Dagblaðið Vísir - DV - 27.11.2015, Qupperneq 8

Helgarblað 27.–30. nóvember 20158 Fréttir
Satis.is
Satis ehf | Fákafeni 9 | Sími: 551 5100 | www.satis.is
Sjáðu SKY
með NowTV
netmyndlykli
Ekki lengur þörf að setja upp disk. Kauptu SKY áskrift
af skemmtipakka SKY, Sky Movies eða Sky Sports.
Allir nýjir viðskiptavinir fá Sky Movies frítt í 3 mánuði
og Skemmtipakkann í 2 vikur. (gildir til 15. nóv).
Enginn
binditími
Eitt fullkomnasta VOD kerfi í heimi
Verð frá 3.490 kr. á mán.
Ráðgjafi í haftamálum fer í
sæstrengsviðræður við Breta
n Benedikt Gíslason og Benedikt Árnason í sæstrengsvinnuhóp n Funda með Bretum í næsta mánuði
H
elsti ráðgjafi íslenskra stjórn-
valda við vinnu að áætlun
um losun fjármagnshafta á
undanförnum tveimur árum
hefur verið skipaður í verk-
efnisstjórn sem hefur það verkefni að
eiga í könnunarviðræðum við Breta
um lagningu sæstrengs.
Samkvæmt heimildum DV verður
Benedikt Gíslason fulltrúi fjármála-
og efnahagsráðuneytisins í verk-
efnastjórninni og þá mun Benedikt
Árnason, efnahagsráðgjafi forsætis-
ráðuneytisins, einnig bætast í hópinn
sem fulltrúi forsætisráðuneytisins.
Gert er ráð fyrir því að fyrsti fund-
ur verkefnisstjórnarinnar með full-
trúum breskra stjórnvalda fari fram í
næsta mánuði og stefnt er að því að
niðurstöður úr viðræðunum liggi fyrir
á vormánuðum næsta árs.
Á tvíhliða fundi Sigmundar Davíðs
Gunnlaugssonar forsætisráðherra
og Davids Cameron, forsætisráð-
herra Bretlands, sem var haldinn hér
á landi 28. október síðastliðinn var
ákveðið „að setja á laggirnar vinnu-
hóp til að kanna mögulega tengingu
á milli landanna í gegnum sæstreng,“
eins og sagði í tilkynningu frá for-
sætisráðuneytinu. Þá ætti að skoða
nánar þau efnahags- og félagslegu
áhrif sem lagning sæstrengs gæti haft
í för með sér.
Í kjölfarið var samþykkt á fundi
ríkisstjórnarinnar í byrjun þessa
mánaðar að verkefnisstjórn á vegum
atvinnuvega- og nýsköpunarráðu-
neytisins, sem var skipuð undir árs-
lok 2014 til að kanna hagkvæmni þess
að leggja slíkan sæstreng, myndi taka
við því verkefni að eiga í viðræðum
við Breta. Auk þeirra Benedikts Gísla-
sonar og Benedikts Árnasonar eiga
fyrir sæti í hópnum þau Ragna Árna-
dóttir, aðstoðarforstjóri Landsvirkjun-
ar, Þórður Guðmundsson, fyrrverandi
forstjóri Landsnets, og Ingvar Már
Pálsson, skrifstofustjóri iðnaðar- og
orkumála í atvinnuvegaráðuneytinu.
Mikill áhugi Breta
Benedikt Gíslason, sem var fram-
kvæmdastjóri fjárfestingabankasviðs
MP banka á árunum 2011 til 2013,
var ráðinn sem ráðgjafi fjármálaráð-
herra í haftamálum í nóvember 2013
og átti sæti í framkvæmdahópi stjórn-
valda um losun hafta. Benedikt tók
þátt í pallborðsumræðum á ráðstefnu
Samtaka atvinnulífsins fyrr í þessum
mánuði þar sem umræðuefnið var
reynsla Norðmanna af lagningu sæ-
strengja og möguleikar Íslands á
evrópskum orkumarkaði.
Það hefur lengi legið ljóst fyrir að
Bretar hafa verið afar áhugasamir um
lagningu sæstrengs en þar í landi leita
stjórnvöld um þessar mundir allra
leiða til að auka vægi endurnýjanlegra
orkugjafa í sinni raforkuframleiðslu.
Í skýrslu ráðgjafahóps atvinnuvega-
ráðuneytisins um raforkustreng til
Evrópu, sem var kynnt í júní 2013,
sagði að afla þyrfti frekari upplýs-
inga áður en hægt væri að fullyrða
um þjóðhagslega hagkvæmni slíks
verkefnis fyrir Ísland. Í því skyni væri
nauðsynlegt að hefja viðræður við full-
trúa breskra stjórnvalda. Það mun því
marka talsverð tímamót fyrir fram-
gang málsins þegar slíkar viðræður
hefjast á allra næstu vikum. Á meðal
þeirra aðila sem bresk stjórnvöld hafa
tilnefnt sem fulltrúa sinn í viðræðum
við Íslendinga, samkvæmt heimild-
um DV, er Andrew McClean, meðeig-
andi að lögmannsstofunni Slaught-
er and May í London. Hann var einn
helsti ráðgjafi viðræðunefndar breskra
stjórnvalda í Icesave-deilunni við Ís-
land á sínum tíma.
Tífalt hærra verð raunhæft
Viðræðurnar við Breta munu meðal
annars felast í því að fá upplýs-
ingar um hversu mikið magn orku
gæti verið selt í gegnum strenginn,
á hvaða tíma dagsins rafmagnið yrði
keypt, fjármögnun og eignarhald á
strengnum – og síðast en ekki síst á
hvaða verði Bretar væru reiðubún-
ir að kaupa raforkuna. Þótt ómögu-
legt sé að áætla á þessari stundu hver
heildarkostnaðurinn yrði við slíkan
sæstreng – Hagfræðistofnun Íslands
áætlar hann á bilinu 288 til 553 millj-
arða – þá er líklegt að um yrði að ræða
stærsta fjárfestingarverkefni Íslands-
sögunnar. Sökum stærðar verkefnis-
ins er því ljóst að Landsvirkjun mun
aldrei taka á sig þá áhættu sem fylgir
því að leggja slíkan streng heldur yrði
það alfarið á herðum erlendra fjár-
festa.
Allar líkur eru taldar á því að Ís-
lendingar gætu selt orku í gegnum
sæstreng á margfalt hærra verði – tí-
falt hærra verð hefur verið nefnt sem
raunhæft – miðað við núgildandi
raforkusamninga Landsvirkjunar. Í
þeim efnum hefur verið vísað til þess
að bresk yfirvöld eru með í slíkum
raforkuviðskiptum stuðningskerfi (e.
contracts for difference) sem þau hafa
meðal annars notað við byggingu á
nýju kjarnorkuveri. Í slíkum samn-
ingum ábyrgjast þau 65% af kostnaði
við framkvæmdir og tryggja raforku-
verð sem samsvarar 150 Bandaríkja-
dölum á hverja megawattstund til 35
ára. Þá er einnig fyrir hendi sams kon-
ar stuðningskerfi fyrir vindorkugarða
og þar fer raforkuverðið upp í allt að
200 dali á megawattstund. n
Þrátt fyrir að margt bendi til þess að
sæstrengur milli Íslands og Bretlands
gæti stóraukið arðsemi Landsvirkjunar af
raforkusölu þá hafa skoðanakannanir sýnt
að almenningur hér á landi hefur miklar
efasemdir um að rétt sé að ráðast í slíka
framkvæmd. Þannig sýndi skoðanakönnun
sem Gallup gerði fyrir hópinn Auðlindir okkar
– áhugamannafélag um ábyrga nýtingu auð-
linda Íslands fyrr á þessu ári að 67% þeirra
sem tóku afstöðu væru andvíg því að selja
raforku til Bretlands í gegnum sæstreng.
Þeir sem hafa helst gagnrýnt hugmyndir
um lagningu sæstrengs hafa meðal annars
bent á að afleiðingin yrði líklega sú að raf-
orkuverð til heimila myndi hækka í kjölfarið.
Á fundi Sigmundar Davíðs Gunnlaugssonar
með forsætisráðherra Bretlands í lok síðasta
mánaðar, þar sem þeir sammæltust um
að setja á laggirnar vinnuhóp til að ræða
tengingu landanna í gegnum sæstreng,
ítrekaði Sigmundur Davíð að „forsenda fyrir
mögulegri lagningu sæstrengs í framtíðinni
væri að raforkuverð til heimila og fyrirtækja
hækki ekki,“ eins og sagði í tilkynningu
forsætisráðuneytisins.
Bjarni Benediktsson fjármálaráðherra
hefur sagt að sæstrengur sé áhugaverður
kostur en að ganga þurfa úr skugga um
að verkefnið sé efnahagslega forsvaran-
legt. Í frásögn Viðskiptablaðsins af fundi
Bresk-íslenska viðskiptaráðsins í september
síðastliðnum sagði Bjarni að hann teldi að
núna væri rétti tíminn til að færa aukinn
kraft í samskipti á milli íslenskra og breskra
stjórnvalda um málið.
Hörður Ægisson
hordur@dv.is
Skoða sæstreng Á fundi Sigmundar Davíðs og Davids Cameron í lok síðasta mánaðar var ákveðið að setja á fót vinnuhóp til að eiga
könnunarviðræður um lagningu sæstrengs á milli á landanna.
Benedikt Árnason
Benedikt Gíslason
Andstaða á meðal almennings við sæstreng