Morgunblaðið - 13.01.2016, Síða 17

FRÉTTIR 17Erlent
MORGUNBLAÐIÐ MIÐVIKUDAGUR 13. JANÚAR 2016
Þessi fimm ára gamli drengur er einn þeirra fjöl-
mörgu flóttamanna sem nú hafast við í flótta-
mannabúðum nærri borginni Grande-Synthe í
norðurhluta Frakklands. Ástand þar er sagt
„ómannúðlegt“ af hjálparsamtökum og stendur
til að færa búðirnar og bæta um leið allan aðbún-
að, en þar eru nú, samkvæmt AFP, um 3.000
flóttamenn og hælisleitendur úr röðum Kúrda
frá Írak og Sýrlandi. khj@mbl.is
Ómannúðlegar flóttamannabúðir í Frakklandi
AFP
Kristján H. Johannessen
khj@mbl.is
„Alþjóðleg hryðjuverk hafa enn á ný
sýnt sitt miskunnarlausa og ómann-
eskjulega andlit. Og auk sorgarinn-
ar, sem við öll finnum fyrir nú, sýna
þau hve mikilvægt það er að taka á
hryðjuverkum af festu,“ sagði Ang-
ela Merkel, kanslari Þýskalands, er
hún ræddi við þarlenda fjölmiðla um
hryðjuverkaárás sem framin var í
Istanbúl í Tyrklandi í gær.
Alls létust 10 manns, þar af níu
Þjóðverjar, þegar sjálfsvígs-
sprengjumaður úr röðum Ríkis ísl-
ams sprengdi sig í loft upp í Sult-
anahmet-hverfi í miðborg Istanbúl,
en um er að ræða vinsælan viðkomu-
stað erlendra ferðamanna. Auk
hinna látnu voru 15 fluttir særðir á
sjúkrahús.
Líkamspartar um allt torg
Fréttaveita AFP greinir frá því að
sprengingin hafi verið afar öflug og
urðu íbúar borgarinnar því margir
hverjir varir við mikinn hávaða sök-
um hennar. Í kjölfar ódæðisins mátti
sjá illa farin lík og líkamsparta á víð
og dreif um torgið í Sultanahmet-
hverfi sem skömmu áður var þétt-
setið erlendu ferðafólki.
„Sprengingin var svo hávær – öll
jörðin skalf. Svo kom mjög þung lykt
sem brenndi vit mín,“ hefur AFP eft-
ir þýskum ferðamanni sem var nærri
torginu þegar árásin var gerð. „Ég
hljóp í burtu ásamt dóttur minni. Við
fórum inn í nærliggjandi byggingu
og vorum þar í um hálfa klukku-
stund. Þetta var virkilega skelfilegt.“
Tyrkneskur karlmaður segist í
samtali við AFP hafa séð eldhnött er
vígamaðurinn lét til skarar skríða.
„Ég heyrði mjög háværa sprengingu
og svo byrjuðu öskrin,“ sagði hann
og hélt áfram: „Þá sá ég eldhnött og
hóf að hlaupa í burtu. Ég sá u.þ.b. tíu
særða og voru ferðamenn að hjálpa
einum þeirra. Ég er alveg handviss
um að þetta var sjálfsvígssprengja.“
Sýrlendingur fæddur árið 1988
Recep Tayyip Erdogan, forseti
Tyrklands, segir ódæðismanninn
vera „sjálfsvígssprengjumann sem
ættir á að rekja til Sýrlands“ og hef-
ur Ahmet Davutoglu forsætisráð-
herra staðfest við AFP að vígamað-
urinn komi úr röðum Ríkis íslams.
„Við höfum komist að því að sá
sem ábyrgð ber á þessari árás er út-
lendingur sem meðlimur er í Daesh,“
sagði ráðherrann og notar í máli sínu
arabískt heiti yfir hryðjuverkasam-
tökin illræmdu.
Þá hafa yfirvöld í Tyrklandi einnig
gefið út þær upplýsingar að ódæðis-
maðurinn sé fæddur árið 1988.
Ferðamenn drepnir í árás
 Níu þýskir ferðamenn féllu í sjálfsvígssprengjuárás í Tyrklandi  Mikilvægt að
taka á hryðjuverkum af festu, segir kanslari  Ríki íslams ber ábyrgð á ódæðinu
AFP
Hryllingur Rannsakendur standa við hlið þýsks karlmanns sem liggur látinn
eftir sjálfsvígssprengingu sem gerð var á vinsælum ferðamannastað í gær.
Ráðamenn í Norður-Kóreu segja
kjarnorkutilraunir sínar ekki vera
ögrun í garð annarra ríkja. Þar í
landi var nýverið sprengd öflug
sprengja, sem stjórnvöld í Pyong-
yang fullyrða að hafi verið vetn-
issprengja, á Punggye-ri-kjarn-
orkutilraunasvæðinu afskekkta.
„Tilraunin átti hvorki að „ógna“
neinum né „ögra“ í einhverjum
ákveðnum tilgangi,“ hefur frétta-
veita AFP eftir ríkisfréttastofunni
KCNA í Norður-Kóreu. Þess í stað
er því haldið fram að tilraunirnar
séu liður í því að tryggja sterka
stöðu landsins komi til árásar á það.
Samkvæmt KCNA eru Bandarík-
in nú helsti óvinur Norður-Kóreu
og geri hersveitir þeirra árás verð-
ur henni svarað af fullri hörku.
Eru, samkvæmt KCNA, vísinda-
menn Norður-Kóreu og aðrir sér-
fræðingar þar í landi „vel stemmdir
fyrir því að sprengja mörg hundruð
kílótonna vetnissprengjur sem sam-
stundis geta eytt öllu landsvæði
Bandaríkjanna“.
Sprengikraftur sprengjunnar
sem sprakk í síðustu viku var innan
við 10 kílótonn, en til samanburðar
má geta þess að þegar vetnis-
sprengja springur með góðum
árangri má búast við sprengikrafti
sem jafngildir um og yfir 100 kíló-
tonnum. khj@mbl.is
Stemmdir fyrir að sprengja
AFP
Pyongyang Kim Jong-Un, leiðtogi Norður-Kóreu, sést hér ávarpa starfs-
fólk ráðuneytis hermála þar í landi en KCNA birti myndina um helgina.
 N-Kóreumenn
segja tilraunir ekki
ögrun við önnur ríki
Tveir karlmenn sem hafa ríkisfang
í Jemen og voru fluttir nýverið frá
Guantanamo-fangelsinu á Kúbu til
Gana í Vestur-Afríku segjast fullir
tilhlökkunar að byggja upp líf sitt
að nýju. „Okkur var í 14 ár rang-
lega haldið föngnum og aldrei birt-
ar ákærur,“ hefur fréttaveita AFP
eftir öðrum mannanna, Mahmud
Umar Muhammad bin Atef. „Við
liðum þjáningar allan þennan tíma
en erum ekki í hefndarhug nú.“
Varnarmálaráðuneyti Bandaríkj-
anna tilkynnti flutning þeirra 6.
janúar síðastliðinn og sagði menn-
ina ekki hættulega samfélaginu.
Þeir verða hins vegar undir eftirliti
löggæslustofnana.
Koma mannanna til Gana hefur
vakið nokkur mótmæli þar í landi,
en þeir segja almenning ekki þurfa
að óttast. „Við viljum lifa eðlilegu
lífi. Megi Allah blessa ykkur og
þjóð Gana,“ er haft eftir Atef.
Alls hafa 17 fangar nýverið feng-
ið heimild til brottflutnings frá Gu-
antanamo. khj@mbl.is
FRÁ GUANTANAMO TIL GANA
Gæslufangar vilja
lifa friðsömu lífi
AFP
Ólga Fangelsinu á Kúbu er reglu-
lega mótmælt í Bandaríkjunum.
Kanadískur
ríkisborgari er
nú laus úr haldi
vígasveita talib-
ana í Afganistan,
en þar var hon-
um haldið föngn-
um í fimm ár.
Fréttaveita
AFP greinir frá
því að maðurinn, sem heitir Colin
Rutherford, hafi í febrúar árið 2011
sótt Afganistan heim sem ferða-
maður. Hafnaði Rutherford
skömmu síðar í haldi talibana sem
sökuðu hann um njósnir. Var mað-
urinn þá 26 ára gamall.
Utanríkisráðuneyti Kanada stað-
festir að búið sé að leysa Ruther-
ford úr haldi og að nú sé unnið að
því að koma honum aftur til síns
heima þar sem fjölskyldan bíður.
Þá greinir AFP einnig frá því, og
vitnar til yfirlýsingu frá talibönum,
að Rutherford hafi verið sleppt
vegna „mannúðarsjónarmiða“ án
þess þó að það sé útskýrt frekar.
khj@mbl.is
AFGANISTAN
Kanadamaður laus
úr klóm talibana