Náttúrufræðingurinn - 2015, Síða 48

Náttúrufræðingurinn
140
Margir kannast við veggspjaldið Flóru
Íslands sem Hið íslenska náttúrufræðifélag
gaf út árið 1985, í formannstíð Ágústs H.
Bjarnasonar, grasafræðings, og byggt var á
stórri vatnslitamynd Eggerts Péturssonar.
Veggspjaldið er nú komið út á ný, í fjórða sinn,
enda fyrri útgáfur löngu uppseldar.
Í tilefni af því að 30 áru eru liðin frá
útgáfu veggspjaldsins hafði Náttúruminjasafn
Íslands forgöngu að því að endurútgefa
það en frummynd Eggerts Péturssonar er
í vörslu safnsins og er eign Hins íslenska
náttúrufræðifélags. Það er nú til sýnis sem
einn safngripa sýningarinnar „Sjónarhorn“
í Safnahúsinu við Hverfisgötu en Náttúru-
minjasafnið tekur þátt í sýningunni.
Veggspjaldið prýða 63 tegundir af íslenskum
háplöntum sem lætur nærri að vera um 15% af
öllum tegundum villtra háplantna sem vaxa á
Íslandi. Tegundunum á myndfleti Flóru Íslands
er skipt í fjóra hópa með hliðsjón af því við
hvaða skilyrði þær lifa: 1) Holta- og melagróður
(14 tegundir), 2) móa- og graslendisgróður
(27 tegundir), 3) votlendisgróður (9 tegundir)
og 4) blómlendisgróður (12 tegundir). Á
veggpjaldinu eru heiti plantnanna á íslensku,
ensku og latínu.
Val á tegundum og uppröðun á mynd-
flötinn var ákveðin í samvinnu þeirra Eggerts
og Ágústs. Seinna unnu þeir saman að bókinni
Íslensk flóra með litmyndum sem fyrst kom út árið
1983. Sögu spjaldsins má lesa á slóðinni www.ahb.
is/floruveggmynd-hins-islenska-natturufraedifelags/
Nýja veggspjaldið, sem er 70 x 50 cm að stærð,
er selt í verslunum Eymundssonar, Bókabúð
Máls og menningar og Minju og kostar 2.999 kr.
CRYMOGEA/FOLDA annaðist prent-
hönnun verksins og sá um útgáfuna fyrir
Náttúruminjasafnið og Hið íslenska náttúru-
fræðifélag. Hægt er að panta vegg spjaldið
og fá það sent heim með því að senda póst á
netfangið: crymogea@crymogea.is
Eggert Pétursson listmálari við mynd sína frá 1985, Flóra Íslands. Ljósm. Álfheiður Ingadóttir.
Hátíðarútgáfa af veggspjaldi Eggerts Péturssonar
Flóra Íslands
NFr_3-4 2015_final.indd 140 30.11.2015 16:34