Morgunblaðið - 20.04.2016, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 20. APRÍL 2016
SVIÐSLJÓS
Björn Jóhann Björnsson
bjb@mbl.is
Áhyggjur íbúa Vesturbæjar Reykja-
víkur eru miklar og slysahætta er
veruleg á stærri götum. Stærstu göt-
urnar eru farartálmar og þar er mik-
il umferð og hraði. Nokkur gegnum-
keyrsla er um hverfið, sem væri
hægt að hægja á eða bægja frá.
Þetta er meðal niðurstaðna
skýrslu sem Íbúasamtök Vestur-
bæjar höfðu frumkvæði að því að
gera um umferðaröryggi í hverfinu.
Er hún unnin fyrir Reykjavíkurborg
með styrk úr Forvarnasjóði Reykja-
víkur og með frjálsum framlögum.
Skýrsluna unnu Birgir Þröstur
Jóhannsson arkitekt, sem jafnframt
er formaður íbúasamtakanna, og
Gunnar Haraldsson hagfræðingur.
Skýrslan var lögð fyrir stjórn
Faxaflóahafna á fundi 8. apríl sl. og
er birt þar í fundargerð á vefnum.
Hjálmar Sveinsson, formaður um-
hverfis- og skipulagsráðs, reiknar
með að skýrslan komi einnig til um-
fjöllunar þar.
Kristín Soffía Jónsdóttir,
stjórnarformaður Faxaflóahafna,
segir skýrsluna munu nýtast fyrir-
tækinu vel við undirbúning breyt-
inga á Grandagarði og hafnarsvæð-
inu. „Við viljum að umhverfi
hafnarinnar verði sem öruggast og
það er fínt að fá þetta innlegg,“ segir
Kristín. Fara þurfi vandlega í að
bæta umferðaröryggið á svæðinu án
þess að teppa aðgengi.
Milljarðakostnaður af slysum
Í skýrslunni er vakin athygli á hve
miklu tjóni umferðarslys geta valdið.
Beinn kostnaður vegna umferðar-
slysa hafi þannig verið um 10,5 millj-
arðar króna árið 2009 og óbeinn
kostnaður 12,6 milljarðar sama ár.
Meðfylgjandi kort er úr skýrslunni,
byggt á slysakorti Samgöngustofu af
Vesturbænum árin 2005-2014, þ.e.
slys á gangandi og hjólandi vegfar-
endum, sem Samgöngustofa flokkar
sem óvarða vegfarendur.
Af 30 alvarlegum slysum á tíma-
bilinu voru 25 slasaðra óvarðir veg-
farendur og þrír slasaðir í ökutæki,
þ.e. í 83% slysanna urðu gangandi og
hjólandi vegfarendur fyrir tjóni. Sex
af 41 alvarlegu slysi tengdust bifhjól-
um, sem skýrsluhöfundar segja hátt
hlutfall miðað við notkun og fjölda
bifhjóla. Langflest alvarlegu slysin
voru á stofnbrautum, eða 15 af 25. Á
Hringbraut voru sex alvarleg slys og
sjö alvarlega slasaðir óvarðir vegfar-
endur á Lækjargötu. Þetta beinir
sjónum að mikilvægi þess að bæta
öryggi yfir stærri stofnbrautir, segir
í skýrslunni.
Í tengslum við gerð skýrslunnar
var íbúum Vesturbæjar boðið að
koma með ábendingar um hættuleg
svæði í hverfinu. Komu þær ábend-
ingar gegnum Facebook-síðu Íbúa-
samtaka Vesturbæjar. Í skýrslunni
eru helstu ábendingar og athuga-
semdir dregnar saman, hátt í 50 tals-
ins. Þar er oftast bent á hættuleg
gatnamót, götur og hringtorg, mik-
inn umferðarhraða á nokkrum stöð-
um og skort á gönguljósum, gang-
brautum, hjólastígum,
hraðahindrunum og skiltum.
Af einstaka ábendingum íbúa má
nefna að Framnesvegi verði lokað
frá Hringbraut og torg útbúið, opnað
verði aftur fyrir vinstri beygju af
Meistaravöllum inn á Hringbraut og
göngubrú komi yfir Hringbraut við
Framnesveg.
Stórhættulegar stofnbrautir
Skýrsluhöfundar viðra áhyggjur
íbúa af stofnbrautum eins og Hring-
braut, Ánanaustum, Mýrargötu og
Geirsgötu. Þær séu stórhættulegar
eins og slysin sanni og þar vanti
gangbrautir og merkingar. Nauð-
synlegt sé fyrir íbúa að komast
hættulaust yfir þessar götur, t.d. til
að komast í skóla og þjónustu.
„Brýnt er að laga þetta sem fyrst
því mannslíf eru í hættu og hræðsla
við þessar götur heftar eðlilegar og
góðar samgöngur,“ segir m.a. í
skýrslunni.
Jafnframt eru nefndar fleiri götur
sem valdið hafa íbúum áhyggjum og
skapað óöryggi. Eru þetta Framnes-
vegur, Ægisgata, Bræðraborgar-
stígur, Vesturgata, Hofsvallagata,
Túngata, Nesvegur, Ægisíða, Kapla-
skjólsvegur og Grandavegur. Allt
tvístefnugötur en virka sem safngöt-
ur eða tengibrautir.
Veruleg slysahætta
 Umferðaröryggi ábótavant í Vesturbænum samkvæmt
skýrslu á vegum íbúasamtakanna  Mannslíf sögð í hættu
Slys á óvörðum vegfarendum
- í Vesturbænum 2005-2014
Heimild: Samgöngustofa Grunnkort/Loftmyndir ehf.
Alvarleg slys
(Slys með miklummeiðslum)
Slys með litlummeiðslum
Óhöpp án meiðsla á fólki
(eignatjón eingöngu)
Ábendingar íbúa
» Fá fleiri gangbrautir.
» Hringbraut stórhættuleg og
mikill farartálmi.
» Of mikill hraði á Mýrargötu
og þá sér í lagi stórra bíla.
» Vantar hraðahindranir á
Melhaga og framhald á hjóla-
stíg á Ægisíðu.
» Banna rútuumferð í íbúa-
götum.
» Áhyggjur af hjólreiðamönn-
um á gangstéttum.
Ágúst Ingi Jónsson
aij@mbl.is
Margvíslegan fróðleik er að finna á
Facebook-síðu Erlings Ólafssonar,
skordýrafræðings hjá Náttúrufræði-
stofnun, Heimi smádýranna. Margir
skoða síðuna og þar urðu nokkur tíð-
indi í fyrradag. „Ég setti inn færslu
um veggjalús á mánudaginn og á 20
klukkutímum höfðu yfir 13 þúsund
manns skoðað þetta. Þessi færsla er
mesti „hittarinn“ minn frá upphafi,“
segir Erling.
Í pistlinum segir Erling frá því
að hann hafi séð aumur á svangri og
blóðþyrstri veggjalús sem hann seg-
ist nú halda sem gæludýr á skrif-
borði sínu. „Hún lét ekki bjóða sér
sopann tvisvar. Þegar henni var
sleppt lausri á handarbak, stakk hún
nær samstundis og byrjaði að sjúga,
enda hafði hún soltið lengi … Þetta
borðhald tók greyið aðeins um tvær
mínútur. Bon appetit!“ skrifar Er-
ling.
Hann segist áður mest hafa
fengið rúmlega 11 þúsund áhorf, en
þá skrifaði hann um randasveifu.
„Það er fluga sem varð mjög áber-
andi í fyrrasumar, sem aldrei fyrr,
og var eiginlega fluga sumarsins.
Þetta er mjög falleg, íslensk fluga,
sem svipar í litum til geitunga. Ég
hafði aldrei fengið annað eins af til-
kynningum og um þessa flugu og
setti því inn pistil um hana á Fés-
bókarsíðuna sem rauk upp í athygli.
Það var þó ekkert í líkingu við at-
hyglina sem veggjalúsin fékk eða
um 700 manns strax á fyrstu 10 mín-
útunum og þetta er enn að tikka
inn.“
Margir tjá sig um veggjalúsina
og borðhaldið á handarbaki Erlings.
Einn segir eins gott að Erling haldi
ekki ljón sem húsdýr!
Lagði út gildrur
fyrir moskítóflugur
Sérstakar gildrur fyrir
moskítóflugur voru lagðar út á
nokkrum stöðum hérlendis síðasta
sumar. Niðurstöður hafa ekki borist
úr þessum rannsóknum, en ekki er
kunnugt um að móskítóflugur hafi
komið í leitirnar, að því er segir í
ársskýrslu Náttúrufræðistofnunar
fyrir síðasta ár.
Erindi fransks sérfræðings,
Francis Schäffner, hingað til lands
síðasta sumar var fyrst og fremst að
leggja út svokallaðar klakgildrur
fyrir moskítóflugur en tilvist þeirra
hefur aldrei verið sannreynd hér á
landi. Hann hafði samvinnu við sér-
fræðinga Náttúrufræðistofnunar Ís-
lands í þessu verkefni. Schäffner
ferðaðist víða um land í nokkrar vik-
ur og lagði út gildrur sínar, meðal
annars við flugvelli, en helst er talið
að moskítóflugur gætu borist til
landsins með flugvélum, segir í árs-
skýrslu NÍ.
Þar er einnig rifjað upp að í lok
júní kom upp óvenjulegt ástand á
suðvestanverðu landinu þegar
kvartanir undan illvígum bitvargi
tóku að berast til Náttúrufræði-
stofnunar Íslands. Í ljós kom að þar
var á ferð tegund lúsmýs sem eftir
langa mæðu tókst að greina sem teg-
und af ættkvíslinni Culicoides. Sá
sem rak endahnútinn á það ferli var
fyrrnefndur Francis Schäffner.
Veggjalúsin sló
fyrra lestrarmet
randasveifunnar
 „Mesti „hittarinn“ minn frá upphafi“
Ljósmyndir/Erling Ólafsson
Fyrir Svöng og blóðþyrst veggja-
lúsin við upphaf máltíðar.
Eftir Meltingarvegurinn að fyll-
ast af blóði skordýrafræðingsins.
HEKLA · Laugavegi 170-174 · Reykjavík · sími 590 5000 · hekla.is · umboðsmenn um land allt:
Höldur Akureyri · Bílasala Selfoss · Bílás Akranesi · HEKLA Reykjanesbæ · Heklusalurinn Ísafirði
www.volkswagen.is
Við kynnum til leiks fjórðu kynslóð af vinsælasta atvinnubíl
á Íslandi undanfarin ár. Enn meiri staðalbúnaður, aukið
öryggi og öflugri vélar eru aðeins nokkur atriði sem gera
hinn nýja Caddy svo aðlaðandi. Nú kemur Caddy líka í
fimm og sjö manna fjölskylduútfærslu með nálgunarvara
og loftpúðum fyrir ökumanns- og farþegarými.
Nýr Volkswagen Caddy
kostar frá
2.670.000 kr.
(2.135.226 kr. án vsk)
Góður vinnufélagi
www.volkswagen.is
AtvinnubílarHEKLA býður gott úrval atvinnubíla og góða þjónustu.
Nýr Volkswagen Caddy