Morgunblaðið - 10.05.2016, Blaðsíða 30

30 MENNING
MORGUNBLAÐIÐ ÞRIÐJUDAGUR 10. MAÍ 2016
Þvottadagar
fyrir heimilin í lan
dinu 25%
ÞVOTTAVÉLAR - ÞURRKARAR - UPPÞVOTTAVÉLAR
LÁGMÚLA 8 · SÍMI 530 2800UMBOÐSMENN UM ALLT LAND
Laufey Rún Ketilsdóttir
laufey@mbl.is
„Ég er mjög vel stemmd, hlakka
mikið til að fara upp á svið og flytja
þetta listaverk og koma boðskapn-
um til margra í einu – þetta eru al-
gjör forréttindi,“ segir Greta Sal-
óme Stefánsdóttir, flytjandi íslenska
framlagsins til Eurovision-
söngvakeppninnar sem fram fer í
Stokkhólmi þessa vikuna. Hún stíg-
ur á svið í kvöld með lagið „Hear
them calling“ í fyrri undankeppninni
þar sem aðeins 10 lög komast áfram
í aðalkeppnina sem fram fer laugar-
dagskvöldið 14. maí. Miðað við nú-
verandi spár verður Ísland 5. eða 6.
landið inn úr sínum riðli.
Greta segir viðbrögðin við laginu
og atriðinu hafa verið mjög góð en
aðrir keppendur hafa haft orð á því
við hana að samspilið milli dansins
og vídeóverksins sé öðruvísi. Sam-
keppnin er þó afar hörð þetta árið
og fyrri undankeppnin talin erfiðari
en sú seinni, sem fram fer á fimmtu-
dagskvöld. „En ég vil ekki líta á
þetta sem samkeppni, við erum öll
hérna til þess að koma fram og von-
andi gleðja áheyrendur og þar skipt-
ir samkeppnin engu máli.“
Lán í óláni
Æfingarnar ganga mjög vel en
eins og áður hefur komið fram var
fyrsta æfingin Gretu erfið. „Það var
þó lán í óláni að við þurftum að
breyta um sviðsetningu því við erum
í skýjum með það hvernig önnur æf-
ingin gekk,“ segir hún létt í bragði.
Þá fannst henni ekki erfitt að
flytja atriðið á stóra sviðinu í Eric-
son Globe-höllinni í fyrsta sinn þar
sem lítið hafi breyst frá því hún
flutti lagið á Íslandi. „Mínar hreyf-
ingar hafa ekkert breyst en það sem
hefur verið erfitt er að stemma allt
hitt sem ég er að gera, til dæmis
staðsetninguna á skjánum hjá þeim
og gólfgrafíkina – en mín rútína
breytist aldrei,“ bætir hún við.
Búin að ná markmiðinu
Það sem skiptir Gretu mestu máli
er að boðskapur lagsins „Hear them
calling“ komist til skila til þeirra er
á hlýða, þ.e. að hlusta ekki á nei-
kvæðu raddirnar sem eru allt um-
lykjandi, sérstaklega á samfélags-
miðlum. Einblína frekar á það
jákvæða.
Aðspurð segir hún boðskapinn
hafa skilað sér miklu betur en hún
hafi þorað að vona. „Það hefur verið
magnað að hitta fólk alls staðar að
sem kemur til mín og deilir með mér
sinni persónulegri reynslu af bæði
jákvæðum og neikvæðum röddum,“
segir hún en sænsk samtök Speak
up! sem vinna gegn einelti og nei-
kvæðni þar í landi hafa gert hana að
opinberum stuðningsaðila þeirra.
„Þar fyrir utan fæ ég endalaust af
skilaboðum á hverjum degi á facebo-
ok þar sem fólk talar um þennan
boðskap og mikilvægi hans. Þannig
að mér finnst við hafa náð því mark-
miði að gera það sem við ætluðum
okkur.“
„Þetta eru algjör forréttindi“
 Greta Salóme
syngur í fyrri
undankeppni
Eurovision í kvöld
Ljósmynd/Thomas Hanses/EBU
Hátíðarstemning Greta Salóme mun flytja lagið „Hear them calling“ fyrir hönd Íslands í fyrri undankeppni Eurovision í kvöld. „Ég vil segja, njótið kvölds-
ins, verum jákvæð, ekki síst í garð annarra keppenda og sýnum hvert öðru virðingu. Þetta er hátíð okkar allra!“ segir hún að lokum við alla landsmenn.
AFP
Stóra sviðið Eurovision-keppnin fer að þessu sinni fram í Ericson Globe-
höllinni í Stokkhólmi. Greta er vel stemmd fyrir kvöldið og hlakkar til.
Í fyrri undankeppninni taka átján
Evrópulönd þátt og freista þess að
njóta hylli Evrópubúa og hljóta
brautargengi inn í aðalkeppnina
sem fram fer næstkomandi laug-
ardagskvöld, 14. maí.
Aðeins tíu lönd komast áfram og
hafa veðbankar þegar hafist handa
við að setja fram spár um keppn-
ina. Eftir að æfingar hófust hjá
keppendunum hafa þessar spár þó
breyst snarlega, enda tvennt ólíkt
að flytja lag í hljóðveri eða í beinni
fyrir framan milljónir manna.
Fyrst á svið í kvöld er Finnland
og því næst koma Grikkland, Mol-
davía, Ungverjaland, Króatía, Hol-
land, Armenía, San Marino, Rúss-
land, Tjékkland, Kýpur, Austurríki,
Eistland, Azerbaijan, Montenegro,
Ísland, Bosnía Hersegovína og síð-
ast en ekki síst, Malta.
Íslenski hópurinn, með Gretu
Salóme í fararbroddi, er með sex-
tánda lag á svið í kvöld.
Timberlake treður upp
Þeir sem sækja keppnina, bæði
áhorfendur og keppendur, munu
þó geta skemmt sér konunglega á
lokakvöldi keppninnar á laugardag
óháð gengi sínu í undankeppn-
unum því söngvarinn Justin Tim-
berlake, mun troða upp af sinni al-
kunnu snilli.
Þetta kemur fram á heimasíðu
Söngvakeppninnar þar sem segir
að hann muni flytja sitt nýjasta
lag „Can’t stop the feeling!“ sem
er úr smiðju sænskra lagahöf-
unda.
Keppnin verður einnig send út í
fyrsta skipti í Bandaríkjunum
þetta árið.
18 taka þátt en 10 fara áfram
LOKAKVÖLDIÐ EFTIRSÓTTA Í AUGSÝN