Dagblaðið Vísir - DV - 24.02.2015, Blaðsíða 14

Vikublað 24.–26. febrúar 201514 Fréttir Viðskipti
Hólmaslóð 2 . 101 Reykjavík . www.tolli.is
Opið þriðjudaga til laugardaga frá kl. 13-17
S
érstakt útgöngugjald á allar
fjármagnshreyfingar úr
landi, sem myndi meðal
annars leggjast á mögulegar
útgreiðslur slitabúa föllnu
bankanna til erlendra kröfuhafa, þarf
að líkindum að vera nokkuð hærra en
35%.
Samkvæmt heimildum DV telja
íslensk stjórnvöld að slíkt gjald þurfi
nú að lágmarki að vera tæplega 40% í
því skyni að tryggja að uppgjör gömlu
bankanna samrýmist áformum yfir­
valda um losun fjármagnshafta og
hafi ekki neikvæð áhrif á greiðslujöfn­
uð þjóðarbúsins. Bjarni Benediktsson
fjármálaráðherra hefur sagt að það sé
lykilatriði að íslenskt efnahagslíf taki
ekki á sig meiri aðlögun í þjóðarbú­
skapnum en þegar hefur orðið og að
búið verði svo um hnútana að raun­
gengi krónunnar lækki ekki frekar
samhliða afnámi hafta.
Líkt og áður hefur verið sagt frá
á síðum DV þá gerðu tillögur fram­
kvæmdahóps stjórnvalda um losun
hafta, sem voru kynntar ráðamönn­
um í byrjun desembermánaðar á
síðasta ári, ráð fyrir 35% útgöngu­
gjaldi. Nú er það hins vegar mat ráð­
gjafa stjórnvalda, sem vinna að því
þessa dagana ásamt ýmsum fulltrú­
um Seðlabankans og fjármála­ og for­
sætisráðuneytisins að koma stefnu
stjórnvalda í haftamálum í fram­
kvæmd, að útgöngugjaldið þurfi að
vera lítillega hærra en 35%.
Á að tryggja jafnræði
Engin endanleg ákvörðun hefur þó
verið tekin um útfærslu á gjaldinu
eða hversu há skattprósentan á að
vera þegar haftaáætlun stjórnvalda
mun líta dagsins ljós. Að því gefnu
að gjaldið nái aðeins til útgreiðslna
til almennra kröfuhafa – en ekki for­
gangskröfuhafa slitabúanna – þá gætu
slitabúin þrjú þurft að greiða samtals
vel yfir 700 milljarða króna í sérstakt
gjald til ríkisins hyggist þau inna af
hendi greiðslur yfir landamæri til er­
lendra kröfuhafa. Heildareignir bú­
anna nema um 2.100 milljörðum
króna og eiga erlendir aðilar 94% allra
krafna á hendur þeim. Íslenskar eign­
ir gömlu bankanna, hvort tveggja
krónueignir og innlendar eignir í
gjaldeyri, eru ríflega 600 milljarðar
króna.
Slíkt útgöngugjald miðar einkum
að því að gæta að jafnræði samhliða
því að skref verða stigin við losun
hafta. Er gjaldið því með öðrum orð­
um yfirlýsing af hálfu íslenskra yfir­
valda um að greiðslur út fyrir landa­
mæri, til að mynda vegna hugsanlegra
undanþága til handa slitabúunum við
nauðasamninga, verði meðhöndlaðar
með sama hætti og gildir um aðra ís­
lenska lögaðila. Enginn greinarmun­
ur er gerður á því hvort þær séu fram­
kvæmdar í krónum eða erlendum
gjaldeyri. Erlendar eignir slitabúanna
verða því ekki teknar út fyrir sviga, líkt
og kröfuhafar hafa ávallt gert ráð fyrir,
enda eigi þeir aðeins kröfur í krónum
á íslensk slitabú.
Haftaáætlun í pípunum
Tillögur ráðgjafa stjórnvalda hafa gert
ráð fyrir að hægt verði að taka fyrstu
skref við tilslökun hafta, óháð því
hvort slitastjórnir búanna og fulltrúar
kröfuhafa fallist á þau þjóðhagslegu
skilyrði sem verða sett, til dæmis um
útgöngugjald. Fyrstu aðgerðir munu
lúta að aflandskrónuvandanum – um
300 milljörðum í ríkisverðbréfum og
innstæðum – og beinum fjárfesting­
um innlendra aðila erlendis. Vinnu­
heiti þeirrar áætlunar er „Project
Slack“. Þá hefur verið til skoðunar að
útbúa leiðir, bæði fyrir fyrirtæki og
lífeyrissjóði, til að fjárfesta erlendis
án þess að þurfa að greiða útgöngu­
gjaldið sem fyrirhugað er að kynna
til sögunnar sem hluta af áætlun um
afnám hafta. Gjaldið mun hins vegar
ná til aflandskrónueigenda eftir að
þeir verða knúnir til að skipta á krónu­
eignum sínum á afslætti í skuldabréf í
erlendri mynt til meira en 30 ára. Hafa
tillögur ráðgjafa stjórnvalda gert ráð
fyrir að um yrði að ræða fasta vexti í
kringum 3%.
Ráðgjafahópur stjórnvalda við
vinnu að losun hafta hefur síðustu
vikur haft aðsetur í Seðlabanka Ís­
lands. Vonir standa til þess, eins og
upplýst var um í síðasta tölublaði
DV, að stefna stjórnvalda við áætlun
um afnám hafta verði kynnt í næsta
mánuði. n
n Gjald á fjármagnshreyfingar úr landi þyrfti að lágmarki að vera tæplega 40%
Útgöngugjaldið þarf
að vera hærra en 35%
Hörður Ægisson
hordur@dv.is
„Slitabúin gætu
þurft að greiða
samtals vel yfir 700 millj-
arða króna.
Unnið að afnámi
hafta Ráðgjafahópur
stjórnvalda hefur haft
aðsetur í Seðlabankan­
um síðustu vikur.
Mynd SigtryggUr Ari
Framkvæmdahópur stjórnvalda
Benedikt
gíslason
Sigurður
Hannesson
Ásgeir Helgi
gylfason
glenn Kim
Eiríkur
Svavarsson
Jón Þ.
Sigurgeirsson
ingibjörg
guðbjartsdóttir
Fjármálaráðherra íslenskt efnahagslíf
taki ekki á sig meiri aðlögun í þjóðar­
búskapnum við losun hafta.
Hersir til
Straums sjóða
Hersir Sigurgeirsson, dósent í
fjármálum við viðskiptafræði­
deild Háskóla Íslands, hefur
verið ráðinn framkvæmdastjóri
Straums sjóða, dótturfélags
Straums fjárfestingabanka.
Tekur Hersir við starfinu af
Sigþóri Jónssyni en tilkynnt var
um ráðningu hans sem fram­
kvæmdastjóra Íslenskra verð­
bréfa í síðustu viku.
Í samtali við DV staðfestir
Hersir að hann hafi tekið við
stöðu framkvæmdastjóra
Straums sjóða en hann hafði áður
verið stjórnarformaður félags­
ins. Hersir hefur meðal annars
starfað sem framkvæmdastjóri
áhættustýringar og síðar forstjóri
fjárfestingabankans Saga Capital.
Hersir er með doktorsgráðu í
stærðfræði frá Stanford­háskóla í
Bandaríkjunum.
Sigþór hafði aðeins starfað hjá
Straumi síðan í ágúst á síðasta
ári en Straumur sjóður hafði þá
nýlega fengið leyfi frá Fjármála­
eftirlitinu sem rekstrarfélag verð­
bréfasjóða. Hersir mun því fá það
hlutverk að byggja upp eignastýr­
ingu Straums fjárfestingabanka.
Ráðning Sigþórs til Íslenskra
verðbréfa kom í kjölfar þess að
Straumur eignaðist meirihluta í
Íslenskum verðbréfum undir lok
ársins 2014.