Dagblaðið Vísir - DV - 24.02.2015, Blaðsíða 2

Vikublað 24.–26. febrúar 20152 Fréttir
n Umdeildar aðferðir á starfsdegi hjá borgarinnar áttu að auka á samstöðu
Þ
jónustumiðstöð Miðborgar
og Hlíða heldur um þess­
ar mundir starfsdaga fyrir
rúmlega 300 starfsmenn
sambýla og þjónustukjarna.
Dagskráin inniheldur meðal annars
umræðu um dauðasyndirnar sjö,
kristilega sönglagatexta sem og söng­
texta sem þykja hafa rasískan undir­
tón. Efnistökin hafa verið gagnrýnd
af þátttakendum en umsjónarmenn
starfsdaganna eru þau Óttar Guð­
mundsson geðlæknir, Jóhanna Þór­
hallsdóttir söngkona og Aðalheiður
Þorsteinsdóttir píanóleikari.
Starfsmenn 30 vinnustaða
Að sögn Sigtryggs Jónssonar sál­
fræðings, sem er einn þeirra sem
komu að skipulagi starfsdaganna, er
dagskránni ætlað að auka samstarf og
samstöðu starfsmanna. Í kynningu
frá Óttari og félögum segir einnig að
markmiðið sé að auka skilning á þeim
lögmálum sem gilda í samskiptum
fólks og hvað getur spillt þeim.
Sigtryggur segir starfsdagana til­
raun til að hrista saman starfsmenn
30 vinnustaða, en innan hópsins eru
meðal annars starfsmenn sambýla og
búsetukjarna sem heyra undir Þjón­
ustumiðstöð Miðborgar og Hlíða.
Þrjú skipti á launum
Í lýsingu á tilgangi starfsdaganna seg­
ir enn fremur að þátttakendum verði
bent á eigin styrkleika og veikleika og
hvernig þessir eiginleikar nýtist og
séu til trafala í mannlegum samskipt­
um.
Hver starfsmaður sækir þrjá
starfsdaga, ýmist á vinnutíma, í yfir­
vinnu eða þá að frí frá vinnu er veitt
á móti mætingunni. Fyrsti hlutinn,
sem keyrður var í þrígang í Háteigs­
kirkju, byggðist á stuttum fyrirlestr­
um og tónlistarflutningi. Í öðrum
hluta mættu minni hópar, en sá hluti
var haldinn fimm sinnum og meginá­
herslan á söng og tónlist. Þriðji hlut­
inn er svo eins konar uppskeruhátíð
þar sem allur hópurinn mætir saman
og flytur dagskrá.
Söngtextar með rasískum
undirtón
Heimildarmönnum DV, sem vildu
ekki láta nafns síns getið, fannst ýmis­
legt athugavert við dagskrána sem
boðið var upp á í fyrsta hluta. Að sögn
þeirra var rík áhersla og umræða um
dauðasyndirnar sjö, kristilegir söng­
textar notaðir og að auki söngtextar
með rasískum undirtón en þar var
sungið um gula menn sem allir búa í
kínverska sendiráðinu.
Að sögn heimildarmanna ræddi
Óttar um þunglyndi og leti í sömu
andrá og dauðasyndirnar voru rædd­
ar og fór það fyrir brjóstið á viðstödd­
um að heyra virtan geðlækni tala á
þann hátt um alvarlegan geðsjúk­
dóm.
Meðvitaður um óánægju
Sigtryggur Jónsson segist hafa haft
veður af óánægju einhverra starfs­
manna með dagskrána og efnistökin,
en telur þær raddir aðallega tengjast
skoðunum fólks á Óttari Guðmunds­
syni. Hann segir mikilvægt að fólk
sjái samhengi hlutanna í umfjöllun­
inni – verið sé að fjalla um mannleg
samskipti og samskipti á vinnustað,
en það sé gert á óvenjulegan hátt,
til dæmis með tilvitnunum í trú, Ís­
lendingasögur, söngtexta og aðra
menningu.
„Við erum vakandi fyrir því að ekki
sé farið yfir strikið í umræðu um við­
kvæma hluti eins og trúmál og ras­
isma. Hér hefur ekki verið farið yfir
strikið eftir því sem ég hef heyrt. Mér
þykir þó leiðinlegt að einhverjir hafi
tekið þessu illa,“ segir Sigtryggur.
Óttar harmar sárindi
DV hafði samband við Óttar Guð­
mundsson geðlækni til að fá viðbrögð
hans við gagnrýninni. Hann segir að
lagt hafi verið upp með óvenjulega
dagskrá í léttum tón: „Mér fannst
þetta takast afskaplega vel og þykir
mjög leiðinlegt ef við höfum sagt eða
gert eitthvað sem hefur sært taugar
einhvers. En það er greinilegt, eins og
alltaf, að fólk er viðkvæmt fyrir ýmsu.
Ég var búinn að minnast á í upphafi
að við mundum gera grín að öllu –
enda taldi ég að fyrir því væri kom­
in ákveðin samstaða í samfélaginu
og ekki bara hjá okkur heldur fjórum
milljónum manna sem fóru í göngu í
París fyrir skömmu til að styðja að það
mætti grínast með Múhameð spá­
mann og aðra hluti. Í kringum þann
viðburð varð íslenska þjóðin hund­
fúl yfir því að Sigmundur Davíð skyldi
ekki taka þátt fyrir hennar hönd.“
Óttar segist hafa gert stólpagrín
að ýmsum starfsstéttum, sérstaklega
læknum, mannauðsstjórum, hjúkr­
unarfræðingum og sálfræðingum:
„Ég nota grín óspart í fyrirlestrum
mínum, það er minn stíll og ég segi
hlutina eins og þeir eru. Mesta grín­
ið geri ég að minni eigin stétt og
er eiginlega dauðfeginn að enginn
geðlæknir skyldi mæta, þá væri ég í
virkilega vondum málum.“
Mistök að tengja
þunglyndi við leti
Óttar segir að hjá fyrsta hópnum
hafi hann rætt um leti og þunglyndi
í sömu andrá, en þá átt við að ein
dauðasyndanna hefur verið þýdd á
íslensku á báða vegu: „Mér var strax
bent á þetta, að það væri ekki skyn­
samlegt að tala um þunglyndi sem
synd, og ég margbaðst afsökunar á
því og hef ekki gert það aftur.“
Gulir menn teknir af dagskrá
Óttar segir að textinn um gulu menn­
ina í kínverska sendiráðinu sé gam­
all gríntexti úr Menntaskólanum
við Hamrahlíð eftir Einar Thorodd­
sen lækni. Hann og samstarfskonur
hans hafi fengið ábendingu um að
lagið gæti virkað illa á einhverja og
tóku það af dagskrá eftir fyrsta skipt­
ið. „Ég harma það virkilega að ein­
hverjum hafi sárnað og þakkaði
ábendinguna.“ n
Ragnheiður Eiríksdóttir
ragga@dv.is
Gulu mennirnir
Sungið við lagið Litlir kassar
Einn er gulur
Annar gulur
Þriðji gulur
og fjórði gulur
Allir búa þeir í kínverska sendiráðinu
Enda eru þeir allir eins
Umdeildir
starfsdagar Óttar
Guðmundsson og
Jóhanna Þórhalls-
dóttir sjá um dagskrá
starfsdaganna
ásamt Aðalheiði
Þorsteinsdóttur
píanóleikara.
Mynd SiGtRyGGUR ARi
„Að sögn þeirra var
rík áhersla og um-
ræða um dauðasynd-
irnar sjö, kristilegir söng-
textar notaðir og að auki
söngtextar með rasískum
undirtón.
„Gulir menn“ í kín-
verska sendiráðinu
Afhentu „lykil“
að lausn hús-
næðisvandans
Samtök leigjenda á Íslandi
funduðu í lok síðustu viku með
ráðherra húsnæðismála, Eygló
Harðardóttur, í því skyni að koma
að sjónarmiðum samtakanna um
jafnvægi og raunhæft val á hús­
næðismarkaði áður en stjórnar­
frumvörp verða lögð fram á Al­
þingi í næsta mánuði.
Þetta kemur fram í tilkynningu
sem Samtök leigjenda hafa sent
frá sér. Meðal markmiða samtak­
anna er að tekið verði á vaxandi
húsnæðisvanda með afgerandi og
varanlegum hætti til lengri tíma
og að réttarstaða aðila á leigu­
markaði verði tryggð sem draga
ætti verulega úr ágreiningsmálum
á leigumarkaði.
Þá vilja samtökin stuðla að
því að leiguformið verði í löggjöf
viðurkennt sem raunhæfur val­
kostur og að ýtt verði undir sam­
vinnufélagsformið og það opn­
að fyrir nýjum leiðum þegar nýtt
húsnæðiskerfi er skipulagt. Sam­
tökin afhentu ráðherra við þetta
tilefni „lykil“ að lausn vandans á
húsnæðismarkaði sem áfast var
á merki samtakanna með gildum
þess sem eru: Heiðarleiki, sann­
girni, gegnsæi og áræðni. Hvetja
samtökin til þess að allir hags­
munaaðilar styðjist við þessi gildi.
Í tilkynningunni kemur fram
að í máli ráðherra hafi meðal
annars komið fram þakklæti fyr­
ir framlag samtaka leigjenda til
samvinnuhóps um framtíðar­
stefnu húsnæðismála og kvað
ráðherra ábendingar og greinar­
gerðir samtakanna mikilvægar
við vinnslu þeirra frumvarpa sem
lögð verða fram.
Át blaðið
Ökumaður sem lögreglan á
Suðurnesjum handtók um
helgina vegna fíkniefnaaksturs
jók hraðann þegar lögreglu­
menn gáfu honum merki um
að stöðva bifreiðina. Í dagbók
lögreglu kemur þó fram að
ökuferðin hafi endað snögglega
því ökumaðurinn ók á grind­
verk og síðan á hús. Þrír far­
þegar voru í bifreiðinni og voru
þeir allir handteknir, auk öku­
manns, þar sem þeir voru í afar
annarlegu ástandi. Á lögreglu­
stöð át einn þeirra upplýsinga­
blað handa handteknum.
Fallegar konur á fallegum tíma
Hamraborg 14, Kópavogur
sími 5517444 | mkm.is
facebook.com/móðir kona meyja
Sérverslun með
meðgöngu- og
brjóstagjafafatnað