Morgunblaðið - 17.08.2016, Blaðsíða 10

10 FRÉTTIRInnlent
MORGUNBLAÐIÐ MIÐVIKUDAGUR 17. ÁGÚST 2016
BJÖRGUNARVÖRUR
Hafðu samband og kynntu þér
vöruúrvalið og þjónustuna
Gott úrval af björgunarvörum á lager
BJÖRGUNARBÁTAR
BJARGHRINGIR
FLUGELDAR
FLOTBÚNINGAR
BJÖRGUNARVESTI
Helgi Bjarnason
helgi@mbl.is
„Þetta er hluti af gæðakerfi okkar
og ég tel að koma bátsins sé lýsandi
dæmi um það hversu mikil fag-
mennska og metnaður er orðinn í ís-
lensku fiskeldi,“ segir Víkingur
Gunnarsson, framkvæmdastjóri hjá
Arnarlaxi hf. á Bíldudal. Fyrirtækið
hefur leigt til landsins 24 metra
langan vinnubát frá Noregi til að
vinna að fyrirbyggjandi viðhaldi og
tryggja festingar sjókvía fyrir vet-
urinn. Báturinn sem heitir Troll kom
til Bíldudals í gær.
Arnarlax á fyrir minni vinnubát,
tvíbytnu, en Víkingur segir að til
þess að geta sinnt þessum störfum
af fagmennsku og öryggi þurfi al-
vöru tæki. Þess vegna hafi báturinn
verið leigður, að minnsta kosti til að
að byrja með. Reiknað er með að
hann verði hér að störfum við
sjókvíastöðvar Arnarlax í fjörðum
Vestfjarða í einn til tvo mánuði.
Fóðrun sett út á pramma
Vinnubáturinn er einnig notaður
til að undirbúa botnfestur fyrir fóð-
urpramma sem Arnarlax hefur
keypt frá Póllandi. Þetta eru þrír ný-
ir prammar og er nú verið að draga
tvo þeirra yfir hafið. Verður einn
prammi við þá kvíaþyrpingu sem er í
mestri framleiðslu í hverjum firði.
Tekur hver prammi rúmlega 300
tonn af fóðri. Allri fóðurgjöf verður
stjórnað frá prömmunum og þar eru
einnig vistarverur fyrir mannskap-
inn. Prammarnir verða síðan færðir
árlega á milli svæða, eftir því sem
framleiðslan færist til.
Fjarðalax, sem nú hefur samein-
ast Arnarlaxi, byggði upp fóð-
urstöðvar í landi og var fóðrinu blás-
ið út í kvíarnar. Víkingur segir að
þessar stöðvar verði smám saman
lagðar af og starfsemin færð út á
prammana.
Sýnir fagmennsku og
metnað í fiskeldinu
 Arnarlax leigir öflugan vinnubát til að búa kvíarnar undir
veturinn  Þrír nýir fóðurprammar á leiðinni frá Póllandi
Ljósmynd/Víkingur Gunnarsson
Tröll Sá norski er öflugur vinnubátur sem nauðsynlegur er til að búa sjókví-
arnar undir veturinn. Arnarlax verður með hann á leigu næstu vikurnar.
Fóðurprammi Verið er að draga fóðurpramma Arnarlax til Færeyja. Drátt-
arbáturinn lá við hlið hans í Hirtshals, áður en lagt var af stað.
Kristján H. Johannessen
khj@mbl.is
Til stendur að auka samstarf Sam-
keppniseftirlitsins, Póst- og fjarskipta-
stofnunar og Fjölmiðlanefndar, en í
stefnuyfirlýsingu ríkisstjórnarinnar er
lögð áhersla á að auka skilvirkni
stjórnsýslunnar m.a. með breytingum
á skipulagi, sam-
ræmingu á stoð-
þjónustu, sam-
einingu stofnana
og tilflutningi á
milli sviða í sam-
ræmi við áherslur
og forgangsmál.
Capacent skilaði
í ágúst 2015 fýsi-
leikagreiningu á
sameiningu Póst-
og fjarskiptastofn-
unar og Samkeppniseftirlitsins auk
þess sem litið var til þess hvort og þá
hvaða skörun gæti legið til verkefna
Fjölmiðlanefndar og raforkueftirlits
Orkustofnunar.
Voru meginmarkmið þessarar
greiningar að kanna kosti og vankanta
sameiningar og að fjalla um hvort og
þá hvaða verkþættir í starfsemi stofn-
ananna sköruðust og hvort unnt væri
að ná aukinni framleiðni í rekstri
þeirra. Þá var einnig skoðað hvort
hægt væri að ná breyttri og skilvirkari
verkaskiptingu hjá stofnununum,
bættri nýtingu þekkingar og reynslu
þvert á svið og skoða tækifæri í sam-
nýtingu á búnaði, húsnæði og aðstöðu
og endurbættum vinnuferlum.
Móta þarf framtíðarsýn
Skýrsla Capacent var lögð fyrir rík-
isstjórn haustið 2015 og hefur síðan þá
verið til umfjöllunar á vettvangi hlut-
aðeigandi ráðuneyta. Ragnheiður Elín
Árnadóttir, iðnaðar- og viðskiptaráð-
herra, segir að í ljósi þess að búið sé að
stytta kjörtímabilið hafi nú verið fallið
frá áformum um sameiningu.
„Það var hins vegar ákveðið að auka
samstarfið og vinna það í góðu samráði
við alla hlutaðeigandi. Meginmarkmið-
ið er ávallt að þjónustan, bæði við al-
menning og viðskiptalíf verði sem best
og að sem minnst skörun verði í verk-
efnum,“ segir Ragnheiður Elín. Bendir
hún á að verkefnið verði unnið áfram á
grundvelli stefnumörkunar sem felst í
því að fyrirsvarsmenn samstarfsaðil-
anna móti í sameiningu við hlutaðeig-
andi ráðuneyti framtíðarsýn fyrir sam-
starfið.
Þá er talið mikilvægt til að tryggja
góðan árangur að starfsemi samnings-
aðila verði í sameiginlegu húsnæði.
„Það er stefnt að því, en þetta er þó
ekki eitthvað sem gerist yfir nótt þó
nálægð skipti vissulega máli,“ segir
Ragnheiður Elín.
Samstarf aukið í
stað sameiningar
Ragnheiður Elín
Árnadóttir
Í gær voru liðin 75 ár frá frægri
heimsókn Winstons Churchill, for-
sætisráðherra Breta, til Íslands.
Seinni heimsstyrjöldin var þá í há-
marki og var Churchill á heimleið
eftir mikilvægan fund með Franklin
D. Roosevelt, Bandaríkjaforseta,
um borð í herskipi við strendur Ný-
fundnalands. Churchill staldraði
stutt við, en náði þó að hitta helstu
ráðamenn landsins og yfirmenn
breska hernámsliðsins hér, heilsa
mannfjölda af svölum Alþingishúss-
ins og kynna sér hvernig Íslend-
ingar notuðu heitt vatn til ylræktar
að Reykjum í Mosfellssveit.
Að sögn Árna Sigurðssonar, for-
manns Churchill-klúbbsins á Ís-
landi, verður afmælisins minnst með
grein sem Magnús Erlendsson,
fyrrum bæjarstjóri, ritar í ársfjórð-
ungsrit Churchill Centre The Finest
Hour. Segir Magnús þar frá miklum
áhrifum heimsóknarinnar á sig, en
hann var tíu ára gamall þegar
Churchill kom. Varð hann vitni að
því þegar herskip ráðherrans sigldi
inn á Reykjavíkurhöfn, landgöng-
unni og var síðan við Alþingishúsið
þegar Churchill kom þangað. Her-
mann Jónasson, forsætisráðherra,
tók á móti Churchill við höfnina og
héldu þeir þegar í Alþingishúsið þar
sem m.a. var rætt við Svein Björns-
son, ríkisstjóra. Churchill sagði
Hermanni að hefðu Þjóðverjar orðið
fyrri til að hernema Ísland hefðu
Bretar orðið að gera árás til að ná
landinu. Slík væri hernaðarleg þýð-
ing þess.
Magnús segir frá því í greininni
að meðan hann beið fyrir utan Al-
þingishúsið eftir að sjá Churchill á
svölunum hafi vinur sinn komið
móður og másandi og sýnt sér hálf-
reyktan vindilstubb sem breski for-
sætisráðherrann hafði skilið eftir í
öskubakka í þinghúsinu. Pabbi
stráksins vann þar. „Sérðu hvað ég
er með!“ hafi hann hrópað af gleði í
miklu uppnámi. Magnús segir að
stubburinn hafi vakið mikla athygli
og árum saman gengið kaupum og
sölum meðal aðdáenda Churchill
hér á landi.
gudmundur@mbl.is
Hrifinn Churchill hreifst af því hvernig heitt vatn var notað til ylræktar að
Reykjum í Mosfellssveit þar sem myndin var tekin 16. ágúst 1941.
75 ár frá heimsókn
Churchill til Íslands
Churchill á Íslandi
» Winston Churchill var for-
sætisráðherra Bretlands á
stríðsárunum seinni.
» Heimsókn Churchill til Ís-
lands 16. ágúst 1941 vakti
mikla athygli.
» Í ævisögu sinni taldi Churc-
hill sig upphafsmann þess að
heitt vatn var notað til upphit-
unar í Reykjavík. Það er mikill
misskilningur.