Morgunblaðið - 17.08.2016, Blaðsíða 29

DÆGRADVÖL 29
MORGUNBLAÐIÐ MIÐVIKUDAGUR 17. ÁGÚST 2016
Verkfærasalan - Síðumúla 11 - 560-8888 - www.vfs.is
Frábær
verð!
99.900
Verð
Bandsög 100mm
Stærð blaðs 1470x13mm.
Geta í 90° 100x150mm.
TT 388001
134.900
Verð
Bandslípivél 75x2000mm
Öflug bandslípivél með 3.000W mótor.
Band 75x2000mm
TT389001
Stjörnuspá
21. mars - 19. apríl 
Hrútur Þú nýtur þess að ferðast. Spyrðu
sjálfa/n þig að því hvort vinnan sé virkilega
þess virði að fórna fjölskyldulífinu fyrir.
20. apríl - 20. maí 
Naut Það er nauðsynlegt að taka tillit til
hagsmuna annarra, þegar mál, sem margir
eiga aðild að, eru til lykta leidd.
21. maí - 20. júní 
Tvíburar Þótt friður sé æskilegur getur hann
stundum verið of dýru verði keyptur. Taktu á
peninga- og ástavandamálum með skilningi
og rósemi.
21. júní - 22. júlí 
Krabbi Ef þú þorir engu þá er ekkert gagn í
að láta sig dreyma um betri tíð og blóm í
haga. Vertu þolinmóð/ur því allt gengur upp
um síðir.
23. júlí - 22. ágúst 
Ljón Þetta er mikill uppskerutími í lífi þínu.
Seinni partinn í dag mun góð hugmynd
breyta öllu, og þar með herkænskunni sem
þú beitir á framtíðina.
23. ágúst - 22. sept. 
Meyja Það hafa verið erfiðir tímar á vinnu-
stað og þú efast um að þú sért metin/n að
verðleikum. Gamla brellan að þykjast vita
hvert maður stefnir virkar ætíð.
23. sept. - 22. okt. 
Vog Þú getur ekki bætt samband þitt við vin
þinn með því að breyta honum/henni. Eplið
fellur sjaldnast langt frá eikinni hugsar þú
þegar þú lítur á unglinginn þinn. Vertu um-
burðarlynd/ur.
23. okt. - 21. nóv.
Sporðdreki Láttu ekki óvæntar aðstæður slá
þig út af laginu. Að vera aðgerðalaus hefur
margvíslega kosti í för með sér, en ekki alltaf.
Stundum verður að slá í borðið.
22. nóv. - 21. des.

Bogmaður Taktu það ekki of nærri þér þótt
til einhverra orðaskipta komi milli þín og vin-
ar þíns. Það er glatt á hjalla í kringum þig og
þú ert hrókur alls fagnaðar.
22. des. - 19. janúar 
Steingeit Þú hefur fengið meira út úr
óvæntu fríi en þú áttir von á og kemur því aft-
ur til starfa full/ur af orku og athafnaþrá. Til
að fá einhverja uppskeru verður maður að sá,
hefur þú gert það í samskiptum þínum und-
anfarið?
20. jan. - 18. febr. 
Vatnsberi Það stefnir í að visst samband fari
á flug. Eðlishvötin hefur ekki brugðist þér
hingað til, svo þú getur treyst henni.
19. feb. - 20. mars

Fiskar Nú þarftu að taka á honum stóra þín-
um í fjármálunum. Þú reynir af fremsta
megni að hitta ekki á viðkvæman blett hjá ná-
granna þínum þó hann fari oft í þínar fínustu.
Helgi Seljan sendi mér ágættbréf um helgina, sem mér
þykir fara best á að birta í heild:
„Nýlega er látinn mikill vísnavinur
og ágætur hagyrðingur, Stefán S.
Stefánsson. Hann var fæddur í
Hrísey og ólst þar upp, en bjó um
áratugi austur á Reyðarfirði. Sem
sýnishorn af kveðskap hans sem
hann fór þó afar dult með, en ég
tók að njóta, sendi ég horninu hans
Halldórs þessar stökur, en Stefán
hafði á því horni miklar mætur:
Þegar nóttin nálgast flóttalega
að mér drottnar dimmusýn,
dulinn ótti vitjar mín.
Og um aldurinn orti Stefán þetta:
Alltaf hækkar aldurinn,
einatt slitnar rótin.
Ýta og skrækja svo um sinn
sálarliðamótin.
Um hagyrðinga bjó Stefán til ný-
yrði: stökustétt.
Orðin fléttast lipurt, létt,
leika rétt í munni.
Enn vill gleðjast stökustétt
stendur þétt á grunni.
En yrkingar gengu stundum illa
og þannig orti Stefán um hugar-
heim sinn:
Veröldin er sölt og súr,
sést á þessum línum.
Núna fæ ég ekkert úr
einkabanka mínum.
Má skilja á alla vegu, „þeir skilja
svo sem þeir vilja“ sagði hann
sposkur. Og svo að leiðarlokum
þessi vísa til Davíðs frænda míns:
Vefjist fyrir vafamál
verður náðin þegin.
Drottinn ræður, - sér um sál
seinna hinum megin.
Blessuð sé björt minning.“
Ég þakka Helga bréfið. Það er
gott og nauðsynlegt að rifja upp
stökur samferðamanna sinna annað
slagið til að halda þræðinum.
Gjarna leitar hugurinn þá niður á
Alþingi. Og til að gleðja Helga
byrja ég á Halldóri frá Kirkjubóli
sem orti að fundarlokum í stúk-
unni:
Á hverjum fundi er fræjum sáð,
þau falla dreifð og smá,
en eiga að vaxa ef að er gáð
og ítrum vexti ná.
Af fræjum þeim er svo er sáð
skal síðar vaxa tré
sem veitir þreyttum vernd og náð
svo verður stormahlé.
Halldór Blöndal
halldorblondal@simnet.is
Vísnahorn
Stökur látins hag-
yrðings og fleira gott
Í klípu eftir Mike Baldwin eftir Jim UngerHermann
Ferdinand
Hrólfur hræðilegi
Grettir
...rauði þráðurinn sem
gengur gegnum allt.„ÉG HEF ALLTAF VERIÐ MATVANDUR.
EN ALDREI DRYKKVANDUR.“
„EF ÞÚ KEYPTIR HANDA MÉR UPPÞVOTTAVÉL
HEFÐIRÐU MEIRI TÍMA TIL AÐ HJÁLPA
TIL Á HEIMILINU.“
ÞAÐ HEFUR
RIGNT MIKIÐ.
ÞARNA
ER HANN! SKÆL!
ÞAÐ HLAUT AÐ KOMA AÐ
ÞVÍ EINN DAGINN!
ÞANNIG LÍTUR ÞÁ
ÓSIGUR ÚT!
NEI... SVONA
LÍTUR SIGUR ÚT...
...EFTIR AÐEINS OF MIKIL
FAGNAÐARLÆTI!
Ólympíuleikarnir kveikja hjá Vík-verja eins og svo mörgum öðr-
um á fjögurra ára fresti áhuga á
íþróttagreinum, sem hann fylgist
annars lítið með. Dýfingar, róðra-
sprettir, grísk-rómversk glíma, fjór-
ar greinar hjólreiða birtast skyndi-
lega á ratsjánni og áður en Víkverji
veit af er hann ær af spennu farinn
að fylgjast með íþrótt, sem hann hef-
ur ekki hundsvit á. Ef vel ætti að
vera þyrfti Víkverji nokkra skjái þar
sem hann samtímis gæti fylgst með
hinum ýmsu greinum, sem keppt er í
á leikunum.
x x x
Keppnin í frjálsum íþróttum vekurþó alltaf mestan áhuga Víkverja.
Usain Bolt hefur verið sérlega frek-
ur á athyglina á þessum leikum og
kemur ekki á óvart. Þruman frá Ja-
maíku hefur haft ótrúlega yfirburði í
eitt hundrað og tvö hundruð metra
hlaupum og verður það seint jafnað.
Hreint ótrúlegt er að fylgjast með
þessum magnaða hlaupara, sem allt-
af virðist vera síðastur upp úr blokk-
inni og hleypur síðan keppinauta
sína uppi á lokametrunum þannig að
þeir virðast nánast kyrrstæðir.
x x x
Víkverja fannst hins vegar ekkertminna til um afrek suðurafríska
hlauparans Waydes van Niekerks,
sem bætti sautján ára gamalt heims-
met Michaels Johnsons í fjögur
hundruð metra hlaupi. Niekerk
hljóp á áttundu braut þannig að
hann hefur hlaupið fyrir framan hina
hlauparana og sér þá í raun og veru
ekki fyrr en komið er inn á síðustu
hundrað metrana. Það var því nán-
ast eins og hann væri einn að hlaupa.
Hann lét það ekki á sig fá og mun
sigur hans fara í sögubækurnar.
x x x
Bandaríkjamenn eru langsigur-sælastir í Ríó. Áður en keppni
hófst í gær voru þeir komnir með 75
verðlaun, þar af 26 gull. Bretar koma
næstir með talsvert rýrari uppskeru
eða 41 verðlaun alls og 16 gull. Þá
koma Kínverjar með 46 verðlaun og
Rússar með 35 þrátt fyrir bönn
vegna lyfjaneyslu. Gestgjafar Bras-
ilíu eru í 16. sæti með níu verðlaun.
víkverji@mbl.is
Víkverji
Kenn mér að gera vilja þinn því að þú
ert Guð minn, þinn góði andi leiði
mig um slétta braut.
(Sálm. 143:10)