Dagblaðið Vísir - DV - 24.02.2015, Blaðsíða 20

Heimilisfang
Kringlan 4-12
6. hæð
103 Reykjavík
fréttaskot
512 70 70fr jál s t, ó Háð dag b l að DV áskilur sér rétt til að birta aðsent efni blaðsins á stafrænu formi og í gagnabönkum án endurgjalds. Öll viðtöl blaðsins eru hljóðrituð. Notkun á efni blaðsins er óheimil án samþykkis.
512 7000
512 7010
512 7080
512 7050
aðalnúmer
ritstjórn
áskriftarsími
auglýsingar
sandkorn
20 Umræða
Útgáfufélag: DV ehf. • Stjórnarformaður og útgefandi: Björn Ingi Hrafnsson • Ritstjórar: Eggert Skúlason og Kolbrún Bergþórsdóttir
Viðskiptaritstjóri: Hörður Ægisson • Fréttastjórar: Baldur Guðmundsson og Einar Þór Sigurðsson • Ritstjórnarfulltrúi: Jóhann Hauksson
Umsjónarmaður innblaðs: Sólrún Lilja Ragnarsdóttir • Framkvæmdastjóri : Steinn Kári Ragnarsson • Umbrot: DV ehf. • Prentun: Landsprent • Dreifing: Árvakur
Vikublað 24.–26. febrúar 2015
Guð – bólusetningar og grunngildin
S
íðustu ár hefur verið vax­
andi þrýstingur á að hverfa
frá nokkrum af þeim grunn­
gildum sem við höfum byggt
samfélag okkar á. Tvö dæmi um
þennan þrýsting er umræðan um
trúarbrögð og bólusetningar barna
gegn skæðum sjúkdómum. Um­
ræðan um hið síðarnefnda hefur
síðustu daga verið ansi heit. Við
bólusetjum börnin okkar gegn
mislingum, bólusótt og fleiri skæð­
um sjúkdómum sem forfeður okk­
ar þekktu allt of vel og óttuðust. Nú
er vaxandi umræða um að bólu­
setningar geti valdið einhverfu og
fleiri alvarlegum aukaverkunum hjá
börnum. Þessi umræða er á köfl­
um heiftúðug. Fyrir meirihluta Ís­
lendinga hljómar þetta hreint út
sagt illa. Við viljum tryggja börn­
um okkar heilbrigt líf og hamingju.
Hluti af því er að vernda þau fyrir
skæðum sjúkdómum. Lýðheilsa er
hugtak sem nær yfir hluti á borð við
bólusetningar.
Það hlýtur að vera réttur foreldra
að ákvarða hvað er börnum þeirra
fyrir bestu. Þó koma tímar þar sem
samfélagið þarf að grípa inn í. Og
bólusetningar eru gott dæmi um
slíkt. Það er réttmæt krafa að öll
börn séu bólusett. Börn velja sér
ekki foreldra og í sumum tilvikum
þarf að hjálpa foreldrum að skilja
hvað börnum þeirra er fyrir bestu.
Bólusetjum börnin okkar og tryggj­
um þeim góða framtíð.
Annað sem mörgum hefur
gramist er sú úthýsing á kristinni
trú sem margir vilja stuðla að. Þetta
birtist því miður í formi þess að nú
er ekki lengur leyft í Reykjavík að
dreifa Nýja testamentinu til grunn­
skólanema. Þetta er röng stefna.
Samkvæmt stjórnarskrá eru Ís­
lendingar kristin þjóð. Við viljum
væntanlega flest ala börnin okkar
upp í góðum siðum og fátt er betra
veganesti út í lífið en kristilegur
kærleikur.
Háværir minnihlutahópar hafa
ráðist af krafti á nokkur af þeim
grunngildum sem Íslendingar
komnir af unglingsaldri hafa alist
upp við. Þar má nefna kristna trú og
áðurnefndar bólusetningar. Sjálf­
sagt er að staldrað sé við og hug­
að að ólíkum sjónarmiðum en slík­
ar athuganir mega ekki verða til
þess að fólk beri kinnroða vegna
þeirra meginstrauma sem samfé­
lagið er sammála um að viðhalda.
Við eigum óhrædd að takast á við
nýjar áskoranir og nýja strauma en
á sama tíma að halda hátt á lofti
mikilvægu grunngildum íslensks
samfélags. Þar er umburðarlyndi í
öndvegi.
Ástæðan fyrir því að þessir
minnihlutahópar eru háværir er að
fjölmiðlar gefa þeim tíma og pláss,
sem er sjálfsagt. En um leið er sann­
gjörn krafa að fólk rökstyðji mál sitt
og fjölmiðlar búi ekki til skakka
mynd af þeim vindum sem um
samfélagið blása hverju sinni. Það
er ekki meirihluti Íslendinga sem
vill sleppa bólusetningum barna
eða úthýsa kristinni trú úr skóla­
kerfinu. Hlúum að grunngildum
samfélagsins, rífum þau ekki nið­
ur. n
Stóryrtir fjölmiðlamenn
Þeir spöruðu síst stóru orðin
Davíð Oddsson, ritstjóri Morgun­
blaðsins, og Egill Helgason
sjónvarpsmaður um helgina
í hnútukasti sem vakti mikla
athygli.
Davíð fór að venju mikinn
í Reykjavíkurbréfi Morgun­
blaðsins og beindi athyglinni og
ábyrgð á svonefndu neyðarláni
Seðlabankans til Kaupþings til
ríkisstjórnar Geirs H. Haarde. Egill
Helgason sagði þau skrif Davíðs
„sprenghlægileg“ og sagði þau
dæmi um „þvílíka misnotkun
á einu dagblaði“. Davíð svaraði
fyrir sig í Staksteinum í gær og
hjólaði í Egil. Þegar hér er kom­
ið sögu sér ekki fyrir endann á
þessari deilu.
Lognið á undan
storminum
Útlit er fyrir að það muni brátt
draga til tíðinda í afnámi fjár­
magnshafta. Eftir um átján
mánaða undir­
búningsvinnu er
loksins farið að
sjá fyrir endann á
þeirri stefnu sem
verður mörkuð
í þessu stærsta
hagsmunamáli
Íslands. Ljóst er að leiðtogar rík­
isstjórnarinnar leggja á það mikla
áherslu að niðurstaða fáist í þá
vinnu sem fyrst.
Á sama tíma og ráðgjafar
stjórnvalda leggja lokahönd á að
móta stefnu stjórnvalda í hafta­
málum hafa fulltrúar kröfuhafa
haldið sig til hlés að undanförnu.
Það kann að breytast á næstu
vikum og bíða margir með eftir­
væntingu eftir kröfuhafafundi
Glitnis 3. mars næstkomandi.
Ekki þykir ólíklegt að þar verði
meðal annars upplýst um þá fjár­
festahópa sem hafi skrifað undir
viljayfirlýsingu um kaup á hlut
Glitnis í Íslandsbanka. Mars­
mánuður gæti orðið viðburða­
ríkur í íslensku efnahagslífi.
Raunir pistlahöfunda
Segja má að þeir félagar Davíð
Oddsson og Guð hafi verið býsna
áberandi í þjóðmálaumræðunni
hér á landi undanfarna daga og
svo sem ekki í fyrsta sinn.
Álitsgjafar og pistlahöfundar
þurfa auðvitað að taka mið af
þessu, sem er fyrir mörgum
áhlaupaverk. Þannig sagði Guð­
mundur Andri Thorsson á Face­
book í gær: „Í gærmorgun kom til
greina að skrifa mánudagspistil
um Guð eða Davíð Oddsson –
hvort Guð beri ábyrgð á þeim
lánum sem hann hefur veitt og
hvort Davíð sé til. Hvort tveggja
efnið reyndist mér ofviða.“
Hef ekki fengið krónu
afskrifaða neins staðar
Ástríðan teymir
okkur áfram
Ég legg allt undir
Björn Leifsson, eigandi World Class, segist ekki vera kennitöluflakkari. – Viðskiptablaðið Hugrún Árnadóttir í Kron fylgir hjartanu. – DV
S
tundum er gott að láta sig
dreyma. Ég sé til dæmis
fyrir mér blómlegar byggð­
ir um land allt, hamingju­
samt fólk sem hefur nóg að
sýsla, framúrskarandi heilbrigðis­
þjónustu, fyrirtaks vegi og flug­
velli, þriggja fasa rafmagn fyrir alla
og ljósleiðaranet hringinn í kring­
um landið, bryggjurnar iða af lífi
og í sveitum landsins framleiðum
við heilnæm matvæli fyrir alla Ís­
lendinga og erum auk þess farin að
stunda umfangsmikinn útflutning á
grænmeti, kjöti og fiski þar sem við
framleiðum miklu meira en við get­
um sjálf torgað. Ávaxtarækt í upp­
hituðum gróðurhúsum er líka langt
á veg kominn. Íslenskir bananar –
umm, já takk!
Fólk fer þangað
sem störf er að finna
Það er ekki hagkvæmt fyrir þjóðar­
búið að of stór hluti þjóðarinnar búi
á sama landshorninu. Til að nýta öll
landsins gæði, til sjávar og sveita,
verður fólk að búa sem víðast. Skil­
virk byggðastefna er nauðsynleg til
að hægt sé að byggja upp og nýta
auðlindir landsins. Liður í skilvirkri
byggðastefnu eru sköpun atvinnu­
tækifæra um land allt; bæði færsla
opinberra starfa frá höfuðborgar­
svæði til landsbyggðar og stuðning­
ur við annars konar atvinnuupp­
byggingu. Norðmenn hafa rekið
mjög öfluga byggðastefnu um árabil
og með henni náð að snúa byggða­
þróun við í Noregi. Við eigum
að horfa til Norðmanna og vera
óhrædd við að nýta þær leiðir sem
bestan árangur hafa borið.
Sameiginlegir hagsmunir
Fjölbreytt atvinnulíf um land allt
ætti að vera sameiginlegt mark­
mið okkar allra. Fólkið fer þang­
að sem vinnu er að fá. Þar sem at­
vinnutækifærin eru, þar er jafnframt
þjónusta og þá erum við komin með
eftirsóknarvert byggðalag. Á undan­
förnum árum hefur opinberum
störfum fjölgað á höfuðborgarsvæð­
inu en fækkað á landsbyggðinni. Í
ljósi neikvæðrar byggðaþróunar og
þeirra sameiginlegu hagsmuna okk­
ar að snúa henni við, þá liggur beint
við að spyrja eftirfarandi spurn­
ingar: Hvers vegna er umræðan svo
hávær þegar örfá störf, hlutfalls­
lega, hverfa af höfuðborgarsvæð­
inu en minna heyrist þegar störf eru
færð frá landsbyggð til höfuðborgar­
svæðisins?
Meira um Fiskistofu
Fyrir nokkrum mánuðum kynnti
sjávarútvegsráðherra fyrirhugaðan
flutning á höfuðstöðvum Fiskistofu
frá Hafnarfirði til Akureyrar. Um var
að ræða 15­20 störf og flutningurinn
átti að eiga sér stað á löngum tíma.
Gert var ráð fyrir að höfuðstöðv­
ar Fiskistofu yrðu komnar til Akur­
eyrar fyrir 1. júlí 2015 og að flutn­
ingi lyki að öllu leyti fyrir 1. janúar
2017. Hugmyndin með því að flytja
starfsemina á svo löngum tíma var
m.a. að halda þekkingunni innan
stofnunarinnar, gefa mönnum að­
lögunartíma en sýnt þykir að rekstur
stofnunarinnar er hagkvæmari fyrir
norðan en sunnan.
Jón og séra Jón
Á svipuðum tíma misstu 10 manns
við Landbúnaðarháskólann á
Hvanneyri vinnuna. Lítið heyrðist
um það mál í fjölmiðlum. Nokkur
opinber störf hafa horfið á síðustu
misserum frá Höfn. Ekki orð í fjöl­
miðlum. Það þarf víst ekki að út­
skýra það fyrir lesendum að at­
vinnutækifæri eru talsvert fleiri á
höfuðborgarsvæðinu, þar sem Fiski­
stofa er staðsett (þ.e. ef menn geta
alls ekki hugsað sér að flytja norður
á Akureyri) en til dæmis á Höfn eða
á Hvanneyri.
Forréttindi að búa
á landsbyggðinni
Mér þótti umræðan um Fiskistofu
skrítin. Það er ekki refsing að búa
landsbyggðinni, heldur forréttindi.
Við getum deilt um aðferðafræði
flutnings opinberra stofnana. En það
er óumdeilanlega hagur okkar allra
að landinu sé öllu haldið í byggð.
Liður í því er að byggja upp grunn­
þjónustu, fjarskipti, samgöngur og
síðast en ekki síst, flytja opinber störf
frá höfuðborg til landsbyggðarinn­
ar samhliða því að skapa önnur at­
vinnutækifæri um land allt. n
Allir á mölina„Það er ekki
refsing að búa á
landsbyggðinni, heldur
forréttindi.
Silja Dögg Gunnarsdóttir
þingkona framsóknar
Kjallari
Adolf Ingi Erlingsson stofnaði útvarpsstöðina Radio Iceland. – DV
„Við viljum
tryggja börn-
um okkar heilbrigt líf og
hamingju. Hluti af því er
að vernda þau fyrir skæð-
um sjúkdómum.
Leiðari
Eggert Skúlason
eggert@dv.is