Fréttablaðið - 10.11.2016, Síða 6

Hlíðasmári 14 | 201 Kópavogi | www.tannbjorg.is | Sími 564 2425
Brynja Björk Harðardóttir tannlæknir
hefur hafið störf á ný á tannlæknastofunni
Tannbjörgu eftir að hafa búið og starfað í
Stokkhólmi í 11 ár.
Allir nýir og gamlir kúnnar velkomnir, börn
og fullorðnir.
Viðskipti Hagnaður Íslandsbanka
eftir skatta á þriðja ársfjórðungi
nam 2,5 milljörðum króna og
lækkaði úr tæpum sex milljörð-
um króna fyrir sama fjórðung í
fyrra. Arðsemi eigin fjár bankans
af reglulegri starfsemi var 8,7%
samanborið við 11,1% sama
fjórðung í fyrra miðað við 15%
eigið fé.
Talsvert meira eigið fé er bund-
ið í rekstri bankans, eða tæp 28%.
Það liggur meðal annars í því að
bankinn sótti sér 500 milljónir
evra eða ríflega 60 milljarða í
erlendu skuldabréfaútboði en
þeir fjármunir voru meðal annars
notaðir til að greiða víkjandi lán.
Bankinn er því vel fjármagnaður.
Það sem af er ári er hagnaður
Íslandsbanka 15,6 milljarðar
króna, en var 16,7 milljarðar
fyrstu níu mánuði ársins 2015.
Vaxtamunur bankans sem er
munur á innlánum og útlánum
var þrjú prósent samanborið
við 2,9% árið áður. Vaxtamunur
íslensku bankanna er hærri en í
nágrannalöndunum. Jón Guðni
Ómarsson, framkvæmdastjóri
fjármálasviðs bankans, segir skýr-
inguna liggja annars vegar í hærra
vaxtastigi og svo því að íslenskir
bankar búi ekki við sömu stærð-
arhagkvæmni og erlendir bankar.
Fyrri uppgjör bankans hafa
litast af einskiptishagnaði, en
uppgjör þriðja ársfjórðungs end-
urspeglar betur grunnrekstur
hans. Birna Einarsdóttir, for-
stjóri Íslandsbanka, segir upp-
gjör bankans sýna sterka stöðu á
markaði og góðan undirliggjandi
rekstur. Hún segir skuldastöðu
heimila hafa batnað en í uppgjör-
inu sést að vanskil hafa minnkað
verulega á síðustu misserum.
„Vaxtatekjur jukust um 13% frá
fyrra ári og stafar það fyrst og
fremst af hærra vaxtaumhverfi
og auknu eigin fé. Samkeppni í
útlánum fer harðnandi, sem sam-
hliða sívaxandi skattlagningu á
fjármálakerfið mun gæta í arð-
semi bankans til lengri tíma,“
segir Birna.
haflidi@frettabladid.is
Hagnaður Íslands-
banka helmingast
Hagnaður Íslandsbanka á þriðja ársfjórðungi var 2,5 milljarðar. Einskiptisliðir
einkenndu fyrri uppgjör og niðurstaðan nú endurspeglar grunnrekstur bankans.
Íslandsbanki hefur hagnast um 15,6 milljarða króna það sem af er ári. Fyrri upp­
gjör bankans hafa litast af einskiptishagnaði. Fréttablaðið/anton brink
Hetja eða skúrkur
Grímuklæddir Filippseyingar mótmæla fyrirhugaðri útför hins fráfallna einræðisherra Ferdinands Marcos. Mótmælin fóru fram við hæstarétt
landsins í Maníla en hæstiréttur hefur tekið þá ákvörðun að Marcos verði grafinn að hetjusið í þjóðargrafreit landsins. nordicphotos/aFp
pakistan Sharbat Gula, afganska
konan sem prýddi fræga forsíðu
tímarits National Geographic, var
vísað burt frá Pakistan í gær eftir
að hún var sökuð um að vera með
fölsuð skilríki. Henni var fylgt yfir
landamærin með fjórum börnum
sínum í gær en hún hafði flúið ætt-
land sitt ung að aldri. Gula er nú 45
ára.
Hún var einnig dæmd í fimmtán
daga fangelsi en þann dóm afplán-
aði hún á sjúkrahúsi þar sem hún
gekkst undir meðferð við lifrar-
bólgu C.
Á forsíðumyndinni frægu, sem
birtist árið 1985 og hefur verið
kölluð „Afganska stelpan“, má sjá
Gula í rauðum klæðum og vöktu
stingandi græn augu hennar mikla
athygli. Myndin var tekin 1984 í
flóttamannabúðum í Pakistan en
þangað hafði fjölskylda hennar
flúið eftir að Sovétmenn hernámu
Afganistan. – þea
Stúlkan með
grænu augun
rekin úr landi
ljósmynd af sharbat sem birtist í nat­
ional Geographic vakti heimsathygli.
stjórnmál Danska þingið hefur
samþykkt lög sem heimila alvarlega
veiku fólki að reykja og neyta kanna-
bisefna. Lögin voru samþykkt til þess
að auðvelda sjúklingum að glíma við
ógleði, krampa og verki. Þingið ákvað
að hefja strax tilraunaverkefni fyrir
sjúklinga en lögin taka gildi 1. janúar
2018. Alvarlega veikir geta því nálgast
kannabisefni í lyfjaverslunum í Dan-
mörku gegn framvísun lyfseðils. Félag
flogaveikra í Danmörku hefur gagn-
rýnt lögin vegna þess að þau taka
ekki til flogaveikra. Breið samstaða
var meðal þingflokka Danmerkur um
lagasetninguna. – þh
Danir samþykkja að leyfa
sjúklingum að neyta kannabisefna
kannabisplanta. Fréttablaðið/steFán
Samkeppni í út-
lánum fer harðnandi.
Birna Einarsdóttir, for-
stjóri Íslandsbanka
stjórnsýsla Mögulegt er að tekin
verði ákvörðun um að banna sölu
plastpoka í stórmörkuðum Reykja-
víkurborgar. Þetta segir Hjálmar
Sveinsson, formaður umhverfis- og
skipulagsráðs borgarinnar. Ráðið tók
í gær fyrir slíka áskorun sem barst frá
vefnum Betri Reykjavík. Hugmyndin
var sú sem hlaut flest atkvæði í apríl-
mánuði 2015. Hjálmar segir ráðið hafa
tekið vel í hugmyndina en í umsögn
sinni bent á að nú þegar sé verið að
vinna eftir áætlun um plastnotkun.
„Hvort það muni leiða til þess að
það verði tekin ákvörðun um að
banna plastpoka er alveg mögulegt,“
segir Hjálmar. Hann segir þó að það
sé ekki víst enda sé þeirri vinnu ekki
lokið. – þea
Mögulegt að banna plastpoka
Hvort það muni
leiða til þess að það
verði tekin ákvörðun um að
banna plast-
poka er alveg
mögulegt.
Hjálmar Sveinsson,
borgarfulltrúi
1 0 . n ó V e m b e r 2 0 1 6 F i m m t U D a G U r6 F r é t t i r ∙ F r é t t a b l a ð i ð
1
0
-1
1
-2
0
1
6

0
4
:2
5
F
B
0
8
0
s
_
P
0
7
5
K
.p
1
.p
d
f
F
B
0
8
0
s
_
P
0
6
6
K
.p
1
.p
d
f
F
B
0
8
0
s
_
P
0
0
6
K
.p
1
.p
d
f
F
B
0
8
0
s
_
P
0
1
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
B
3
D
-D
4
0
4
1
B
3
D
-D
2
C
8
1
B
3
D
-D
1
8
C
1
B
3
D
-D
0
5
0
2
7
5
X
4
0
0
.0
0
1
5
B

F
B
0
8
0
s
_
9
_
1
1
_
2
0
1
6
C
M
Y
K