Dagblaðið Vísir - DV - 27.02.2015, Qupperneq 45

Lífsstíll 37Helgarblað 27. febrúar–2. mars 2015
Útlitsmiðuð
sjálfsmynd
Í vikunni sem nú er að líða und­
ir lok áttu sér stað stórir við­
burðir í heimi stjarnanna. Bæði
hér heima á Edduverðlauna­
hátíðinni og í Hollywood þegar
Óskarsverðlaunin voru afhent.
Við þessi tilefni er athyglis­
vert að skoða með kynja­
gleraugum þá athygli sem
stjörnunum er sýnd. Samfélags­
miðlarnir hafa logað og sitt sýn­
ist hverjum í þessu samhengi.
Því er þó ekki að neita að konur
fá meiri athygli fyrir kjólana og
útlitið á meðan meiri tími gefst
til þess að ræða framlag karl­
anna til greinarinnar og kom­
andi starfsferil.
Við getum að sjálfsögðu
þrætt um og rætt þessi mál í
þaula, en verðum þó flest að
sammælast um að útlitskröf­
ur til kvenna eru snaralvar­
legar og oft og tíðum skaðlegar
sjálfsmynd þeirra og líkamlegri
heilsu. Nokkuð sem til dæmis
viðtalsröð í Kastljósi vikunnar
staðfesti í viðtali við unga konu
sem fékk hjartastopp vegna
átröskunar með þeim alvar­
legu afleiðingum að hún getur í
dag hvorki gengið né tjáð sig al­
mennilega.
Ég hef oft fengið spurn­
ingar um hvernig við getum
snúið þessari þróun við og leyft
öðrum þáttum en útlitinu að
stýra því hvort við séum með
jákvæða eða neikvæða sjálfs­
mynd. Og ef ég bara vissi svarið!
Það sem ég þó legg til er að
við lítum öll sem einstaklingar
inn á við, skoðum sjálfsmynd
okkar og þá þætti sem henni
stjórna. Eðlilegt er að fjöl­
skyldan, áhugamálin, heilsan,
samfélagsstaða og vinir komi
þar við sögu en hjá mörgum
stelpum og konum fær útlitið
að ráða allt of miklu um það
hvernig sjálfsmyndin mótast og
þróast.
Aftur á móti getum við öll
með æfingu og stöðugri með­
vitund reynt að gefa öðrum
þáttum meira vægi. Ef við hrós­
um öðrum fyrir eiginleika sem
eru óháðir útliti þeirra og ef við
fókuserum á það sem við sjálf
erum góð í þá fær það ósjálfrátt
að hafa meiri áhrif en ytri þætt­
ir eins og útlit.
Þá getur skipt sköpum að
stunda áhugamálin og njóta
augnabliksins. Eins er sniðugt
að snúa umræðu sem þér
finnst of útlitsmiðuð upp í efni
sem tengjast hæfileikum og
gjörðum. Þetta er sérstaklega
mikilvægt þegar kemur að upp­
eldi barnanna okkar.
Með því að breyta þessari
áherslu innra með okkur erum
við að hafa áhrif á samfélagið
í heild sinni. Margt smátt gerir
eitt stórt og ef við byrjum á okk­
ur sjálfum þá hlýtur það að vera
skref í rétt átt.
Út fyrir
kassann
Kristín Tómasdóttir
utfyrirkassann@gmail.com
Á öllum aldri
Konur í hópnum eru
á aldrinum 12 ára og
upp í fimmtugt.
Konur ráðleggja hver annarri
Áslaug María stofnaði hópinn Beauty-tips
Á
örfáum vikum hefur hópur­
inn Beauty­tips á Facebook
haslað sér völl sem stærsti
umræðuþráður ungra kvenna
á Íslandi. Fyrir tilstilli Áslaugar
Maríu Agnarsdóttur, sem stofnaði
hópinn á eigin spýtur, hefur hópur­
inn vaxið stöðugt frá því um miðjan
febrúar og telur nú um 23.000 kon­
ur.
Áslaugu Maríu þótti vanta upp­
byggilegan vef fyrir konur þar sem
þær gætu skiptst á ráðum og hvatn­
ingu um málefni tengd heilsu, út­
liti og tísku. Viðtökurnar stóðu ekki
á sér og umræður sem hafa skapast
innan hópsins eru afar fjölbreytt­
ar. Í hópnum eru engar auglýsingar
leyfðar heldur er þetta vettvangur
ráðlegginga, kvenlægrar samstöðu
og uppbyggilegrar umræðu.
„Hugmyndin var bara að hafa
þetta litla grúppu þar sem stelpur
geta skipst á ráðum. Svo hefur
hópurinn þróast með tímanum og
umræðurnar spanna allt mögu­
legt, til að mynda andlega heilsu,
félagslíf og alls konar pælingar sem
tengjast samfélaginu og samskipt­
um. Stelpur skiptast líka á reynslu­
sögum, hvort sem þær eru erfiðar,
sorglegar eða jákvæðar.“
Hópurinn er lokaður og þurfa
meðlimir að óska eftir samþykki til
þess að taka þátt í umræðunum.
Vegna forvitni karlpeningsins sem
tóku meðlimir síðunnar lýðræðis­
lega ákvörðun um að neita karl­
mönnum um aðgang að hópnum.
„Í upphafi var stefnan ekki tek­
in á sérstakan markhóp, fyrir utan
að svæðið ætti bara að vera tileink­
að stelpum. En svo fóru strákar að
tínast inn og mjög margir kvört­
uðu undan því að stemningin væri
að breytast. Það er bara einfaldlega
þannig að það var bara haldin kosn­
ing og strákarnir látnir fjúka. Nú eru
bara konur á öllum aldri inni á síð­
unni, alveg frá 12 ára og upp í kon­
ur á fimmtugsaldri en þær fylgjast
mismikið með og taka mismikinn
þátt.“
Til þess að sækja um þátttöku
í hópnum þarf Facebook­vinkona
þín sem er nú þegar meðlimur í
hópnum að sækja um aðgang fyrir
þig. n
Erna er með leiklistar­
bakteríuna á háu stigi
Erna Björk ver stærstum hluta frítíma síns í áhugamannaleikhúsi
L
eiklist heillar marga, hvort
sem það er að horfa á gott
leikverk eða taka þátt í upp­
setningu þess. Færri stunda
leiklist sem áhugamál enda
krefst uppsetning á leikverki mik­
illar vinnu, viðveru og tíma. Erna
Björk Hallbera Einarsdóttir grunn­
skólakennari setur þetta ekki fyrir
sig og tekur þátt í áhugamannaleik­
húsi af krafti.
Erna Björk vinnur fullt starf sem
deildarstjóri við Barnaheimilið Ós.
Frítíma sínum ver Erna að miklu
leyti í áhugamálið sitt en hún hef­
ur á undanförnum árum starfað
með ýmsum áhugamannaleikhóp­
um. Um þessar mundir leikur Erna
í verkinu Óþarfa offarsi sem Leikfé­
lag Kópavogs setur upp.
Fyrstu skrefin í Rocky Horror
„Eins og hjá svo mörgum byrjaði
þetta á menntaskólaárunum. Fram­
haldsskólinn í Vestmannaeyjum
setti upp Rocky Horror í Leikfélagi
Vestmannaeyja og þar steig ég mín
fyrstu skref á sviði í litlu sætavísu­
hlutverki. Það var þó ekki fyrr en
þremur árum seinna sem leiklistin
kveikti fyrst virkilega í mér en þá
setti Leikfélag Vestmannaeyja upp
Gauragang undir leikstjórn hins of­
ursnjalla Agnars Jóns Egilssonar og
ég landaði hlutverki Lindu, kær­
ustu Orms. Eftir að hafa hneigt mig
á sviði í frumsýningarvímu var ekki
aftur snúið, ég var komin með leik­
listarbakteríu á háu stigi.“
Erna íhugaði leiklistarskólann
þegar hún valdi sér nám eftir
menntaskóla en kennaranámið
heillaði líka og varð ofan á. Aftur
á móti hefur Erna sótt fjölda nám­
skeiða og verið dugleg að viða að
sér leiklistarþekkingu samhliða
kennarahlutverkinu.
„Ég hef verið dugleg að sækja
hin og þessi leiklistarnámskeið og
sumarfríin hafa verið vel nýtt í slíka
vinnu. Ég læt mig samt dreyma um
að komast í sumarskóla erlendis
, í það minnsta í aðeins lengra og
meira krefjandi nám í leiklist en ég
hef prófað hingað til. Trúðaskóli er
til dæmis eitthvað sem ég held að
gæti verið mjög lærdómsríkt. Ég get
einhvern veginn aldrei sleppt tak­
inu af leiklistinni, þannig að segja
má að ég sé 100% kennari í 100%
áhugaleik.“
Leikhúsið er fyrir alla
Erna Björk mælir svo sannarlega
með áhugaleikhúsinu fyrir alla og
hvetur fólk til þess að standa upp
úr sófanum á kvöldin og kynna sér
allt sem í boði er fyrir áhugaleikfólk
á Íslandi.
„Áhugaleikhússenan á Íslandi
er virkilega flott og vönduð. Það
eina sem maður þarf að gera er
að hafa samband og mæta, þarna
hittist fólk á öllum aldri og úr öll­
um starfsstéttum. Á vef Banda­
lags íslenskra áhugaleikara má
einnig finna fréttir um starfsemi
áhugaleikhúsa og svo er „Google“
frænka alltaf góð ef fólk er að leita
sér að leikfélagi. Leikhúsið er fyrir
alla.“ n
Fékk bakeríuna
Eftir að hafa tekið
þátt í uppsetningu
á Rocky Horror í
menntaskóla var
ekki aftur snúið.