægisaðgerðum.
Nefnir hann sérstaklega Vopnafjörð
og Djúpavog.
„Við lögðum áherslu á að það yrði
farið í að greina hagsmuni Íslands.
Niðurstaðan staðfestir það sem við
höfum verið að segja, að tjónið sé
verulegt,“ segir Kolbeinn Árnason,
framkvæmdastjóri Samtaka fyrir-
tækja í sjávarútvegi, SFS. Samtökin
hafa talið árlegt tjón á bilinu 6-12
milljarða króna. Það segir Kolbeinn
vissulega háð margvíslegri óvissu,
svo sem um komandi loðnuvertíð.
Því til viðbótar kunni Smugusamn-
ingar við Rússa að vera í uppnámi.
Nú liggur það fyrir að afstöðu Ís-
lands verður ekki breytt. „Við get-
um ekki annað en unað því og unnið
úr stöðunni,“ segir Kolbeinn. Hann
nefnir að fyrirtækin hafi verið að
afla sér nýrra markaða og muni ef-
laust halda því áfram.
Í tilkynning um hagsmunamat ut-
anríkisráðuneytisins vegna þátttöku
í aðgerðum gegn Rússum segir að
þótt óvissa ríki um áhrif innflutn-
ingsbanns Rússlands sé full ástæða
til að ætla að íslensk sjávarútvegs-
fyrirtæki, sem sýnt hafi mikla aðlög-
unarhæfni og sveigjanleika í mark-
aðsstarfi, muni finna nýja markaði
fyrir þær vörur sem hafi til þessa
verið seldar til Rússlands. Margt
bendi til þess að fyrirtækin hafi nú
þegar náð að laga sig að breyttum
aðstæðum.
Hugað að mótvægisaðgerðum
 Engin breyting á þátttöku Íslands í þvingunaraðgerðum gegn Rússlandi  Áhrif innflutningsbanns
metin á allt að 18 milljarða  Verðmæti tapast að auki vegna aukinnar bræðslu og minni fiskveiðiréttinda
Sigurður Ingi
Jóhannsson
Kolbeinn
Árnason
2
milljarðar eru lágmarkstap
Íslands af innflutningsbanni, miðað
við gefnar forsendur. Er þá miðað
við að Rússlandsmarkaður sé 10%,
útflutningur vaxi um 1% á tíma-
bilinu og bannið vari í eitt ár.
18,2
milljarðar tapast ef miðað er
við bann í þrjú ár, að hlutdeild
Rússlandsmarkaðar sé 30% og
útflutningurinn vaxi um 3%
á tímabilinu.
‹ ÁHRIF BANNS ›
»
„Já, heldur betur. Þar með lýkur
löngum og á köflum leiðinlegum
kafla í uppgjöri við fall bankanna,“
sagði Bjarni
Benediktsson,
fjármálaráð-
herra, í samtali
við mbl.is í gær,
aðspurður hvort
hann væri
ánægður með
lokauppgjör Ice-
save-kröfunnar,
sem fór fram í
gær. Seðlabank-
inn veitti í gær
slitabúi gamla Landsbankans
undanþágu frá gjaldeyrishöftum og í
kjölfarið voru allar eftirstæðar sam-
þykktar forgangskröfur gerðar upp
að upphæð samtals 20 milljarðar
króna. Þær mátti að mestu leyti
rekja til innistæðna sem Landsbanki
Íslands safnaði í útibúum sínum
undir vörumerkinu Icesave.
„Það sýndi sig að það þurfti inn-
grip stjórnvalda á síðasta ári,“ sagði
Bjarni og vísar til þess að slitabúun-
um voru settir afarkostir í sumar
þegar leiðirnar tvær að uppgjöri
voru kynntar. „Það var rétt mat og
nú er niðurstaðan fengin,“ segir
hann. „Öll fjármálafyrirtækin fóru
leið nauðasamninga og stöðugleika-
framlags og það hefur gerst á þeim
tíma sem við vonuðumst til.“
Lokin á löngum og
leiðinlegum kafla
 Icesave-kröfurnar greiddar að fullu
Morgunblaðið/Ómar
Búið Slitabú gamla Landsbankans
hefur gert upp Icesave að fullu.Bjarni
Benediktsson